回到現實

2014/07/22 02:49:11 網誌分類: 未分類
22 Jul

 

經過世界杯的絢爛之後,球迷們又回到現實。

世界杯時候我有放過半天的假,下午才上班,雖然都係搵自己笨,因為都係要做晒工作才可以走,但可以看球賽都係好開心。

現實係一位共事14年的同事,在毫無徵兆下確診鼻咽癌。這位仁兄每天很早上班很晚下班,一年之中我大概只有一兩天有特別事做才可比他早,而他也從不告病假,是位健康勤力的好好先生。上年的工作評估,他拿了好難攞的Excellent performance.

忽爾,病魔來襲。我不知他是第幾期,但應該係初期,要做36次電療。我希望他沒事,擊退病魔,快些回來。

沒有他在,工作好似有了斷層,大家踢晒腳。他們在做的project的死線非常緊迫,而leader我大膽講句係個庸才,也不知這幾個月會有甚麼演變。

他告訴我他父母也有癌病,但不是鼻咽癌,莫非真有遺傳?另一位朋友的父母在老年也有cancer,她就特別小心,在30多歲也check到有癌前病變,可幸發現得早,已經處理康復。

他們都叫我去做全身檢查,因這個年紀也差不多了,但我還未去做,也許是不敢面對,不敢打開Pandora's box.

回應 (145)
我要發表
Persie
Persie 2014/10/31 10:56:41 回覆

有大人講自己與8歲孩子的心態。

將人民說成特首的boss,我好震驚,是誰給孩子這樣的教育?遲些他會去佔中嗎?

Persie
Persie 2014/10/30 23:04:16 回覆

見到一條片,城大學生Jane Leung無理取鬧要在又一城商場之內打傘。我看不到這樣跟爭取真普選有甚麼關係。

這位所謂大學生,將「人身攻擊」寫成「人生攻擊」。不如真係比心機讀下書啦。

仲要吹雞玩謝又一城。周永康就話要殺上北京。

班學生瘋了。

慳妹
慳妹 2014/10/26 20:38:08 回覆

舅父仔:觀乎現在佔中的一班領頭人,都只是徘徊在口號式的理念,真是空談誤國,無計安邦。

Persie
Persie 2014/10/23 12:37:53 回覆

主席,我覺得民主不是一個空談。民主選舉也不代表我們懂選一個有領導能力,把香港推向最高峰的領袖。

政策如果太傾向福利主義,變成觀音借庫一般,對香港又有甚麼幫助?

等於好多人大喊全民退保,卻可能導致2046後庫房破產,無以為繼,這些人有沒有想過後果?就只顧住現在收$3000,full stop,毫無前瞻性。

Persie
Persie 2014/10/23 12:28:15 回覆

阿仙奴驚濤駭浪之下以1-2反敗為勝作客擊敗安德列治。未落後之前還在求和,為甚麼要求和呢?70分鐘終於失守,再次暴露中路的弱點。再講一次,一隊大隊得兩個正宗中堅真係唔合理。

因為時間關係急於平反,雲加放棄了防守中場法明尼,放入Oxlade,中場截擊力更弱好似不設防,差D輸到2-0。幸好Anderlecht上年只有1分出局,屬於魚腩部隊把握力較弱,所以雲加叫做博到。

追平1-1的一球右閘Chambers出波左閘Gibbs入波,傳射俱佳,雙閘齊飛,好精彩。

雲加83分鐘才放入普度斯基,普度的左腳極有功夫,我都不明為何雲加永遠不加重用,難怪普度亦心灰意冷想離隊。昨晚救返阿仙奴的,正係最不受重用的普度,在90分鐘與禁區混亂中抽射掛網。

好喜歡山齊士的爭勝心,跟悠閒的Ozil是一個大對比。要贏波,就要有爭勝利心強的球員。

慳妹
慳妹 2014/10/22 21:19:12 回覆

舅父仔:吃毒蘋果長大的係咁嘅啦!

Persie
Persie 2014/10/22 12:56:44 回覆

入球停不了的歐聯夜!好誇張!

雲加今天生日,希望阿仙奴贏波為他慶祝。

Persie
Persie 2014/10/21 10:52:27 回覆

馬仔,各有不同立場,唔會傾得埋欄。

我見到班人都好煩。他們說代表大眾,但我唔想他們代表我,因為我根本唔想見香港變成咁。就算今次佔中能解決,香港都已元氣大傷,阿爺不再會委以重任,今次就真係 the city is dying.

真係想問下學聯,他們想選誰做特首。

周永康岑敖暉都要留案底,我才服氣。不要讓他們逃到美國再大聲說話,像當年那堆學運領袖。當年聲稱病重的,今天仍肥屍大隻的活著。死在天安門的,不過一班名不經傳的學生。富甲一方的那位前學運領袖,就更沒聽他再談甚麼民主了。

那甚麼三子,一把年紀好做唔做去煽動學生,就一定要不得好死,才對得住香港人。

幪面馬仔
幪面馬仔 2014/10/20 22:40:47 回覆

見到個班人好煩,好悶。

Persie
Persie 2014/10/20 20:16:10 回覆

等我留意下#1083,謝謝!

Persie
Persie 2014/10/20 20:14:49 回覆

對侯城2-2,我已經無話可說。場波,真係輸埋都仲得。藍斯復出,係一點安慰。

Persie
Persie 2014/10/20 20:06:49 回覆

李聯廣,美斯即係美斯,就算在我們鬆散不平的大球場,他還是一貫的他。雖然我沒有入場,但在電視看也一樣開心。我覺得傳媒好無聊,常報道美斯黑面。為甚麼美斯要時刻展笑容?他是位球星,演出真功夫已可以。

希古恩也有好演出,但阿古路唔出場。

李聯廣
李聯廣 2014/10/19 15:46:09 回覆

Persie, 對港隊場波,美斯第二球簡直係佢嘅Signature,西甲都見唔少,港隊班後衛更加冇晒符。美斯雖然只打30分鐘,不過都算冇欺場,你可能後悔冇入場。

 

煤氣個仔#1083近日已跌至射程,可以留意吓。除了股息較低未符你的高息要求外,長線增長應比阿媽更佳。

Persie
Persie 2014/10/16 13:45:11 回覆

已經知道好多議員收了政治獻金。

會唔會有黑警都收左?做出大龍鳳打擊政府?我只係不能相信班警察會這樣愚蠢,被人錄影晒,所以都可以查下他們的銀行戶口狀況。

現在這個世界,甚麼都有可能。

Persie
Persie 2014/10/14 10:22:35 回覆

主席,該兩名朋友自幼常在海灘暢泳,對海洋沒恐懼感,我估我唔得。尖沙嘴至中環部分水質未得,下屆仍然是這個香港東賽道。

Persie
Persie 2014/10/14 10:15:01 回覆

李聯廣,今晚明珠台直播香港隊對阿根廷,有時間可以一看。美斯在北京對巴西射失左迪馬利亞博返來的12碼!

世界杯後遺症,令到世界杯打得好的德國荷蘭現在歐國杯外圍賽水準下降;前天波蘭歷史性2-0擊敗德國,昨晚到冰島歷史性2-0擊敗荷蘭,荷蘭落後之後照板煮碗換入亨特拿不過冰島守衛把他看管得很緊,荷蘭又心急長傳急攻,正中冰島下懷。

李聯廣
李聯廣 2014/10/14 08:31:04 回覆

Persie, 從來我對阿根廷都冇好感,到馬勒當拿時更甚,美斯也不能改變我的看法,所以無謂入場了。

慳妹
慳妹 2014/10/13 21:04:59 回覆

肥仔一號:定下目標,明年同肥仔二號一齊游渡海泳。 好似話同政府商量明年改在尖沙咀游至中環。

講起渡海泳,想起朋友告訴我的一件兒時往事:朋友家住元朗,但佢同對上四個兄長都在中半山名校讀中學,為免每日來回奔波,在學校附近租了一個單位五人居住,方便上學,週末或假期才回元朗。 二、三、四哥暪著已是港大生的大哥去參加渡海泳,嚇了大哥一跳,帶著我朋友走去碼頭找三個弟弟,等到兩個,但遲遲不見第三個;最後終於見到他慢慢游回來,抹了一把汗......

Persie
Persie 2014/10/13 17:43:18 回覆

大哥熱愛攝影,有一張昆蟲照在Instagram/FB得到好多讚賞。他說退休後就展開環球攝影之旅。肥仔2號好努力修身,從游一個50米塘要停三次到一次過游30-40個塘,勤力練水,堅毅不屈。

只有我,還是一條鹹魚。

Persie
Persie 2014/10/13 17:35:41 回覆

昨天去了鯉景灣看兩位好友游渡海泳。第一位係眾人大哥,58歲,36年前渡過一次,今年崔謢重來;另一位就係死黨肥仔2號。I am so proud of them, well done!

Persie
Persie 2014/10/13 10:20:07 回覆

李聯廣,認同你因為我都好感慨,有朋友的兒子食完催淚彈凌晨三點回家,父母問一句,他膨一聲關房門,大二,父母還是在給他豐厚零用錢。

我讀Maslow theory 時,都係覺得如果吃不飽穿不暖,我不會再向上前進,當然有好些同學反對。今天的大學生幸福了廿年,就可以發揮他們崇高的理想。

我沒有買票捧美斯場,你呢?朋友在國內有電視直播看在北京舉行的巴西對阿根廷,他說美斯行行企企(當然可能係他胡說也說不定);我在小米盒子也找不到轉播,我冇TVB302。我對香港隊沒甚麼興趣。

李聯廣
李聯廣 2014/10/12 11:01:42 回覆

Persie, 其實我有點感慨。現在的8090後的需求層次(need hierarchy)真的和我們有這麼大的差別嗎?還是現在的8090後生活條件太好了,在父母的庇蔭下,一下子就到達Maslow金字塔的最高層,只會追求自尊、自我實現的層次。

 

我支持真普選,亦傾向支持一早預備被人抬走的「和平佔中」,但對現在的「佔鐘」、「佔旺」、「佔銅」就相當有保留甚至有反感。不過做成今日的局面,CY與特區政府都居功不少。

 

Without prejudice, 我對Malala沒有意見,她由受害者變成英雄,只是西方國家導演下的一個角式或一隻棋子而已。連Obama都可以獲得嘅和平獎,早已沒有什麼公信力了。

 

PS 你會入場睇美斯嗎?

Persie
Persie 2014/10/11 14:09:04 回覆

諾貝爾和平獎,just a joke. 奧巴馬都有一個,卻令得每天人頭落地。他睡得著嗎?我估他完全冇問題,因為他是個政客。

Persie
Persie 2014/10/11 13:56:13 回覆

荷蘭對哈薩克先落後一球,我倒抽一口涼氣。之前RvP有入球被判越位,其實係平牌而已。幸好總算能夠反勝3-1,亨特拿再次臨危受命做英雄。洛賓好fit,可惜靚罰球中楣角,門框震晒;又有詐糊。

捷克再勝一仗排首名,荷蘭要打醒十二分精神了。

Persie
Persie 2014/10/11 13:50:00 回覆

跑馬地電車終於開通,我媽咪好開心,因為可以乘車去,不用行路。

無線新聞問D老人家為何不乘地鐵,ridiculous, 佢試下問我吖,我頭都打爆佢。

Persie
Persie 2014/10/11 13:48:14 回覆

李聯廣,同意,書中自有黃金屋呢!

李聯廣
李聯廣 2014/10/10 21:10:10 回覆

二十幾年前學嘅Hierarchy of Needs真係有點久違了!

 

不過二千幾年前春秋時代的管仲已有「倉廩實則知禮節,衣食足則知榮辱」之說。

Persie
Persie 2014/10/09 18:58:34 回覆

番茄,你都得喇!

呵呵,居然有人搬出Maslow Hierarchy of Needs 來講。久違了,久違了。

蕃茄
蕃茄 2014/10/08 17:33:30 回覆

Hello, Chanreborn,

好開心再次見到你在此出現^-^

我心目中真正的自由,民主 應該要容許各人表達不同意見,  唔係對方一提和自己不同見解就即 unfriend / 割蓆.

我呢個星期同d朋友講笑, 話如果想同 身邊個男/女朋友分手 或 想同老公/老婆離婚, 而之前一直搵唔到位/時機出聲講嘅, 就快D而家借D意提出強烈 支持/唔支持 , 借勢同身邊人嗌大交攪分手啦,---> 個分手理由係 好宏觀大義嘅 :政治立場有嚴重分歧.

慳妹
慳妹 2014/10/07 21:46:59 回覆

舅父仔:少油少鹽少糖係醫生嘅口頭禪,但一下子減得太多亦好難適應,慢慢減,俾時間自己習慣。  我媽媽食得好咸,近年我刻意逐漸減少鹽份,佢而家不知不覺中都習慣咗;對佢對我自己都好。

ka ka (^_^) **
ka ka (^_^) ** 2014/10/07 18:35:28 回覆

互相尊重、溝通、接納、包容、體諒好重要!

Persie
Persie 2014/10/06 18:13:22 回覆

Whatsapp group 的朋友,係認識了20多年,但為了佔中話題,多人拂袖而去。我提出不談政治,重新加入,但唔到三句又講返,又再拂袖而去。唉,為甚麼?不同觀點就不同觀點,又有甚麼好拗?

Persie
Persie 2014/10/06 17:51:11 回覆

chanreborn. 我同意你講,堂堂大隊為何得兩個中堅。輸第二球梅迪薩卡直頭放棄因為完全冇速度。哥斯達攞得好又射得好,若非對曼城一仗中柱,他連續入球記錄還在繼續呢!

雲加摩佬場邊動手,大教壞細。

我明白雲加一再被稱呼為Specialist in Failure 的痛苦,因為我作為fans都好痛苦,莫講係他。

我已進入高血壓年代,昨晚一戰令我上壓爆炸性上升,幸好下壓仍可以。我血糖又係邊緣,大眼姐姐醫生一時叫我唔好食咁甜,一時叫我唔好食咁鹹;有人教我食steamed vegetables,上星期試過蒸節瓜,難食到爆。

PS 我都係用iPhone或iPad上頭條的!

Persie
Persie 2014/10/06 17:44:02 回覆

kaka, 飛蚊係眼內一些浮游物由透明變得混濁,投射在視網膜時令人看見一些好像在漂浮的毛毛或塵埃,都係年紀大退化的徵兆。我左眼的飛蚊已存在8年,現在有一大三小,它們也不太妨礙我的視覺,除了看白色底色的東西或望上藍天時救好容易見到。如果飛蚊突然增多和見到閃光,就是視網膜脫落的先兆,要小心了。

幪面馬仔
幪面馬仔 2014/10/06 11:31:06 回覆

Chanreborn   I miss you ah {#iconb_25}

chanreborn
chanreborn 2014/10/06 00:10:50 回覆

Persie , 主席: 哈哈星期日晚都上來,不過天真的願望又落空,張伯斯又拿黃牌,下場要停賽,我都搞不明白堂堂一支英超得番4-5件後衞,當然迪保治長傷是意外不過中堅得2個又真是太離𧪽, 大家休息下,晚安

Persie
Persie 2014/10/05 23:25:16 回覆

chanreborn, 天真的願望落空了。

呢剎那我都想去打場交!

Persie
Persie 2014/10/05 21:16:20 回覆

kaka, 如果只係全視線,冇防藍光,冇近視散光老花超薄,會平好多。

主席,新眼鏡要兩個星期後才整好。

kaka,主席,浪子:多謝關心!

Persie
Persie 2014/10/05 21:11:30 回覆

Hi chanreborn, 我都試過冇備份死機,好彩硬盤沒壞晒可以救到大部份,我以後都唔敢了。

我們近年對車仔都冇運行,唉。希望托贏加拉的洪福繼續有好演出。曼聯咁都過到關,迪基亞冇得頂。

慳妹
慳妹 2014/10/05 21:01:10 回覆

chanreborn:同病相憐,今時今日,電腦有問題真係好頭痛,我完全明白。

舅父仔:眼冇事就好啦,加埋適合的眼鏡,係唔係好醒神?

 

chanreborn
chanreborn 2014/10/05 16:13:55 回覆

主席,馬仔,番茄,Persie: 大家好,很久沒上來,大家還可以嗎?8月部電腦個硬碟死咗,檢查連修理搞了成個月,最㢢我有些資料沒備份,真的頭都大,之後買部MacBook air,要重新適應,依家我是用iPad 打的,雖然久不上來,但有空我都會打個招呼,最近香港的事情真的撕裂了很多朋友和家庭,無論如何香港都是我家,希望大家用最大的包容,求同存異,我還是相信香港是一個有愛心的地方. 今晚又對車仔,希望醒醒定定.起碼拿一分頂住.我是否對香港和愛隊太天真呢.

ka ka (^_^) **
ka ka (^_^) ** 2014/10/05 08:56:39 回覆

我估今日下午政總一定(大件事),見到香港攪成咁好唔開心!

ka ka (^_^) **
ka ka (^_^) ** 2014/10/05 08:50:52 回覆

飛蚊又係麥東東?上網 check 下先!

ka ka (^_^) **
ka ka (^_^) ** 2014/10/05 08:48:44 回覆

persie,恭喜!以後要小心保護眼睛喇!

我都想配全視線,不過七仟個大洋太貴啦!冇近視可能平 d !?

浪子152
浪子152 2014/10/04 22:31:15 回覆

眼無事就好了~~~

Persie
Persie 2014/10/04 13:07:58 回覆

眼科醫生話我隻眼沒事,除了飛蚊,他沒見到有任何白內障問題。

 

診所有位視光師,我去配了副近視+老花+全視線+防UV+防藍光超薄眼鏡,要七千幾元,但眼科醫生係我朋友的老友,所以有個七折,$5200,希望可戴得舒服和保護眼睛。視光師說我六年來老花從175加到200,算很慢;近視也淺了,變成200度;他也說見不到白內障問題。

Persie
Persie 2014/10/04 12:53:15 回覆

kaka,D人一定係話做大事必有犧牲,我地跟他們不會有共識。

 

昨天早上在旺角佔街的人很少,但封住馬路不讓車過。有好多老人家上前理論,叫他們不要阻街。其中一個老人家說,你們這樣做,你地D後代只有更慘。同學們就很乖,罵不還口,只說,你們要搬走我地D野就搬啦,我地遲D會還原。有伯伯勞氣對學生說,你地日日來佔我屋企樓下,你地住邊架?我去佔返你樓下得嗎?你不滿梁振英你去佔他屋企啦,唔好再來搞我地。 D火爆的阿伯鬧學生,但佢地唔係黑社會。

 

至於在旺角搞事,要明白黃賭毒生意被騷擾,唔駛CY叫都一定有人出來做野。至於警方高速定龜速營救我就唔知道。

ka ka (^_^) **
ka ka (^_^) ** 2014/10/02 22:08:24 回覆

我奶奶用緊一家服務機構既家居醫護服務,醫護服務員會上門幫長期患病既老人家提供送飯、洗澡、物理治療服務。星期二係佔中第三日,䕶理姐姐同我呻,油尖旺地區都有好多老人家每天都需要佢哋送飯,就係因為佔路大塞車,佢哋做到氣都咳,送飯遲大到,如果佔路大塞車再惡化,有 d 老人家一定冇飯食,對獨居老人家影響最大!

ka ka (^_^) **
ka ka (^_^) ** 2014/10/02 21:11:48 回覆

昨天和朋友通電話,她是支持佔中的,當然有講佔領中環依個話題,當我講親人睇醫生既不快事件後,佢冷冷咁話:[ 爭取民主咁大件事咁重要,影響少少冇所謂啦!早 d 出門囉!]

我聽到佢咁講好意外,有種心寒既感覺!點解反應可以咁冷漠?同理心去咗邊?

ka ka (^_^) **
ka ka (^_^) ** 2014/10/02 16:03:56 回覆

見你講開佔馬路,我真係有 d 意見不吐不快!

9 月 29 星期一係佔中第二天,親人因為母親患了嚴重癌症,心情已非常擔憂,當日需要帶埋母親去銅鑼灣見醫生了解病情和商量治療方法,親人住九龍,平日去銅鑼灣只需一小時,當日帶住個八十幾歳既老人家足足用咗二個多小時先去倒,過程老人家非常勞累又擔憂,因為大遲到,又等咗好耐先有得見醫生,傾咗一大輪再好轉折咁先返到屋企....

 

親人又無奈又非常非常激氣,我同佢都非常支持香港人有權爭取民主和普選,遊行發表意見絕對有自由,但一定需要用和平、理性、合法、不影響別人既方法去爭取,爭取民主唔係大曬㗎,大佬,初時唔係只係話佔領中環嗎?做嘜依家佔埋旺角、銅鑼灣、尖沙咀呀!?

其它影響我唔講喇!啲人咁樣佔住旺角..... 各區既主要馬路,令各區交通大亂大塞車大改路,依幾個地方都有好多診所,每日都有好多巿民需要睇醫生㗎!後生影響不會太大,但老人家就真係好唔方便好辛苦,傷風感冒就可以好容易𨍭睇其它既醫生,癌症點轉呀!

我照顧咗患病既家人十幾年,2010 年我最親最愛既老豆(由細到大我都係咁稱呼父親)都係因癌症而走既,所以我好明白親人當時既心情和感受。

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。