高登作家真情剖白 《男人唔可以窮》 有汗有淚
2014/07/25 10:11:30
網誌分類:
生活
| 書展曲終人散，人氣網絡作家跑出。憑暢銷書《男人唔可以窮》一舉成名的「高登仔」薛可正，原來是三字頭的感性「中佬」。他娓娓道出一個「金融佬」，在冷漠及功利中打拼，一覺醒來摯親病逝，才明白人情可貴。《男人唔可以窮》下月搬上大銀幕，更將成為首本在內地出版的「高登故」，在今年年底出版第三集，細訴與亡父的兒時點滴，用小故事，帶出大道理：男人不可以窮的，是承擔和志氣。記者麥凱淇 「我喺屋邨大，讀到中學，俾人踢出校，去返寫字樓工，做咗幾年，無咩發展，轉去做倫敦金。十九、二十歲返中環工，人工、職位唔高，身邊都係富家子弟，搵唔到錢同信心。二十七、八歲，女朋友開始講錢，老竇開始病，要孭起好多責任，覺得人生好大落差，前路茫茫。後來老豆走咗，同一年我個仔出世。」薛可正說，《男人唔可以窮》是一個自傳式故事，結局寫到親父病逝，邊哭邊寫。 作為第三部搬上大銀幕的「高登故」，《男人唔可以窮》走溫情路線，夠真實，所以動人，未來更將進軍內地出版，並在年底出版續集，「我爸爸係嚴父，不太講嘢，但會教我道理，佢走咗，令我覺得父子關係唔完整，當我個仔大，我體會到有啲嘢我想同佢講番，遺憾佢太早離開。我想寫第三集，寫細個時，同爸爸嘅相處。」 冀打破港人功利思維 《男人唔可以窮》一看以為講錢，其實相反，「香港社會好功利，我哋畀咗錢就以為做咗要做嘅嘢，其實我哋仲有責任要承擔，並非吓吓用錢去解決，希望可以令人諗吓『窮』呢個字講咩。我寫幾本書，其實都想講『後悔』，爸爸有病，我唔喺度，已彌補唔到。人可以有錯，但唔可以錯到返唔到轉頭嘅。」人生有太多遺憾，不窮的人才有夢想、懂珍惜和承擔。 雖然他成為「金融佬」的成長故事，背景是九十年代，但仍風靡今日的八、九十後。阿正說，香港金錢掛帥仍無改變，從前年輕人犯的錯，今日的九十後仍然重蹈覆轍，香港社會仍然匆忙又冷漠，惟近年多了一層陰霾，「生活上有好多唔開心，有好多社會問題，個社會變得幾灰，見唔到未來有咩可以做，但無得怨，人生自己去選擇。」 網絡文學掀「新文化運動」 因《男人唔可以窮》紅透半邊天，阿正再寫小說《我們怎麼了》談時間與友情，故事亦將改編成廣播劇，今年更被選為書展五名焦點網絡作家之一，他說，要多謝向西村上春樹，「佢用刀仔鋸大樹，開咗路畀我行，令網絡文學形成，甚至成為新文化。」 |
 | |
| |
 | |
|
回應
(0)
我要發表