鄧達智 - David Koma多謝炎明熹｜智智樂GO

不理回響是正？是負？好評？還是惡評？設計師David Koma在香港名氣未算響，小天后炎明熹着他2023年秋冬系列白色拖地長恤衫襯黑Bra、紅色Ruffles配紅色絲襪出席活動後，引來媒體爭相報道，風頭直逼「新聞女王」佘詩曼。

前人曾經說過：沒有好新聞，也無壞新聞，重點是該新聞可引人關注；好、壞、正、負，轉眼無人問津，然而當事人名字及印象從此被深刻認識。

是次揀衫炒車，得益者：設計師David Koma。真係要多謝炎明熹嘅人氣及媒體關注，也要多謝協助炎明熹揀衫的Stylist。如果揀衫係炎自己主意，18歲藝高人膽大，具備實驗性精神。

被媒體追問評價炎明熹是次形象的設計師幾乎一致予以惡評；在下至劣，直接批評為「垃圾堆填區」⋯⋯點解？一直睇高一線炎明熹。

歌唱造藝高且年輕，外形條件好，五官輪廓精緻，前途無可限量，實力與偶像條件具備，多年難得一遇的明日之星。

今次揀衫撞車已非首次，近期接二連三才引起傳媒加倍關注；如果形象打造未夠成熟，合適戰衣仍未獲致，因而帶來惡評，影響觀眾視線，阻礙前途發展未免太可惜！

有好心媒體撐Gigi，羅列David Koma戰績；Beyoncé、Jennifer Lopez、Cara Delevingne、Kendall Janner、韓團Blackpink等等。

撐場若此，根本幫倒忙，情同阿邊個邊個都着嘅衫，阿邊個邊個食嘅嘢⋯⋯佢哋係阿邊個邊個，唔係炎明熹！依杖別人名氣，毫無深度。

Beyoncé係Beyoncé，Blackpink係Blackpink，哈囉、哈囉⋯⋯佢係炎明熹，獨立個體嚟㗎！

因為炎明熹，特別細究David Koma的作品，一個字：正！可惜Gigi揀錯衫，特意從同一系列，為小天后揀來另一套紅黑配搭的設計，相信媒體及群眾都不會太負評！

鄧達智