5歲半的煩惱

2014/11/09 02:42:16 網誌分類: 未分類
09 Nov

 

小B有個重要難題,就係冇得直升小一。

他已經去了N次面試,但完全冇second in,只有收過信通知面試失敗。

我媽咪朋友的孫子,外表不可愛但好醒目精伶,幾間名校都有second in;外表可愛的小B,則不斷碰釘。

每次interview之後,阿妹都會問他interview的問題,然後教他應該如何作答。後來小B不肯再說面試的問題。妹夫說小B感受到壓力,不肯再談及面試的情況。小B曾告訴我,D老師問他喜歡上學嗎?他答不喜歡。我說,你不可以說不喜歡架。他後來說,我現在會答「有少少鍾意返學。」

今天小B問我「人點樣上天堂架?要唔要收天堂費?」

佢識左天堂好耐,他問過我我的公公婆婆,嫲嫲爺爺在哪兒,我答他他們上左天堂。所有唔見左的人在小B心目中都係上左天堂。我亦曾經告訴他,上了天堂的人我地係永遠再見唔到。

小B第二句話係「我唔想做人」。

一個5歲半孩童的這句說話,令我五雷轟頂,好震撼。

我好驚訝、好震驚,好傷感。

我答他,你係咪想做暴龍?唔得架,暴龍死晒啦,呢個世界再冇暴龍,你做返人啦。

小B生在我們家,註定他不愁衣食,他只要快樂成長就可以,讀書普普通通也沒問題,我們不會介意。不過我暫時不想這樣告訴他,我覺得不必要,他也要保持做人應該有的鬥志,不能放棄。

希望他只是隨口說下,doesn't mean anything,只係我自己小題大做。小B當我係朋友,好多未必同媽咪講的話題會同我講。我會儘量開導他。

人生真是個難行的旅程。

回應 (44)
我要發表
花姐
花姐 2014/12/06 07:18:25 回覆

人生真是個難行的旅程。同意

愈老愈有此感覺,好彩有股票炒玩,

不是的話真灰爆,

好久沒到訪,問候大家!

Persie
Persie 2014/11/29 22:44:43 回覆

飽吃驚風散以一球贏WBA,製造了許多機會但又係無法把握,每週都如此,怎辦?幸好總算有點運氣保住賽果贏波。

Persie
Persie 2014/11/29 14:46:35 回覆

隊長Arteta要休息6週。今晚殘陣對WBA。好消息係Koscielny可以復出。

Persie
Persie 2014/11/27 13:08:36 回覆

令人驚喜的戰果,2-0擊敗多蒙特。對多蒙特竟可打出靚組織,莫非英超對手實在太體力化,要鬥組織力才可勝出?

Sanchez worth every penny he cost us. 可惜Arteta,Sanago勇戰受傷。Wilshere上次對曼聯傷勢嚴重,要做手術和休息4個月。

Persie
Persie 2014/11/25 09:44:57 回覆

What ????

Damn !!!!

邊個報名架,炒魷啦!

 

Olivier will miss UCL Group Games after Arsenal admin error

Olivier Giroud will miss both of Arsenal's remaining Champions League group matches after the club made the mistake of not including the striker on their original squad list.

Giroud injured his ankle on August 23 and was not expected to return until January, after all the group fixtures had taken place.

Clubs can only register 25 players on an 'A List' for the Champions League group matches, which must be submitted by Sept. 2 and include eight homegrown players.

Persie
Persie 2014/11/25 09:37:20 回覆

主席,阿妹話冇份。小B上星期五晚發高燒,104度,我話去醫院,小B爸爸話唔使,因為已看了兩個醫生,有退燒藥有抗生素。大家僵持住。

結果小B退燒,我變了多事精。我星期天探小B,妹夫外出我沒見到他。

昨天問阿妹小一抽學校如何,她心煩氣躁話,有已就經告訴你啦。這個小B,百冇啊!

負能量爆燈!

Persie
Persie 2014/11/25 09:22:32 回覆

李聯廣,我完全不覺是運氣不好,而是心理素質不佳。何時對曼聯,都沒信心贏他們。這是一個心理病,已到達病入膏肓之境況。

基本上除了Barca 對 Celta Vigo一仗,巴塞真是敗於運氣之外,其他都是賴地硬。

慳妹
慳妹 2014/11/24 22:06:22 回覆

舅父仔:小 B 今日大抽獎結果點啊?

李聯廣
李聯廣 2014/11/24 08:55:24 回覆

其實這場波,阿Q一點可以說是輸了運氣,人哋單刀就入,自己單刀就唔入。輸烏龍波,又遇上神勇的迪基亞,真係莫奈何!

 

實際一點,是否真係可以完全賴晒運氣呢!

Persie
Persie 2014/11/23 03:31:49 回覆

Anderlecht,Swansea,Man U 這三場波足以扼殺阿仙奴的球季。

對我們打擊巨大。

就算曼聯點衰,我地都衰過他,奈何。

Persie
Persie 2014/11/21 16:51:26 回覆

呢個證明了太太非常信任丈夫,錢放在他戶口沒理,從冇懷疑過他,所以一旦知道真相會極hurt。

我本人好怕聯名戶口,不過結了婚的夫婦多數會有,當然亦有自己個別的私人戶口。

幪面馬仔
幪面馬仔 2014/11/21 14:47:26 回覆

唔分手都會嘈到拆天,佢問得陸sir,只想陸sir話再去博喇,個市向上,應回到本,冇人發覺架

 

奇就奇在,點解老婆會唔知,即是冇joint account 喇

Persie
Persie 2014/11/21 14:15:23 回覆

我抽的兩個樓盤都失敗。其中一個復活再抽,仍然失敗。

Persie
Persie 2014/11/21 13:47:51 回覆

如果太太知道先生在股市賭輸了一半賣樓得來的本金共200萬會有咩反應?

我不敢在大廳貼文。我估位太太會接受不到。

以我所認識的一些女性,可能會鬧到很大,甚至分手也有可能,因為200萬係要儲好耐,不是細數目。

Persie
Persie 2014/11/14 13:10:56 回覆

bobofox,妳指出了一個重點 -- eye contact.

老師話小B講說話時唔望人,要訓練他。有時我入門口,媽媽要他叫人,他可以背住我叫我,好hea.

Persie
Persie 2014/11/14 13:02:04 回覆

ka ka,先謝!

我兩位表妹以前都在澳洲讀書,大表妹在Sydney工作了好幾年,現在回流返港工作。她說將來同表妹夫(都係持澳洲護照)會回澳洲長住。她天天都嚷著好憎香港(除了份人工)。細表妹在Melbourne讀書,她說那兒每天3pm都下雨。她覺得Melbourne生活好悶,讀完書就回香港。她讀酒店管理,現職廣告界。

ka ka (^_^) **
ka ka (^_^) ** 2014/11/14 05:54:28 回覆

Persia , 我去了 Melboume 探路,回港後再講多啲現在香港既敎育問題!

BoBo Fox ( 心好, 好日來)
BoBo Fox ( 心好, 好日來) 2014/11/13 00:38:15 回覆

咁可能同我細佬細女0既問題類似, 聰明過龍,

對重覆的問題沒耐性再答, 講反話令老師覺得佢唔合作.

初初番學時, 因為佢唔肯坐低要企係度,

學校要求家長帶佢睇某D 醫生攞 REPORT ,

懷疑佢過度活躍, 兩公婆幾乎因此炒不停.

後來, 學校俾佢企係度上堂, 佢只要企係度, 不會嘈不會破壞其他小朋友上堂,

上體育堂則躺在一旁, 踢足球其他小朋友去追波, 佢卻會一個人玩另一個波,

可是碰上她自已喜歡的游水, 跳舞, 做 MC , 表演等等, 就合作無問題,

至今5歲, 問題笑料仍一羅羅, 大家仍未找出點解佢會咁,

依家依然企係度上堂, 幸好學校有直升.  

佢媽咪溫柔地令佢嚐試合作, 佢肯"表演"嚐試合作,

學校方面應無問題.

太聰明, 有時令旁人未能立時適應, 多作嚐試才知道如何令聰明人合作啊!

如讓這兩位聰明小朋友碰上, 不知會發生什麼事呢?

Persie
Persie 2014/11/12 22:01:59 回覆

bobofox,多謝妳寫這麼多tips。

我認為小B說話冇問題,仲氹得大人好開心。Interview 時小B會「溜」排在前後的家長傾計,氹到人地好開心讚他唔怕生保。他學校老師給他的評語係 very creative but talks a bit too much. 所以他的問題唔係怕醜而係答話離題,或者搞事,專門調轉D野來講,比如話唔鍾意返學。

今天他放假,我帶他去迪士尼,他告訴我他很憎返學。他說明天要去「霸佔學校,要去訴求!」我問,你有咩訴求?他答,「少D功課,加多D遊戲時間。」妳話死未?

小B的想法有些另類。我講過Shawshank Redemption逃獄故事給他聽,他今天就改編左,話個囚犯挖左條地道,仲整左個陷阱令個警察跌左落去。我問,個囚犯呢?小B答,咪返左屋企囉。阿妹話,佢學晒你啊!小B最喜愛的歌手係 .... Christina Aguilera ...他不看 TVB,只看baby TV,Now 441 和 442。他其他會睇的節目係新聞,因為他媽咪愛看。

ka ka,阿妹話啟思學費好貴但主力教中文,唔鍾意wor.

BoBo Fox ( 心好, 好日來)
BoBo Fox ( 心好, 好日來) 2014/11/11 22:34:24 回覆

小朋友同大人諗0既野好唔同.

方方土考幼稚園 ...........幼時方方土好怕羞,

因為親友少,見人不多, 問咩佢都低頭不出聲.

在萬聖節我將佢扮成小巫婆四圍去攞糖,

佢明白要笑同舉高個南瓜, 人家才會俾糖,

 結果7 間全部都收.

考小學............ 我都擔心到為她去了見白龍王.

剛升1年班, 連班主任也差點說出口話佢蠢,

方方土幼園讀是HAPPY SCHOOL, 每天只要寫10 隻字,

而佢當時又面癱, 停了幾個月,程度差一點是事實.

可是2 年班, 老師己明白佢好聽話, 升左佢做班長,

到依家5 年班, 幾乎教過佢0既老師好好錫佢, 成日頒進步獎俾佢,

因為佢成日都係中間, 有很多進步空間.

方方土想入荃官中, 我諗難過中六合彩,

連老師也幫口說, 只要入到校風好的中學便可以, 家姐立時明白苦笑.

打左咁大版, 想表達的是老師方面:

1> 笑容

2> 聽話 =  合作

PERSIE, 男生跟女生不同, 我唔識教你點做, 可是 你不妨從笑容,

及肯開口答問題, 表現合作方面著手, 應該會有幫助.

祝小B 同你都開開心心啦~ 或者可以教佢劃下呢個公仔: ^_^

或者遇上不想答或唔知點答0既問題時, 用手指點一點住酒渦位, 眼睛望著老師笑,

以小B 的樣子, 一定會電到老師的.

**PS. 只要笑, 不需做鬼臉, 因為我向方方土及另一位小朋友身教點酒渦時, 唔知點解佢地都伸埋條脷出來???

 

慳妹
慳妹 2014/11/11 21:53:31 回覆

舅父仔:每個人都有強項和弱項,小B都唔例外。 我表姪女在西半山名校讀小二,唔好以為中英數攞高分就一定可以升班,如果音樂唔合格都要留班,死未? 所以鍾唔鍾意都要谷,起碼都要合格。

以前和記大班 John Clague 係軍人出身,每年佢都會在襟前插上 poppy,小時候就覺得佢好有型!

浪子152
浪子152 2014/11/11 18:10:48 回覆

我都老了,太多計算同包袱,無出來反抗瞓街。不過政府點做事,還是看不過眼。

浪子152
浪子152 2014/11/11 18:07:03 回覆

這個攤子一早已被3位特首攪爛,呢一刻你有工有樓,都唔保你可以安穩過埋下半世。就算俾你得,咁你下一代呢? 我唔讚成佢地的做法,但好明顯係官逼民反,民怨一日唔好好梳道,哪怕是小數(都起碼3成人),累積足夠後問題遲早還是會爆出來。俾人利用又好,自發又好都係一樣。只鎮壓落去係治標唔治本。

幪面馬仔
幪面馬仔 2014/11/11 18:05:30 回覆

舅父仔       你真睇得起我。。。heehee

Persie
Persie 2014/11/11 17:48:41 回覆

浪子,香港係一個好特別的國際城市,同中國係可以互惠互利取得雙贏。我敢講,今次佔中令我們損失了好多機會,結果係得不償失。

學運代表,我25年前見識過了。周永康自己認,佔中40多天父母都在外國;他們家庭的base根本不在香港,遲下拍拍屁股就走,留下我們為這爛攤子suffer.

你話我勢利都好。如果有份有前途的工,有層靚樓供,誰會去為公民提名一人一票瞓街。

不過我respect你的看法,因為我也曾這般看事情。只係閱歷多了,變成老鬼,想法也改變了。

浪子152
浪子152 2014/11/11 17:13:08 回覆

Persie兄,其實依17年經過呢3個咁的特首管治,有無佔中香港的經濟都會轉差啦,唔好咩都賴佔中。

Persie
Persie 2014/11/11 16:06:29 回覆

馬仔,有居屋抽,妳試下可否加一位家庭成員(公公婆婆,爺爺嫲嫲)一起抽?

我昨日放假,入飛抽兩個樓盤,不過我應該都唔會買。

我選的盤12000-14000一尺,普通料不是豪宅。今次佔中運動扼殺了香港主辦APEC的機會,中國難以再對香港委以重任,經濟逐漸轉差應該不會錯,高樓價也有可能不會持續,所以現在入市也是一種賭博。

幪面馬仔
幪面馬仔 2014/11/11 12:53:17 回覆

吓。。。唔喺牙華販毒???咁又離譜D。

置地三樓都有擺放

Persie
Persie 2014/11/11 11:45:22 回覆

馬仔,11 Nov 或之前一兩個星期開始戴poppy flower係悼念World War I 陣亡的軍人,鮮紅色有取其流血的意思。英國係其中一個有這個紀念日的國家。香港以前係英屬,自然多人戴;現在居港的英國人一樣會佩戴。話人家「念念不忘昔日販毒起家的光輝歲月」,簡直弗弗地。

中環香港會的接待處可以拿取(當然係你要有會員陪同),拿了捐出少少錢給退伍軍人基金就可以。

幪面馬仔
幪面馬仔 2014/11/11 11:20:33 回覆

咁,即是點解?
我由細見到大,但唔敢戴,同埋,通常是男人戴, {#icono_64}

Persie
Persie 2014/11/11 11:04:03 回覆

嘩,大廳的人太不瞭解英國人戴poppy的背後意思,無限上鋼嚇死人。我有很多英國朋友,我相信我不會理解錯Remembrance Day的意思。不過夏蟲不可語冰,我又何必出聲。

Persie
Persie 2014/11/11 00:18:45 回覆

上星期鬼佬朋友threw a party,講明謝絕禮物,只是一個re-union party. 去到見他high爆,最後飲到pair pair full. 他開心到忍不住話我聽,他成功放售了雙連單位給一位強國買家。他可能忘了曾告訴我他在2004年買入樓宇的價格,所以他告訴了我賣出價。嘩,10年來他賺了5000萬。現在他租住鄰座另一個單位,但他說業主一年後就會收樓,他希望到時樓價大跌,他就可以重新買入一個單位。Lucky guy,but he deserved it. 他是個好人,當晚party真係甚麼種族的人都有,大家盡歡。

5000萬,等同中了一個六合彩!

Persie
Persie 2014/11/10 01:56:16 回覆

傾盆大雨,先入一球都要輸埋。少爺兵。

延續對安德列治的防守失誤,應付高空波九流。

Sanchez 博晒命,總在重要時刻入球,我估他有上錯船的感覺。

非常令人失望的演出。

Persie
Persie 2014/11/09 22:12:39 回覆

主席,我會繼續留意小B,開導他。他喜歡聽我說故事,我說Jurassic Park I的故事,小B記住晒,忽然會問我,「肥叔叔偷晒D恐龍蛋,他是壞人嗎?」

ET,Star Wars 亦是他喜愛的故事。他的姨媽姨丈買左好多Star Wars lego 玩具給他。

唔識分 these there,但他識晒恐龍的品種,我都難明。

Persie
Persie 2014/11/09 22:08:11 回覆

ka ka,因為小B爸爸自己經歷係如此。我老友肥仔二號同他老友小學讀一間叫「魯班」的小學,但現在兩個都有傑出成就。我同小B媽咪自小一讀名校,成就不過爾爾。不過可能時代改變左,今時不同往日。

阿妹話小B有輕度讀寫障礙,不太懂得分辨 there, these, the 等字。看過therapist,但看不到有大幫助。

ka ka (^_^) **
ka ka (^_^) ** 2014/11/09 22:00:03 回覆

//但小B爸爸覺得大抽獎的普通學校都可以//   {#icons_cat6}

 

慳妹
慳妹 2014/11/09 21:04:32 回覆

舅父仔:真係心有靈犀,正在想好耐冇見你提及小 B,就看到這篇最新消息。 小 B 才五歲多,還有時間開導,別擔心。 今天剛好聽到一個兒童心理學家的說法:她表示小孩子有時提出的問題很不可思議,成年人不需太大反應,因為他們對接收到的資訊未懂得梳理,所以是憑直覺直接發問。 難得小 B 和你親近,你就潛移默化,慢慢引導他吧。

小學入學面試暫時未有被錄取,就等埋政府大抽獎啦,總會有書讀;好學校都有壞學生,相反亦一樣,是龍是蟲老天自有安排。

Persie
Persie 2014/11/09 16:37:47 回覆

ka ka,小B問點樣上天堂都不用擔心嗎?我覺得這條問題好奇怪!

小B媽咪考慮緊國際學校,但小B爸爸覺得大抽獎的普通學校都可以。事緣小B爸爸間小學好雞,但他最後都品學兼優和有一份好工。最近他在面書聯絡返舊小學同學,他們甚麼職業都有,三行工人都有,他們都好奇怪有位同學咁叻。

ka ka (^_^) **
ka ka (^_^) ** 2014/11/09 09:23:08 回覆

想當年,馬騮仔扁曬咀咁問我,點解我唔可以食壽司?點解你要再張 d 壽司煮熟我先食得?點解 daddy 咁麻煩?

ka ka (^_^) **
ka ka (^_^) ** 2014/11/09 09:03:58 回覆

可以考慮讀一些非傳統的直資小學。馬騮仔當年讀的牛津道啟思小學幾好架,朋友的女兒讀耀中亦非常不錯!轉眼巳十多年了,不知現在是否 ok !

ka ka (^_^) **
ka ka (^_^) ** 2014/11/09 08:54:04 回覆

天真可愛 !

睇到我會心微笑 !

Persia , 好想你寫多些 小 B 的有趣故事 !

哈哈哈 !多謝你 !

Persie
Persie 2014/11/09 03:19:27 回覆

小B好揀飲擇食,好多食物都唔食,成日食剩飯。他不肯食飯時,我告訴他世界上有好多小朋友要挨餓冇飯食。我話你至少要食晒碗入面的飯,如不想再食就告訴媽媽我飽啦,唔使添飯。

他未明,要繼續教導。

他唔食雪糕唔飲汽水,好難得。

Persie
Persie 2014/11/09 03:02:11 回覆

小B另一個常問我的問題係,「呢個世界有冇鬼?」

我斬釘截鐵答,冇。

小B又問,係咪所有鬼都係假架?

我答,係!

Persie
Persie 2014/11/09 02:51:11 回覆

看馬雲的奮鬥史,我好欣賞。

小B當然不用似馬雲,但他要為他的人生奮鬥。

朋友的兒子,中學成績麻麻,又不肯去外國讀大學,留在香港讀副學士,再入大學,花了不少時間。他熱衷整網頁,讀書時期都可每月收萬多元廣告費。現在他成立了自己的寫Apps公司,有十多個員工。

我欣賞這樣的年輕人,知道自己想要乜。

user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。