營養師唔易做

2014/04/08 10:13:04 網誌分類: 生活

08 Apr

        在這個資訊爆炸、人人都可發表言論、轉載文章的年代，所有醫護人員都唔易做，尤其是營養師。「導演個專欄話椰子油好噃」、「討論區啲人話代糖致癌噃」、「WhatsApp啲人話芥花籽油有毒喎」、「啲人話呢隻奶穩定血糖㗎」……營養師即使從不同渠道如撰寫專欄、接受電台雜誌訪問等，陳列出科研證據，詳細解釋，但自由資訊的力量着實太大，令人招架不住。市民大眾面對氾濫的健康資訊，亦不時向我們查詢「係咪真㗎？」

        以下是幾個大原則，去幫助大家判別是非。第一，從可信賴的網頁獲取健康資訊，例如衞生署、美國心臟協會、美國糖尿協會、英美澳加的營養師協會、香港營養師協會、大學營養學系、消委會等。試想任何人都可在討論區或WhatsApp發表言論，究竟最初是誰人傳出來根本無從稽考，文章內容亦往往錯漏百出，其實不少是背後食物財團推廣產品或攻擊對手的策略，芥花籽油和代糖的謠傳就正是這種情況。

        第二，緊記世上並沒有「神奇食物」，從沒有科研證據指出某一種食物能為所有人醫百病。疾病背後的生化過程複雜，醫護團隊透過觀察臨牀變化診斷，從而進行個人化的治療。健康飲食是從不同食物攝取身體所需熱量及各種營養素，如有人向你說吃某一兩種食物就可解決所有問題，都是譁眾取寵，椰子油的謠傳及糖尿奶粉的廣告正是這種情況。

        第三，諮詢真正的專業人士，你想知人壽保險有哪幾種方案會找保險經紀，你想知某種藥物的安全劑量會問藥劑師，你想知健康資訊和疾病食療會否問導演？就正如營養師不會胡亂批評導演的拍攝手法，亦請導演不要充專家去發放食療歪論，危害公眾健康，所謂Alittleknowledgeisadangerousthing。註冊營養師必須修讀最少三至五年營養及食療的大學學位，並於醫院進行臨牀實證，領牌後還須每年持續進修數十小時才能續牌。各位如有任何食療問題，請諮詢註冊營養師，本會網頁www.hkda.com.hk有營養師名冊。

        澳洲註冊營養師

        香港營養師協會網頁主管

        黃思敏

回應 (0)

我要發表

M 2019/10/19

好笑，最唔會fact check既人同我地講fact check

知唔知有幾心血管疾病既人膽固醇"正常"? fact check咗未﹖

地中海飲食係公認為最健康飲食之一但地中海既膽固醇永遠都高過人你又知唔知﹖ fact check咗未﹖

知唔知60歲以上既人膽固醇愈高愈長命﹖ fact check咗未﹖

Kitavan食幾多椰子同吸煙但完全無心臟病﹖fact check咗未﹖定你想死撐吸煙對心臟好﹖我會話係因為佢地唔食你地啲咩垃圾whole grain同糖，呢個先係重點

美國已經開始用low carb既方法去幫人減肥！fact check咗未﹖你無睇錯，就算係美軍都已經開始考慮改用生酮飲食因為連佢地都有痴肥問題呀。不如你寫封信俾特朗普講你啲咩"本是控制兒童癲癇的食療"既理論叫佢繼續食你既垃圾低脂飲食啦

本來我都覺得同你地啲食古不化既營養師講都係浪費時間但偏偏你要講埋啲咩fact check！最唔會fact check係你地啲讀書讀完Ancel Keys啲呃人理論就以為可以講到死嗰一日以為唔會有後果既害人害物至真

L 2019/05/17

既然你地啲營養師每一餐都要問得咁仔細咁專業的話，咁點解一個聲稱"追踪咗二十多年和四十多萬人"但只係以食物問卷型式六年問一次"你尋日食咗乜野?"就可以得出"低碳水化合物會短命"既結論又有幾可信呢﹖

最可笑既係你地又可以大肆宣傳呢啲報導結果，佩服

H 2019/01/25

https://www.washingtonpost.com/news/wonk/wp/2015/10/06/for-decades-the-government-steered-millions-away-from-whole-milk-was-that-wrong/

多餘，全脂奶不知道幾有益

你地班咩咩營養師一日淨係識低脂低脂低脂，根本係全無根據之說，糖先係心臟病原兇，從來無人能夠證明脂肪導致心臟病

卡路里又係垃圾之說，咩五百卡等如兩碗飯，咁係咪我飲一杯同我飲125g糖的水一樣咁肥﹖保證一定唔係，痴線

營養師唔易做

網誌分類

最新網誌

最新回應

月曆