吃炸雞喝啤酒易致肥衰老

2014/03/11 08:42:24 網誌分類: 生活

11 Mar

        韓劇《來自星星的你》播畢，但熱潮仍未冷卻，女主角一句：「下雪天，就該吃炸雞喝啤酒！」引來粉絲們爭相仿效。即使香港沒有下雪，尖沙咀的韓國街大排長龍買炸雞！

        大家都知炸雞油份多熱量高，一件炸雞上髀含約三百六十卡路里及五茶匙油，雞皮含大量飽和脂肪，煎炸食物含反式脂肪，會升「壞膽固醇」降「好膽固醇」。《星星》男主角畢竟是外星人可長生不老，但我們地球人如不注意飲食，就不只容顏衰老，直頭隨時心臟病發。有否想過其實大家可自家製健康版炸雞？先把雞髀肉去皮，將肉切成小塊然後醃好，用易潔鑊少油把雞肉煎至八成熟，然後雞肉沾上蛋漿，再在麵包糠上轆過，將雞塊放入光波爐或已預熱的焗爐，焗至金黃色，即成！現成麵包糠在超市有售，如想外皮香脆點，可用粟米片碎。想增加風味，吃雞粒時可撒上七味粉、黑胡椒、紫菜碎等，又或沾上喼汁、辣椒仔辣汁、低脂乳酪等。

        啤酒配炸雞的確很爽！但緊記適可而止。酒精是繼脂肪後熱量最高的營養素，同等份量計，酒精的熱量比澱粉質、糖或蛋白質還要高，所以過量飲酒容易致肥。一罐啤酒含約一百五十卡路里，而且酒精增加肝臟負荷、血壓、甘油三酸脂、乳癌及大腸癌等的風險。建議男士一天不多於兩罐啤酒，女士一天一罐為限，一星期最少兩天不飲酒。想懷緬《星星》，除了吃炸雞喝啤酒外，何不學女主角敷面膜打扮靚靚化個裸妝，或學男主角剪個有型披頭四髮型，一樣開心！

        香港營養師協會認可營養師

        澳洲註冊營養師

        黃思敏

回應 (0)

我要發表

M 2019/10/19

好笑，最唔會fact check既人同我地講fact check

知唔知有幾心血管疾病既人膽固醇"正常"? fact check咗未﹖

地中海飲食係公認為最健康飲食之一但地中海既膽固醇永遠都高過人你又知唔知﹖ fact check咗未﹖

知唔知60歲以上既人膽固醇愈高愈長命﹖ fact check咗未﹖

Kitavan食幾多椰子同吸煙但完全無心臟病﹖fact check咗未﹖定你想死撐吸煙對心臟好﹖我會話係因為佢地唔食你地啲咩垃圾whole grain同糖，呢個先係重點

美國已經開始用low carb既方法去幫人減肥！fact check咗未﹖你無睇錯，就算係美軍都已經開始考慮改用生酮飲食因為連佢地都有痴肥問題呀。不如你寫封信俾特朗普講你啲咩"本是控制兒童癲癇的食療"既理論叫佢繼續食你既垃圾低脂飲食啦

本來我都覺得同你地啲食古不化既營養師講都係浪費時間但偏偏你要講埋啲咩fact check！最唔會fact check係你地啲讀書讀完Ancel Keys啲呃人理論就以為可以講到死嗰一日以為唔會有後果既害人害物至真

L 2019/05/17

既然你地啲營養師每一餐都要問得咁仔細咁專業的話，咁點解一個聲稱"追踪咗二十多年和四十多萬人"但只係以食物問卷型式六年問一次"你尋日食咗乜野?"就可以得出"低碳水化合物會短命"既結論又有幾可信呢﹖

最可笑既係你地又可以大肆宣傳呢啲報導結果，佩服

H 2019/01/25

https://www.washingtonpost.com/news/wonk/wp/2015/10/06/for-decades-the-government-steered-millions-away-from-whole-milk-was-that-wrong/

多餘，全脂奶不知道幾有益

你地班咩咩營養師一日淨係識低脂低脂低脂，根本係全無根據之說，糖先係心臟病原兇，從來無人能夠證明脂肪導致心臟病

卡路里又係垃圾之說，咩五百卡等如兩碗飯，咁係咪我飲一杯同我飲125g糖的水一樣咁肥﹖保證一定唔係，痴線

吃炸雞喝啤酒易致肥衰老

網誌分類

最新網誌

最新回應

月曆