2016 新的一年

2016/01/04 17:47:19 網誌分類: 未分類
04 Jan

2016 新的一年。

新年新景象,祝大家的生命有所突破,活得開心,活得更有意義!

 

回應 (137)
我要發表
花姐
花姐 2018/08/20 10:17:46 回覆

759的創辦人逝世,他說得對,硬拚不一定成功,是命運主導,一點不由人.自己經歷過起趺,做人更要明白活在當下的道理.

Persie
Persie 2016/03/19 15:08:24 回覆

到今日,我領悟了。人死,如果死得舒服,並不悲哀。101歲乏人探訪的婆婆,每天半睡半醒度人生,隔兩三日才有護理員推她去洗澡,死又何足惜?死反而是解脫,令她得到尊嚴。朋友的父親,病後不懂言語(我唔明點解),後來嚴重左更是辛苦度日,家人照顧他也很吃力。他去了,朋友告訴我,我爸爸終於解除痛苦了。我送的花籃,亦說「主懷安息」,這係最好的結局。

死得悲哀的,係年輕未應該死的人,比如7-11店東,比如維蘭路華,比如Paul Parker。

Persie
Persie 2016/03/18 13:48:20 回覆

明解了,thanks!

李聯廣
李聯廣 2016/03/18 13:39:44 回覆

Persie, 當然是電能。留意電能業績公告的第5頁://如集團在股東週年大會前仍未有任何大型投資,我們將召開董事局會議決定分派特別股息之事宜。分派特別股息雖可讓公司將過去保留盈餘回饋股東,但任何分派均會減少公司現金及收購潛力。//( http://www.hkexnews.hk/listedco/listconews/SEHK/2016/0316/LTN20160316148_C.pdf)

405我只有10,000@$3.89,利潤不多,我會繼續持有。

Persie
Persie 2016/03/18 13:19:23 回覆

電能 (00006.HK) 公布2015年全年業績,收入達13.08億元,按年跌38.62%。股東應佔溢利為77.32億元,當中包括去年6月出售港燈電力投資之虧損5.32億元,按年跌87.32%。若撇除2015年之一次性虧損及2014年之一次性收益,集團的溢利為82.64億元,上升2%。每股溢利為3.62元。

 

董事局將建議派發末期股息每股2.02元。連同中期股息每股0.68元,全年股息合共為每股2.7元,2014年為2.68元。

 

截至去年底集團之淨現金水平為587.44億元。

Persie
Persie 2016/03/18 13:15:23 回覆

聯廣,究竟係長建定電能派?電能已公佈派息,冇特別息。

LeTV app 裝在iPad,我用小米盒子可以AirPlay上電視睇。昨晚試過,有曼聯對利記歐霸,當然Now 670亦有。

美國唔加息,#405有得升,你沽唔沽?

Persie
Persie 2016/03/18 13:13:28 回覆

主席,正是!要努力保重身體。

李聯廣
李聯廣 2016/03/18 13:12:55 回覆

Persie, 電能已表示若股東會前未有大型投資便會派特別息,而現時的每股現金水平為27.5元,所以派20元並非無可能,就算派50%都會超過10元。

LeTV視頻HD app係裝係電話定iPad/電腦?

慳妹
慳妹 2016/03/17 21:16:04 回覆

舅父仔:所以事到如今,還是健康最重要。

Persie
Persie 2016/03/17 19:09:21 回覆

我發覺個 LeTV 視頻 HD app 可以睇晒FA Cup,歐聯,英超賽事!

Persie
Persie 2016/03/17 19:07:43 回覆

Uncle病況惡化了,今晚不能出席飯局,他說可能要回老家醫病,也不知甚麼時候再回來。又到生離死別的時候。我們都冇心機食,取消算了。

剛同一位原先一起參加飯局的朋友通話,她提起之前一位朋友,比Uncle還年輕,有cancer,醫生建議用一隻新藥。他之前去亞馬遜森林後患上怪病,本來藥石無靈,但最後用一隻新藥治好;今次他再次發揮求變精神,大膽同意用新藥,結果三個禮拜內病情急轉直下離世。他是一位生命力非常強的人,一早計畫好人生,衣食無憂,但人要去就去。

心情同今日天色一樣!

Persie
Persie 2016/03/17 19:05:31 回覆

聯廣,有冇咁多啊?

Persie
Persie 2016/03/17 05:52:14 回覆

巴塞 MSN 3-1 擊敗阿仙奴,冇乜特別,但D入球都好靚。

拜仁主場先食兩蛋,眼看就死,臨完場梅拿追平2-2,進入加時了。

昨晚馬體PSV 180分鐘0-0,打到12碼8-7,Narsingh中楣,都講過這個名字不好 ...

Persie
Persie 2016/03/15 06:11:20 回覆

聯廣,李斯特城又勝一仗! 剛崎慎司門前6碼精彩倒掛一戰定江山,華迪在交波前有越位嫌疑但旁證話冇事。

足總杯賽後雲加話要去西班牙make the impossible possible,簡直係一派胡言。三奪足總杯呢個目的應該非常鮮明亦係理性化。現在大概係四大皆空了。

李聯廣
李聯廣 2016/03/14 13:40:43 回覆

山神發揮不出水準,今場冇得話隊友了。韋碧克空門不入是關鍵。槍手還是疊埋心水追狐吧,未到最後仍有機會。

Persie
Persie 2016/03/13 23:39:46 回覆

阿仙奴足總杯下馬。只能怪自己。唔知點解最後10分鐘才搏殺。小將Iwobi有個射門中柱,此子不是池中物。

Persie
Persie 2016/03/13 12:18:07 回覆

主席,我都覺得時間過得越來越快,快得令我吃驚。過埋Easter,四分之一年就悄悄過去了。我現在的人生冇乜動力。妳講起世貿,回想我那夜仍在寫字樓,老闆同ibanker開會,突然收到這訊息,大家湧去一間房看Cable TV新聞。當時大家未將事件定性,僅稱飛機撞向大樓。當年我係第一時間覺得係deliberate attack,但在場有人以為係accident!跟住世界發生了許多事。

之前的老闆啟蒙我的投資思想,但我急功近利,害苦了自己以後的人生路,但我仍然衷心感謝他。後來的老闆,一碌葛咁,跟他完全學唔到嘢。

如果當年冇急功近利,拿資金等到股樓爆破買貨,今天雖不會大富大貴,但三幾千萬資產一定有。我另外一位朋友就做到了。人生路,有時就看你如何把握。

番茄,可以在冇經濟壓力下退休是好事,可以做想做的事情係唔錯!最緊要保持身體健康!

Persie
Persie 2016/03/13 03:44:32 回覆

車仔下馬!阿仙奴要努力了!

慳妹
慳妹 2016/03/12 21:31:15 回覆

舅父仔、蕃茄:十六年好似好遙遠,想當年坐在電視機前看紐約世貿大樓遇襲倒塌,原來已經係十五年前發生的事。 我 03 年底結束和親友合營的生意,跟著做了七年的全職投資者,到 10 年接受舊同事邀請重回職場,彈指間又過了六年! 只要有目標,加上意志,歲月不饒人,但也不是問題;大家切記:珍重萬千,務求再聚。

蕃茄:你媽咪有目標,加上你們悉心照顧,一定可以如願看到孫兒們大學畢業。 你有機會提早退休,要開始認真計劃一下如何享受人生。

舅父仔:依你所講,我都覺得你妹夫不應辭工,就看看小 B 的學習進度如何再算;就算唔去外國,香港的學校都有不同的課程和教學方式。 我有個波友的姪兒之前讀傳統學校,成績不太理想,後來轉到一間非傳統教學方式的學校,但不是國際學校,讀得很開心,開了竅,很自覺去求知,現在已經讀到中三,在家人引導下,開始思考未來,目標係去英國升讀大學。 希望小 B 可以順利找到一條學習的路,最重要是永遠都抱有一份求知的好奇心。

 

蕃茄
蕃茄 2016/03/11 18:02:53 回覆

Persie, 主席,

我相信身體健康狀況有時真的會受意志所影響, 我媽媽的健康於上年年中一度轉差, 但我地同佢講要小心保重身體,  等睇埋D孫讀完大學影畢業相 (最細個孫要過多7,8年),   佢好開心咁話一定要,  呢幾個月佢身體狀況又慢慢轉好了.

所以, persie, 我覺得生命中總有喜悅和值得珍惜的人和事, 要信自己--> 如健康出現問題, 是可以跨過去的.

 

原本以為在新的一年, 公事會稍為無上年忙, 但剛收到消息, 公司架構有機會出現大變化, 如事成, 真係可能收舊錢, 忙多一,兩年 ,可以提早兩年退休了. 都幾好. {#icons_cat1}

Persie
Persie 2016/03/11 13:20:02 回覆

主席,我們想過許多方案,包括帶小b出國讀書。不過小B爸爸係公務員,份工好好,他亦是high potential staff,所以他不想放棄份工。而且他上有父母,亦不想離開兩老。如果只係阿妹帶小b走,都屬可行,但又唔係咁好。小b愛返學,愛畫畫,愛彈琴,愛游水,愛打籃球,但不愛做功課和溫習。

妳的十六年之約很有趣,不過生死有命,就盡力而為吧!

慳妹
慳妹 2016/03/10 21:44:52 回覆

舅父仔:小 B 好聰明,但看來香港的教育制度未必適合他,只希望不要埋沒他的天份。 你放心,你和這裡所有人都會健康快樂的過日子,既然你在重溫神雕俠侣,我就借用書中句改動一下:十六年後,在此重會,網友球迷,勿失信約。

Persie
Persie 2016/03/10 05:49:46 回覆

PSG再下一城,車仔連輸兩場歐聯出局。

Persie
Persie 2016/03/10 05:29:55 回覆

主席,小B好唔鍾意做功課,溫習,都不知如何引導他。有天他賴床趕不上校車(7點幾出發)爸爸駕車送他上學他就大哭,因為他好愛搭校車同其他小朋友玩。他識好多嘢,認得所有恐龍,會跟我談白堊紀時代。講clone複製動物,他說希望複製自己,真小B在家玩,假小B去返學。他是想像力豐富的小朋友。

他父母會好好照顧他,就算我看不到,都冇遺憾。

慳妹
慳妹 2016/03/09 20:06:48 回覆

舅父仔:千帆過盡,方知簡單就是美。 人比人,比死人,但求心之所安,就是最大快樂;你一定會身體健康,睇小B長大成材。

Persie
Persie 2016/03/09 13:05:36 回覆

Hull 0-4 Arsenal; Giroud (2), Walcott (2)

單看scoreboard以為係輕易取勝,但實際係折損了三名戰將😭

上半場梅迪薩卡撞頭傷出,Monreal換入;下半場Gabriel 頂完波落地唔好又傷出,藍斯換入,由Monreal 和 Chambers 夥拍雙中堅,法明尼任右閘。一掂波藍斯仲爭D整球烏龍,當時只領先1-0,擺老烏就1-1,幸好皮球掠門而過,藍斯都捏一把汗,如果「死神」入烏龍都唔知會點。怎料只打了14分鐘又傷,仲要見唔到點傷即係自己整親,咁樣傷最擇使。後來雲加話係thigh injury。

現在injury list 有10個人。

Giroud再做爸爸,沖喜下,右腳都識入波。金寶打得好,交俾和確特射入3-0的傳送非常美妙。伊和比亦有可喜演出。上半場傑比斯30幾碼拉射弧形球僅僅中楣頂;下半場Elneny第一時間窩利抽射稍欠角度被龍門拍出;兩球都係靚波!

一場去到侯城球場,竟有阿迷拉起橫額:

Arsene

Thanks for the good memories

But it's time to say goodbye

今個星期日主場對屈福特,係許勝不許敗的賽事。點都要keep住足總杯!

另一邊廂39歲的羅馬王子Totti突然後備上場!不過羅馬都要輸0-2。總比數皇馬贏4-0。我們的Szczesny打到塊面俾鞋釘劏左個窿仔負傷照打,已盡全力。第一球俾C朗搶點成功撞入。第二球俾占士射破大細😰

Persie
Persie 2016/03/08 09:41:23 回覆

聯廣,浪子:阿仙奴可以追平2:2,老實講我好開心。以前的他們會輸左算,今次係憑山齊士不認輸的性格而追平的。我好明白山齊士的frustration,如果不想浪費時間他應該離隊,不過走左亦不代表會取得更佳成就。

高基連兩黃我可以接受,但球證執法尺度要劃一,不能一個罰另一個唔罰。雙方打10個的話,我覺得都係和。我地輸2-1個球好簡單,梅迪薩卡打簡單足球踢出界咪得囉,但他冇做。Kane射得好靚,值得一讚!

我估李斯特城奪冠。

阿仙奴今晚FA Cup再戰侯城,係取得特別approval,同歐聯賽事撞期。

Arsenal外借龍門舒捷斯尼今屆過得好精彩。分組賽先撲救MSN射門。淘汰賽就對BBC。正所謂有今生冇來世!😂😂

Persie
Persie 2016/03/08 08:59:02 回覆

主席,我一直冇講,其實我住的地方業權有些問題。樓契冇事,係人士問題,但不在這裡解說了。只可以講可能唔係100%屬於我,不過我都同意。可以賣了層樓,再買一個小單位,新樓,唔好咁多樓梯級(現在的住處很多樓梯),然後做逆按揭,一樣得。

我去年健康轉差,今年應該會知道去到甚麼程度的差。有錢都要有命享,不過我平常心面對,生死有命,憂慮都冇用。

我受朋友感染,現在很慳,努力儲錢。另外一班朋友策劃經南美去南極,每人50萬旅費,我唔會去。這班朋友們全部係專業人士,有錢但唔夠假期去玩。南極之旅講了多次都去唔成,上次去了看極光,之前去了克羅地亞,伊朗等地方。

我想學會生活得簡單,隨心所欲,不需大花費,那麽就算退休冇入息都唔會擔憂。上週末拿出神鵰俠侶小說來重溫,一樣可以自得其樂。

慳妹
慳妹 2016/03/07 20:42:47 回覆

舅父仔:你好似都有好多人壽保單 {#icono0_1},加埋物業,他日做逆按揭有唔錯現金流。

李聯廣
李聯廣 2016/03/06 11:20:17 回覆

鷸蚌相爭,藍狐得利,神話延續?

如果高基連因兩黃一紅被逐,迪亞也應因拉跌基奧特領第二面黃牌出場,雖然勝負未知能否因而改寫,但球證的執法確有問題。高基連似乎暫時都未能取代卡索拉串連攻守,奧斯爾的威脅力都因而大減。

浪子152
浪子152 2016/03/06 07:28:03 回覆

今場唔輸執到啦, 除了入波果下, 完全唔夠class. 悶到死, 出到歐聯都陪跑……

我完全覺得前面唔得, 斬波唔起, 無人走位接應, 帶波推波甩腳…… 也不明要紅牌…… 

Persie
Persie 2016/03/05 23:48:17 回覆

我覺得球證好大問題,雙重標準得好緊要,放生熱刺。55分鐘毫不猶疑兩黃Coquelin但對住Dier就唔俾第二個黃牌,但他mung到基奧特件衫甩咁滯都冇事。我地係呢種球證執法下都追得平,算係咁。Ospina臨危授命都有上佳演出。

Sanchez在球證吹完場雞時大腳畢個波上天,望都唔望隊友,急步入更衣室,興到爆,好不滿。他和Ozil都見離心,不滿隊友唔夠卡士。

Persie
Persie 2016/03/03 16:16:26 回覆

聯廣,所謂知己知彼,可能我太熟悉自己隊愛隊,我知道我們已經「陣亡」。不是說喪氣說話,而係覺得絕望。

我今天萬分頹喪。

李聯廣
李聯廣 2016/03/03 13:17:00 回覆

做乜咁灰呀!咁快就放棄?知否世事常變,愛拚才會贏嘛!

仍然維持狐狸會直路腳軟預測。

Persie
Persie 2016/03/03 06:18:35 回覆

無法形容的失望。睇完都無法明白怎麼可以輸了這場比賽

一季概括了,還看下季,如果我看得到。

昨晚看到小龍女重傷將死,重遇楊過。之後轉轉折折,分開多過一齊,但上天還算是待他們不薄。天天見的,可能好快就分手。

陳妍希或者唔夠靚,但氣質清純,不會堅決要化大眼仔裝拍古裝,所以顯得清新脫俗。其他堅持的,不免成為庸脂俗粉。古墓派師姐妹都很清新。我最怕個公孫綠萼,一個「娘」字轉5個音,頂唔順。小龍女講話冇尾音,爽快。不過所有女演員都出現臉頸唔同色的問題,上一套武則天的女演員的妝就靚好多,起碼冇兩截顏色。在皇宮化濃妝又比在江湖格鬥化濃妝合理。

Persie
Persie 2016/03/01 09:55:35 回覆

前一排見到二打六兄講他仍然成功以投機養家(有太太有小朋友),真難得。我記得牆頭草兄都一樣,他當時還叫我發掘美國REITS(我當然掘唔到)。好久不見他,不過我相信他靠投機投資生活仍然OK。

我都有一位這樣的朋友,冇返工,靠炒嘢,他稱為investment,但最近聽說他好唔掂,但這年紀又冇法找到工作。衰D講句,就算想做小學生的補習老師都要識syllabus,考試技巧;我們這堆老餅,想教都冇人請。

另外一位久沒聯絡,他好在早年買了豪宅,之前還有個漂亮的𡃁妹女友。後來他健康出了問題,搵錢能力大減,亦同女友分左手。我好唔想講話個女仔只係鐘意他的錢,但我相信這是事實,唉。

Persie
Persie 2016/03/01 09:49:16 回覆

聯廣,我已經由天堂跌落地獄。看到我們一對中堅#5,#6 mark Rashford 真係想撼頭埋牆死左算。為甚麼會這樣大意?我們歐霸已見識了他,不是初次見面。Walcott,Sanchez更加完全死晒火。

如果係咁,就俾李斯特城贏啦,成就一個英超童話。

李聯廣
李聯廣 2016/03/01 08:38:35 回覆

開始鬥直路,狐狸能否笑到最後?今晚先鬥西布朗。曼城放棄足總盃押注成功奪聯賽盃,槍手可能都要有所取捨。PS: Last Sep 大熱單Q係車仔-曼城。

長建升到歷史高位再染藍後吸引力已減。此消彼長,電能應可看高一線

Fyi:《大行報告》瑞信升電能(00006.HK)評級至「跑贏大市」 目標價上調至86

Persie
Persie 2016/02/29 00:04:58 回覆

唉唉唉

Foxes-熱刺單Q

Who would have thought so last Sep?

Persie
Persie 2016/02/28 21:25:19 回覆

主席,原來唔止間屋,供滿了的人壽保險都可以做逆按揭。摘自今期iMoney:

 

「你剛才說,如果是物業的逆按揭,以我60歲來說,支取10年年金,以現時的息率水平計,每100萬元的樓價,每月可支取3,700元年金;如果終身支取,則每月可支取2,000元。如果我有另外的100萬元的保單現金價值。我便可以支取雙倍的年金?」

 

「嗯,根據按揭證券公司提供的資料,又不是完全雙倍,大約多了75%,即是6,500元;如果終身支取,每100萬樓價加100萬的保單退保價值,會由每月2,000元增加至3,520元。」

Persie
Persie 2016/02/28 21:09:31 回覆

聯廣,我昨晚沒有睇狐狸場波,但看住Livescore眼看必和,卻在89分鐘絕殺!嘩,這個童話真係神極了。歐聯阿仙奴已經輸掉了,不如派新仔去完成場比賽算啦,希望巴塞不介意我們唔尊重他們。

打和侯城係最壞的戰果,搞到賽期越來越密集。今次真係Mission Impossible,我都唔知會點。

曼聯上場突然冒起一個Marcus Rashford,對我們真唔係好兆頭。他們的右閘Varela都係新人亦有非常出色演出。我有睇那場比賽。

其實雲高爾當年亦提拔了Thomas Mueller。當年他好似支竹篙,但又冇頭鎚,帶波又甩腳,但LvG的慧眼,看梅拿今天成就就知道。他對控球指數有種不必要的obsession,但他提拔新人係好有眼光。

李聯廣
李聯廣 2016/02/28 12:25:31 回覆

狐狸神功護體仍然領放,是否今次能一放到底創英超神話?!

槍手重賽若勝侯城入足總盃8強將需面對22日內踢7場魔鬼賽程,是否要放棄歐聯?!

慳妹
慳妹 2016/02/25 20:59:17 回覆

舅父仔:今日同澳洲回港渡假的舊同事飯聚,其間談到退休生活,全世界都一樣,人愈來愈長壽,個個都擔心積蓄唔夠使。 其中有舊同事不善於投資,亦怕風險,覺得逆按揭都係一個選擇;看來這個都會是一個趨勢。

浪子152
浪子152 2016/02/25 20:51:03 回覆

邊個撈冠軍都好, 慢慢睇落去啦~~~

撥左D資金去做年金好丫, 我都唔識得炒, 生態已經變晒...

1038入恆指........

Persie
Persie 2016/02/25 14:36:23 回覆

浪子,大家都係咁諗,想趁今年亂局撈個冠軍,不過冠軍得一個,你定我,定狐狸?曼城?

曼城放棄FA Cup,都幾決絕,係咪對的抉擇?季尾先知。昨晚順利擊敗基輔戴拿模,Rebrov係領隊啊!

條友個女都16歲,你好難說服阿女話自己喜歡了一個年輕姐姐。不過,如果他肯出錢送阿女出國讀大學,阿女心態或有所不同。我覺得現在的世界好現實。

當年我做了一個不同的選擇,對自己前途極有可能係錯。但轉眼幾十年,又覺得不需要事事計較。我只係希望D細路唔好反叛走歪路。

我只係撥左D資金去做年金,費事自己炒輸晒。不過我今年都想儲D股票,收息股,已經係老人家,唔似你仲後生識得炒!

浪子152
浪子152 2016/02/24 20:18:07 回覆

hahhaha 熱刺今年捧到個冠軍就好嗱..... {#icons_cat2}唔係都唔知幾時有機會...

熊市又無1038在手, 一D心情都無...

男人是很有趣的!!! {#icons_cat9}都鍾意D18, 22妹妹仔架~~~ hahahaha

 

 

Persie
Persie 2016/02/24 06:19:33 回覆

再一次敗於巴塞腳下0-2,專心打聯賽和足總杯好了。對Hull City要重賽把賽期擠到密質質,真係要萬事小心。 28/2硬碰曼聯。Oxlade唔肯放棄一球甩腳波跟馬斯查蘭奴硬接一招傷左,好傻。藍斯危機中又同隊友相撞損兵折將。其實場波開局唔錯,Oxlade實在應該先開紀錄,但不能把握機會巴塞就會punish對手、萬試萬靈。

Persie
Persie 2016/02/22 11:38:16 回覆

馬仔,我們年輕時都可能激動激情過,但現在這把年紀就算了吧。或者他覺得只要肯鳥倦知還老婆會原諒他,但我係驚佢老婆會放棄,寧願跟他對分身家。這種情形下,子女也有可能不諒解他。

我有個女性朋友(舊同學),2002年識左一個男人,細過她。她一頭樁埋去,又keep fit 又扮靚(但個老公竟然冇留意,視而不見)。好彩出面個男人唔係好吼她,一年後終於分左手。她想死纏,係咁要我叫阿妹抽塔羅牌看前程,但抽親都係衰牌。我話妳醒啦,俾返D尊嚴自己啦!佢「戀愛」時真係靚左好多,神采飛揚,對眼好似閃光。今日變返肥嘟嘟師奶。現在到她懷疑老公在外面有個女人,她偷看過他的手機。咁應該係肯定左,但她未知應該怎樣處理,暫時用住「懷疑」兩個字。

 只能概括,呢個世界冇永遠的愛情。

Keep到二十年的愛情(加婚姻),已經算極限(我認為)。

幪面馬仔
幪面馬仔 2016/02/21 23:35:35 回覆

昨晚先有個男人同我講,男人是一種奇怪動物,永遠鐘意一些新奇,刺激又好玩既野。

尤其对住一些細自己咁多既女子,他們會好珍惜的……

冇野可以講,要睇你朋友的造化了。

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。