未經歷沙士群眾不心慌留韓港生：韓人防疫意識低

2015/06/26 08:41:11 網誌分類: 生活

26 Jun

        新沙士陰霾

        南韓新沙士疫情擴大，早前兩名本港交換生上堂戴口罩，竟被趕出課室。現時不少香港留學生仍留在當地讀書，在發現新沙士個案的建國大學讀書的港人留學生Ally坦言，南韓未經歷○三年沙士洗禮，群眾對新沙士不感心慌，在街上戴口罩反成異類，反觀香港人心惶惶，認為「南韓過份放鬆，香港過份緊張」。記者麥凱淇

        發現新沙士確診個案的建國大學醫院，位於建國大學校園，在該校讀書的「九十後」傳理系港生Ally坦言，本月初得知建國大學醫院出現首宗新沙士確診個案，「本身返學放學好多同學會經過醫院大堂出入，新聞出街後，學校出通告叫人唔好經過醫院，限制出入，但無好似香港即刻封晒消毒。一開始（見到新聞）都有諗過會唔會（令學生因而受感染），但暫時情況仍可以。」

        新沙士前衞生情況頗差

        Ally說，南韓不斷出現新沙士個案，「一開始唔係十分擔心，因為當時（新沙士）未擴散到首爾，但?排慢慢多咗好多（個案），又在首爾擴散，雖然唔可以話驚，但都覺得分分鐘會染到，提醒自己小心點。」由於當地藥房及超市的口罩供應不多，她專程網購一大包口罩。

        ○三年沙士令港人猶有餘悸，相反南韓未經歷沙士時期人心惶惶，Ally說，南韓防疫意識低，「大學內多數只有留學生會戴口罩，街上都無咩人戴口罩，如果你戴會好奇怪。韓國的朋友都唔係十分擔心，佢哋抱住個心態，覺得死亡率不高，有人好番出院，病死的多是老人家，或本身有其他病的人士。我上堂時有教授叫我們不用太擔心，覺得染到就染到囉，橫豎又唔會死。」

        她說，反而在當地的中國人對新沙士較敏感，「朋友圈中有新加坡人、韓國人和中國人，除了韓國朋友外，大家傾開偈都話擔心新沙士開始爆到嚟，中國朋友直頭話，唔想再試（經歷），之前更有中國留學生話驚新沙士爆到嚟，在社交網站批評為何建國大學不停課？」

        指香港人「過份緊張」

        在韓國生活五年的Ally說，韓國的衞生情況在新沙士前不太理想，「街邊好少垃圾桶，隨地吐痰一日可以見到好多次，行行吓就有人吐痰，在香港要罰錢，但韓國無人理。當地人傷風感冒都不會戴口罩，就算新沙士爆發後，我去藥房買藥，連藥劑師都無戴口罩。」她又說，即使危機意識較高的韓國人，亦不知防疫的正確方法，「見過有一家人只有小孩戴口罩，而且只是普通布口罩，其實對防疫沒有作用。」

        對比香港，早前出現懷疑個案，已引起全城恐慌，Ally說，「香港有少少過份緊張，南韓則過份放鬆，如果兩邊平衡就好啦。」她說，自從新沙士在韓爆發後，在港的親友很擔心，爸爸吩咐她如果疫情惡化就返港，原打算暑假留在南韓，現考慮返港，但她坦言，自己不太擔心疫情，期望留韓完成今學年，如第四代感染個案在社區爆發，才考慮輟學返港。