回到現實
2014/07/22 02:49:11 網誌分類: 未分類
經過世界杯的絢爛之後，球迷們又回到現實。
世界杯時候我有放過半天的假，下午才上班，雖然都係搵自己笨，因為都係要做晒工作才可以走，但可以看球賽都係好開心。
現實係一位共事14年的同事，在毫無徵兆下確診鼻咽癌。這位仁兄每天很早上班很晚下班，一年之中我大概只有一兩天有特別事做才可比他早，而他也從不告病假，是位健康勤力的好好先生。上年的工作評估，他拿了好難攞的Excellent performance.
忽爾，病魔來襲。我不知他是第幾期，但應該係初期，要做36次電療。我希望他沒事，擊退病魔，快些回來。
沒有他在，工作好似有了斷層，大家踢晒腳。他們在做的project的死線非常緊迫，而leader我大膽講句係個庸才，也不知這幾個月會有甚麼演變。
他告訴我他父母也有癌病，但不是鼻咽癌，莫非真有遺傳？另一位朋友的父母在老年也有cancer，她就特別小心，在30多歲也check到有癌前病變，可幸發現得早，已經處理康復。
他們都叫我去做全身檢查，因這個年紀也差不多了，但我還未去做，也許是不敢面對，不敢打開Pandora's box.
有大人講自己與8歲孩子的心態。
將人民說成特首的boss，我好震驚，是誰給孩子這樣的教育？遲些他會去佔中嗎？
見到一條片，城大學生Jane Leung無理取鬧要在又一城商場之內打傘。我看不到這樣跟爭取真普選有甚麼關係。
這位所謂大學生，將「人身攻擊」寫成「人生攻擊」。不如真係比心機讀下書啦。
仲要吹雞玩謝又一城。周永康就話要殺上北京。
班學生瘋了。
舅父仔：觀乎現在佔中的一班領頭人，都只是徘徊在口號式的理念，真是空談誤國，無計安邦。
主席，我覺得民主不是一個空談。民主選舉也不代表我們懂選一個有領導能力，把香港推向最高峰的領袖。
政策如果太傾向福利主義，變成觀音借庫一般，對香港又有甚麼幫助？
等於好多人大喊全民退保，卻可能導致2046後庫房破產，無以為繼，這些人有沒有想過後果？就只顧住現在收$3000，full stop，毫無前瞻性。
阿仙奴驚濤駭浪之下以1-2反敗為勝作客擊敗安德列治。未落後之前還在求和，為甚麼要求和呢？70分鐘終於失守，再次暴露中路的弱點。再講一次，一隊大隊得兩個正宗中堅真係唔合理。
因為時間關係急於平反，雲加放棄了防守中場法明尼，放入Oxlade，中場截擊力更弱好似不設防，差D輸到2-0。幸好Anderlecht上年只有1分出局，屬於魚腩部隊把握力較弱，所以雲加叫做博到。
追平1-1的一球右閘Chambers出波左閘Gibbs入波，傳射俱佳，雙閘齊飛，好精彩。
雲加83分鐘才放入普度斯基，普度的左腳極有功夫，我都不明為何雲加永遠不加重用，難怪普度亦心灰意冷想離隊。昨晚救返阿仙奴的，正係最不受重用的普度，在90分鐘與禁區混亂中抽射掛網。
好喜歡山齊士的爭勝心，跟悠閒的Ozil是一個大對比。要贏波，就要有爭勝利心強的球員。
舅父仔：吃毒蘋果長大的係咁嘅啦！
入球停不了的歐聯夜！好誇張！
雲加今天生日，希望阿仙奴贏波為他慶祝。
馬仔，各有不同立場，唔會傾得埋欄。
我見到班人都好煩。他們說代表大眾，但我唔想他們代表我，因為我根本唔想見香港變成咁。就算今次佔中能解決，香港都已元氣大傷，阿爺不再會委以重任，今次就真係 the city is dying.
真係想問下學聯，他們想選誰做特首。
周永康岑敖暉都要留案底，我才服氣。不要讓他們逃到美國再大聲說話，像當年那堆學運領袖。當年聲稱病重的，今天仍肥屍大隻的活著。死在天安門的，不過一班名不經傳的學生。富甲一方的那位前學運領袖，就更沒聽他再談甚麼民主了。
那甚麼三子，一把年紀好做唔做去煽動學生，就一定要不得好死，才對得住香港人。
見到個班人好煩，好悶。
等我留意下#1083，謝謝！
對侯城2-2，我已經無話可說。場波，真係輸埋都仲得。藍斯復出，係一點安慰。
李聯廣，美斯即係美斯，就算在我們鬆散不平的大球場，他還是一貫的他。雖然我沒有入場，但在電視看也一樣開心。我覺得傳媒好無聊，常報道美斯黑面。為甚麼美斯要時刻展笑容？他是位球星，演出真功夫已可以。
希古恩也有好演出，但阿古路唔出場。
Persie, 對港隊場波，美斯第二球簡直係佢嘅Signature，西甲都見唔少，港隊班後衛更加冇晒符。美斯雖然只打30分鐘，不過都算冇欺場，你可能後悔冇入場。
煤氣個仔#1083近日已跌至射程，可以留意吓。除了股息較低未符你的高息要求外，長線增長應比阿媽更佳。
已經知道好多議員收了政治獻金。
會唔會有黑警都收左？做出大龍鳳打擊政府？我只係不能相信班警察會這樣愚蠢，被人錄影晒，所以都可以查下他們的銀行戶口狀況。
現在這個世界，甚麼都有可能。
主席，該兩名朋友自幼常在海灘暢泳，對海洋沒恐懼感，我估我唔得。尖沙嘴至中環部分水質未得，下屆仍然是這個香港東賽道。
李聯廣，今晚明珠台直播香港隊對阿根廷，有時間可以一看。美斯在北京對巴西射失左迪馬利亞博返來的12碼！
世界杯後遺症，令到世界杯打得好的德國荷蘭現在歐國杯外圍賽水準下降；前天波蘭歷史性2-0擊敗德國，昨晚到冰島歷史性2-0擊敗荷蘭，荷蘭落後之後照板煮碗換入亨特拿不過冰島守衛把他看管得很緊，荷蘭又心急長傳急攻，正中冰島下懷。
Persie, 從來我對阿根廷都冇好感，到馬勒當拿時更甚，美斯也不能改變我的看法，所以無謂入場了。
肥仔一號：定下目標，明年同肥仔二號一齊游渡海泳。 好似話同政府商量明年改在尖沙咀游至中環。
講起渡海泳，想起朋友告訴我的一件兒時往事：朋友家住元朗，但佢同對上四個兄長都在中半山名校讀中學，為免每日來回奔波，在學校附近租了一個單位五人居住，方便上學，週末或假期才回元朗。 二、三、四哥暪著已是港大生的大哥去參加渡海泳，嚇了大哥一跳，帶著我朋友走去碼頭找三個弟弟，等到兩個，但遲遲不見第三個；最後終於見到他慢慢游回來，抹了一把汗......
大哥熱愛攝影，有一張昆蟲照在Instagram/FB得到好多讚賞。他說退休後就展開環球攝影之旅。肥仔2號好努力修身，從游一個50米塘要停三次到一次過游30-40個塘，勤力練水，堅毅不屈。
只有我，還是一條鹹魚。
昨天去了鯉景灣看兩位好友游渡海泳。第一位係眾人大哥，58歲，36年前渡過一次，今年崔謢重來；另一位就係死黨肥仔2號。I am so proud of them, well done!
李聯廣，認同你因為我都好感慨，有朋友的兒子食完催淚彈凌晨三點回家，父母問一句，他膨一聲關房門，大二，父母還是在給他豐厚零用錢。
我讀Maslow theory 時，都係覺得如果吃不飽穿不暖，我不會再向上前進，當然有好些同學反對。今天的大學生幸福了廿年，就可以發揮他們崇高的理想。
我沒有買票捧美斯場，你呢？朋友在國內有電視直播看在北京舉行的巴西對阿根廷，他說美斯行行企企（當然可能係他胡說也說不定）；我在小米盒子也找不到轉播，我冇TVB302。我對香港隊沒甚麼興趣。
Persie, 其實我有點感慨。現在的80、90後的需求層次(need hierarchy)真的和我們有這麼大的差別嗎？還是現在的80、90後生活條件太好了，在父母的庇蔭下，一下子就到達Maslow金字塔的最高層，只會追求自尊、自我實現的層次。
我支持真普選，亦傾向支持一早預備被人抬走的「和平佔中」，但對現在的「佔鐘」、「佔旺」、「佔銅」就相當有保留甚至有反感。不過做成今日的局面，CY與特區政府都居功不少。
Without prejudice, 我對Malala沒有意見，她由受害者變成英雄，只是西方國家導演下的一個角式或一隻棋子而已。連Obama都可以獲得嘅和平獎，早已沒有什麼公信力了。
PS 你會入場睇美斯嗎？
諾貝爾和平獎，just a joke. 奧巴馬都有一個，卻令得每天人頭落地。他睡得著嗎？我估他完全冇問題，因為他是個政客。
荷蘭對哈薩克先落後一球，我倒抽一口涼氣。之前RvP有入球被判越位，其實係平牌而已。幸好總算能夠反勝3-1，亨特拿再次臨危受命做英雄。洛賓好fit，可惜靚罰球中楣角，門框震晒；又有詐糊。
捷克再勝一仗排首名，荷蘭要打醒十二分精神了。
跑馬地電車終於開通，我媽咪好開心，因為可以乘車去，不用行路。
無線新聞問D老人家為何不乘地鐵，ridiculous, 佢試下問我吖，我頭都打爆佢。
李聯廣，同意，書中自有黃金屋呢！
二十幾年前學嘅Hierarchy of Needs真係有點久違了！
不過二千幾年前春秋時代的管仲已有「倉廩實則知禮節，衣食足則知榮辱」之說。
番茄，你都得喇！
呵呵，居然有人搬出Maslow Hierarchy of Needs 來講。久違了，久違了。
Hello, Chanreborn,
好開心再次見到你在此出現^-^
我心目中真正的自由,民主 應該要容許各人表達不同意見, 唔係對方一提和自己不同見解就即 unfriend / 割蓆.
我呢個星期同d朋友講笑, 話如果想同 身邊個男/女朋友分手 或 想同老公/老婆離婚, 而之前一直搵唔到位/時機出聲講嘅, 就快D而家借D意提出強烈 支持/唔支持 , 借勢同身邊人嗌大交攪分手啦,---> 個分手理由係 好宏觀大義嘅 :政治立場有嚴重分歧.
舅父仔：少油少鹽少糖係醫生嘅口頭禪，但一下子減得太多亦好難適應，慢慢減，俾時間自己習慣。 我媽媽食得好咸，近年我刻意逐漸減少鹽份，佢而家不知不覺中都習慣咗；對佢對我自己都好。
互相尊重、溝通、接納、包容、體諒好重要！
Whatsapp group 的朋友，係認識了20多年，但為了佔中話題，多人拂袖而去。我提出不談政治，重新加入，但唔到三句又講返，又再拂袖而去。唉，為甚麼？不同觀點就不同觀點，又有甚麼好拗？
chanreborn. 我同意你講，堂堂大隊為何得兩個中堅。輸第二球梅迪薩卡直頭放棄因為完全冇速度。哥斯達攞得好又射得好，若非對曼城一仗中柱，他連續入球記錄還在繼續呢！
雲加摩佬場邊動手，大教壞細。
我明白雲加一再被稱呼為Specialist in Failure 的痛苦，因為我作為fans都好痛苦，莫講係他。
我已進入高血壓年代，昨晚一戰令我上壓爆炸性上升，幸好下壓仍可以。我血糖又係邊緣，大眼姐姐醫生一時叫我唔好食咁甜，一時叫我唔好食咁鹹；有人教我食steamed vegetables，上星期試過蒸節瓜，難食到爆。
PS 我都係用iPhone或iPad上頭條的！
kaka, 飛蚊係眼內一些浮游物由透明變得混濁，投射在視網膜時令人看見一些好像在漂浮的毛毛或塵埃，都係年紀大退化的徵兆。我左眼的飛蚊已存在8年，現在有一大三小，它們也不太妨礙我的視覺，除了看白色底色的東西或望上藍天時救好容易見到。如果飛蚊突然增多和見到閃光，就是視網膜脫落的先兆，要小心了。
Chanreborn I miss you ah
Persie , 主席: 哈哈星期日晚都上來,不過天真的願望又落空,張伯斯又拿黃牌,下場要停賽,我都搞不明白堂堂一支英超得番4-5件後衞，當然迪保治長傷是意外不過中堅得2個又真是太離𧪽, 大家休息下,晚安
chanreborn, 天真的願望落空了。
呢剎那我都想去打場交！
kaka, 如果只係全視線，冇防藍光，冇近視散光老花超薄，會平好多。
主席，新眼鏡要兩個星期後才整好。
kaka，主席，浪子：多謝關心！
Hi chanreborn, 我都試過冇備份死機，好彩硬盤沒壞晒可以救到大部份，我以後都唔敢了。
我們近年對車仔都冇運行，唉。希望托贏加拉的洪福繼續有好演出。曼聯咁都過到關，迪基亞冇得頂。
chanreborn：同病相憐，今時今日，電腦有問題真係好頭痛，我完全明白。
舅父仔：眼冇事就好啦，加埋適合的眼鏡，係唔係好醒神？
主席,馬仔,番茄,Persie: 大家好,很久沒上來,大家還可以嗎？8月部電腦個硬碟死咗,檢查連修理搞了成個月,最㢢我有些資料沒備份,真的頭都大,之後買部MacBook air,要重新適應,依家我是用iPad 打的,雖然久不上來,但有空我都會打個招呼,最近香港的事情真的撕裂了很多朋友和家庭,無論如何香港都是我家,希望大家用最大的包容,求同存異,我還是相信香港是一個有愛心的地方. 今晚又對車仔,希望醒醒定定.起碼拿一分頂住.我是否對香港和愛隊太天真呢.
我估今日下午政總一定（大件事），見到香港攪成咁好唔開心！
飛蚊又係麥東東？上網 check 下先！
persie，恭喜！以後要小心保護眼睛喇！
我都想配全視線，不過七仟個大洋太貴啦！冇近視可能平 d ！？
眼無事就好了~~~
眼科醫生話我隻眼沒事，除了飛蚊，他沒見到有任何白內障問題。
診所有位視光師，我去配了副近視+老花+全視線+防UV+防藍光超薄眼鏡，要七千幾元，但眼科醫生係我朋友的老友，所以有個七折，$5200，希望可戴得舒服和保護眼睛。視光師說我六年來老花從175加到200，算很慢；近視也淺了，變成200度；他也說見不到白內障問題。
kaka，D人一定係話做大事必有犧牲，我地跟他們不會有共識。
昨天早上在旺角佔街的人很少，但封住馬路不讓車過。有好多老人家上前理論，叫他們不要阻街。其中一個老人家說，你們這樣做，你地D後代只有更慘。同學們就很乖，罵不還口，只說，你們要搬走我地D野就搬啦，我地遲D會還原。有伯伯勞氣對學生說，你地日日來佔我屋企樓下，你地住邊架？我去佔返你樓下得嗎？你不滿梁振英你去佔他屋企啦，唔好再來搞我地。 D火爆的阿伯鬧學生，但佢地唔係黑社會。
至於在旺角搞事，要明白黃賭毒生意被騷擾，唔駛CY叫都一定有人出來做野。至於警方高速定龜速營救我就唔知道。
我奶奶用緊一家服務機構既家居醫護服務，醫護服務員會上門幫長期患病既老人家提供送飯、洗澡、物理治療服務。星期二係佔中第三日，䕶理姐姐同我呻，油尖旺地區都有好多老人家每天都需要佢哋送飯，就係因為佔路大塞車，佢哋做到氣都咳，送飯遲大到，如果佔路大塞車再惡化，有 d 老人家一定冇飯食，對獨居老人家影響最大！
昨天和朋友通電話，她是支持佔中的，當然有講佔領中環依個話題，當我講親人睇醫生既不快事件後，佢冷冷咁話：[ 爭取民主咁大件事咁重要，影響少少冇所謂啦！早 d 出門囉！]
我聽到佢咁講好意外，有種心寒既感覺！點解反應可以咁冷漠？同理心去咗邊？
見你講開佔馬路，我真係有 d 意見不吐不快！
9 月 29 星期一係佔中第二天，親人因為母親患了嚴重癌症，心情已非常擔憂，當日需要帶埋母親去銅鑼灣見醫生了解病情和商量治療方法，親人住九龍，平日去銅鑼灣只需一小時，當日帶住個八十幾歳既老人家足足用咗二個多小時先去倒，過程老人家非常勞累又擔憂，因為大遲到，又等咗好耐先有得見醫生，傾咗一大輪再好轉折咁先返到屋企....
親人又無奈又非常非常激氣，我同佢都非常支持香港人有權爭取民主和普選，遊行發表意見絕對有自由，但一定需要用和平、理性、合法、不影響別人既方法去爭取，爭取民主唔係大曬㗎，大佬，初時唔係只係話佔領中環嗎？做嘜依家佔埋旺角、銅鑼灣、尖沙咀呀！？
其它影響我唔講喇！啲人咁樣佔住旺角..... 各區既主要馬路，令各區交通大亂大塞車大改路，依幾個地方都有好多診所，每日都有好多巿民需要睇醫生㗎！後生影響不會太大，但老人家就真係好唔方便好辛苦，傷風感冒就可以好容易𨍭睇其它既醫生，癌症點轉呀！
我照顧咗患病既家人十幾年，2010 年我最親最愛既老豆（由細到大我都係咁稱呼父親）都係因癌症而走既，所以我好明白親人當時既心情和感受。