19年前的天地豪情
2017/09/12 22:28:02 網誌分類: 未分類
重溫了天地豪情，今次再看才發現這是一個愛情故事😝。戚其義天地系列講的兄弟情在這套劇冇出現。此劇本非常粗疏，比起其他天地系列或天與地都有所不及，但相信這個卡士在當年算好勁所以當年都好受歡迎。就算愛情劇，這套劇的人都好快變心，塘水滾塘魚之下關係非常混亂，在當年都可能都係一個突破。
不如講下D女角。程嘉鳴應該最善良，但30幾歲人拍拖都要問阿媽，當年都應該冇乜此類人。雖不能說嘉鳴其貌不揚，但甘樹生對她如此痴戀都不是太易明。程嘉鳴只愛一個人，卓尚文；就算他不告而別兩年，他回來後都係一秒就原諒了他。
程嘉慧擺出來係一個隨心而行，率性而為的現代女性，奈何得個款。佢都係想出外玩幾個月大住個肚再回來香港嗲返甘樹生，但她勢估唔到只是離開6個月但甘樹生已經成功向嘉鳴求婚。
孫樺係編劇喜愛的角色，堅決要將她由拜金變善良，真係太天真太傻。無論如何，我看到的孫樺係，每次當她開始喜歡一個男人，個男人一定係個有錢人。
Kelly如果小節上不是這樣奄尖聲悶，大體上都不失為一個爽朗獨立的可愛女子。
反而甘樹生同卓尚文的友情有點奇怪。似乎幾好朋友，可能甘對卓都可算亦師亦友。他們又一齊鍾意了一個女子，又互相讓愛一輪。不過結局證明愛係冇得讓。
真正隨心而行，率性而為，一定係2017年的 Never Wong，王儷凡法官。人靚，把聲講嘢又好聽，又灑脫。因為Never，連癲姐都顯得好可愛。踩過界應該係今年最佳劇集（因為連我都有睇）。
我知道係要增加被動收入，但暫時未到達想要的金額，仍要繼續策劃。
今年開始個個都講退休，可能我們都差不多年紀
我當然有排未到退休年齡，但都要開始計劃人生下半塲。
昨日新聞說，全港百歲人瑞現超過3000人。
我只求開開心心，身體健康，精靈活潑。
大家咁話。
蕃茄
完全中point.每次返工都有新鲜感，新地方，新拍檔。
但大前題是，我現在不是靠這份收入維生，所以每次都覺得，又有機會去見識，去玩。
公司今年冇份做電動車, 所以冇得去睇
在 七，八月時開始研究 bitcoin，同買左幾千蚊 Mining Contract, ---> 是馬多夫式大騙局？ 還是 劃時代 改變金融體系的東西？ 仍在跟進觀察中，投放預左無晒都唔會肉赤的銀碼，叫做落埸參與吓 Blockchain 呢樣科技．都幾有趣嘅.
馬仔，
你話：＂其實炒散不是穩定收入，但不知為何，我總期待＂， 可能係比起份正職會壓力細好多，輕鬆Ｄ？
主席,
有幾多錢先 做到財務自由真係因人而異，消費模式／習慣個個不同，有人每月要用兩，三萬至夠，我就真係不用咁高消費。 但在我過去七，八年計算退休 或 財務自由所需的數目時，原來一直計小左一樣，直到在近大半年先留意到，要加埋：年老時，要聘請工人照料家務所需的費用，及最後，兩公婆要入住安老院的費用。所以我在呢大半年又花左唔小時間去修正個退休 ＰＬＡＮ。
在大升市要克服不沽長線收息組合，（如領展，成＄７０），真係要有定力，將來個市爆煲都要叫自己唔好後悔當時唔賣，因為係長期留來收息嘅。
我發覺呢一年，呢度好似個個都不約而同地計劃緊，講緊退休。哈，真係好似夾定咁，都幾有趣。
心機吾識計？
機關就可算盡！
我只計住仲有幾耐可收工。
舅父仔：我都冇 1,800 萬，真正全退的日子愈來愈近，既來之則安之，可以安排的就盡早籌謀；我現在變得更精打細算，希望做到不浪費但不寒酸；能省則省，要花的也願能花得起。
馬仔：衣香鬢影，背後有幾多心機計算？
有朝一日退休後我最想做的是兼職駕駛導師！
今次出勤做私人宴會，衣香鬢影，全晚企係度，睇住人飲飲食食。
算容易。
馬仔，你都可以咁講。如果想分散都可以考慮選增長基金，投資其他股市+債市。我都有選一個環球一個亞太；我個ORSO已經有65%泊左落cash。
不過全球股市都係火燒連環船，冇邊度可以獨善其身。
舅父仔
你問我會否繼續供2800........yes。
我細胆，就算買入高息股，但又驚股價跌，雖然知道用作收息股的錢是閒錢，但還是想不通。
我現在有一個問題，月供2800，MPF又泊在恒指，咁咪所有雞蛋在同一個籃？？
主席，我只有少少股票，冇咩糊食。指數股我會全數沽出。我買左好些年金，我明白係幫唔到甚麼，但總好過俾我炒輸晒。
我個上司無心戀戰，我在公司的壽命最多只剩一年零兩個月，我看不到前景。我的財富夠唔夠，我都講唔埋，但人生在世也不是事事都可以預計，所以都不會太在意。
昨天跟堂姐夫食飯，佢話個股票portfolio一下子漲到1800萬，真厲害。一隻平保已升左100萬，佢話唔會再買貨，我叫佢直頭要沽貨。我話平保，復星之類可考慮沽。姐夫話要收股息，因為他已提早退休。他的貨早年已儲落，相信可收豐厚股息。我當然想學他，但相差甚遠。
其實炒散不是穩定收入，但不知為何，我總期待。
可能在於還有新鮮感，雖然只是行行企企工作，但都帶來满足感。
有時在想是否用它代替全職工作中的不足？？
炒散同事多好人，又肯幫人，有team work 精神。
但今日接觸到一些外判商(雞頭，點解個名咁難聽)同事，個個粗口到不得了，事事惡左你先。
大家都好。 一個月後的今天就是聖誕節，2017 年又將過去，時間走得快到有些難以置信；股市也一樣，半信半疑之下恆指去到三萬點，希望大家都有收獲。
蕃茄：看到你之前留言計劃退下職場，不再做全職，能達到財務自由，騰出時間做一些自己喜歡的事情，可喜可賀。
舅父仔：你讚馬仔高位沽貨，你自己又如何，食咗糊未？ 過去兩個月，我重新整理自己的退休資產組合，希望到時能帶給自己一個穩定的現金流幫補吓，基本上已完成，但願冇計錯數。 公司在檢視來年預算，大老闆喜怒無常，有風聲佢打算大幅裁員，特別係香港合約員工，我都有心理準備年底接大信封，之後可能要跟馬仔炒散搵食。 我和同事講：唔好抬咁多私人物件返公司，免得到時要額外花錢請 go go van 搬嘢返屋企！
馬仔，操作得好啊，有錢落袋先。是否還繼續月供#2800？
聯廣，我D #2828 和 #2823 都係兩年來低位買上來的，一定唔會做人世。2015 #2823 高位係$16，#2828係$145（我個friend $145萬買左1萬股）。我唔識睇圖，我睇住這兩個位，我自己覺得#2823 如上到$16差唔多。
#604我買佢深圳兩個字，派息亦佳。
現時已非可持股10年8載超長線之時，如果貨多，52周高位出d貨肯定冇壞。#604唔當炒，所以上番高位又跌番。同樣係陸SIR介紹，#133似乎就「矮仔上樓梯」好好多，不過計收息就差了一截。
28500時已走了一半#2800
馬仔會唔會沽出一半#2800？
Clockenflap我不用去，唔駛食西北風。
阿仙奴的演出平淡到得人驚。冇左7-11隊Team B就係咁，死未。
我想買高息股#604 & #737，但經紀朋友永遠話股係要黎炒唔係要黎收息。
我手頭上的#604高位冇沽，現在蝕緊。
上次個迷幻派對還好嗎？我D鬼佬朋友嘅仔女最迷戀Clockenflap.
星期三問個經紀friend好唔好沽出#2823，佢話唔使住，星期四插水，笑爆。我好少貨，但打算沽出#2823 和#2828。
恒指3萬點，大家賣貨定買貨？
各位星期五，六晚，我又要出勤喇。今次不是迷幻派對，應該撞吾到你哋
咁要睇下邊個好運啦。法國阿根廷都唔想撞到佢地。
葡萄牙嘅世界排名第三，波蘭嘅第六，編在第一檔次真係冇乜說服力。第二檔次嘅西班牙和英格蘭如入到呢兩組就夠運了！若入到主辦國俄羅斯嗰組就更加好運。
聯廣，甚至基奧特在國家隊亦打得好，似乎迪甘斯更懂得運用他。法國在歐國杯射極唔入，臨尾中柱才會讓葡萄牙偷襲得手，希望他們在世界杯好運一點。
馬仔我有1000股，但個股價唔肯上 ...
麥巴比係法國三叉戟嘅靈魂，當然拿卡薩特亦不差，甚至連Martial也踢得比在曼聯好，法國隊看來有力爭標。
我又抽唔到易鑫.......
丹麥又殺入世界盃。每次他們都可以顯示黑馬本色，且看明年如何。
聯廣我好鍾意睇麥巴比踢波，佢真係好好波，好過巴塞天價買嘅丹比利多多聲。拿卡薩特亦非常出色。我覺得場波法國應該贏。
估唔到德國對法國場免費波都幾好睇，可能友賽冇乜包袱兩隊都打得幾放。法國d快速反擊相當悅目兼有效，德國就搓得好好又控制到個波，不過到世界盃時兩隊可能會保守好多了。
冇荷蘭。有德國，法國，西班牙，英格蘭，巴西，阿根廷。
吓？？？即是連荷蘭都冇呀！！咁唯有棒德國。
馬仔，3.xG 我唔敢講，但我本人意見覺得係OK。
馬仔，意大利係一隊喜歡穩守特擊的球隊。他們先落後瑞典，咁冇辦法昨晚要圍攻，但瑞典要防守他們係不困難，結果係0-0。我唔明為何唔出艾沙拉維，他上仗表現出色。昨晚球證多球12碼都唔判，令人再討論是否該引入VAR system看慢鏡。我就非常同意。現在意大利有最好的換血理由。意大利在小組賽失利，只能以次名出線要打附加賽；抽中瑞典亦都知有暗湧。伊巴話會復出打世界杯。
荷蘭，意大利，美國，贏了兩屆Copa的智利都出局。新丁巴拿馬，摩洛哥和沉寂多時的尼日利亞都入圍。
點解今年會冇意大利，有冇荷蘭呀？？
我仲用緊$96元people任上網，得3.xG
吾知又安全否？？
馬仔，我問過電訊界朋友，4G OK 信得過。我都係用手機銀行的。IPO可以在家用電腦預設，不需要在公司電腦留痕。
當然個人感覺好難講。
舅父仔
我在公司上網，有時不不太方便。又唔信手機程式
馬仔，我還以為可以補救。為何不用最簡單的online banking？
我黄表抽，但支票户口吾記得入錢，彈票！
我成家冇人抽到
馬仔，雷蛇中唔中？每手賺$2000.
蕃茄，玩得開心最緊要！
我friend margin 左500萬有3手。佢話都係按兩粒button唔明我用50萬抽都唔margin咁蠢。上到$106.20啦。我朋友賺緊3萬啦！
另外兩位朋友（用$110 和$165萬抽）都係一手。
Persie,
我都無抽到呀、我都係比較隨意咁click 左用margin 抽50手、3份一機會但唔中、我其實一向無乜抽獎運。今早開市隻股升到九十幾……
我正在旅遊中、所以都不會太留意香港股市了。
抽獎失敗，不過都是意料中事！
我太大意，遞了表抽雷蛇，冇入錢，支票過唔到數
我太懶冇集齊資金抽閱文，只用了$55萬抽，失敗了。要$110萬才穩有1手。財不入懶門！
我朋友入$110萬和$165萬都係1手。番茄都一定會抽到。
聯廣、
如果由年初22,000点起計、升達40,000点、有成80%升幅咯、不過若由現在嘅28500計、基數高左咁多、去到四萬点就40%左右。
馬仔、
如果有靚女保安、會唔會有好多人借d意走去撩佢傾計呢？可能攪到個保安會好鬼煩……