终于拿到《检验单》
终于拿到《检验单》
今天终于拿到前天去医院验身的《检验单》了。主要是受了平凡人的影响,甘鬼瘦都话尿酸高,好似钦差大臣同皮蛋过D甘好“体形”0既人,咪要“偏得好高”?于是乎,一就唔检,一检就检齐!反正都系两桶血,时间都系甘去0者。结果账单同《检验单》一样,蛇春甘长,搞到钦差大臣又少入手一块美玉。算了,仲系命值钱D。
乜肝功全套、血糖全套、血脂全套、尿酸,,,,,,大喇喇26项,我睇下边个同我斗!睇到老子眼都花埋,终于见到两个箭头“^”,笃向天,睇字形解说应该系“高左D”甘0既意思。哗!26项,都系“笃”左两下咋!甘钦差大臣D“体形”咪好过皮蛋?平凡人就更加唔使行埋黎比啦!佢D尿,成520度酸值,咪仲酸过咸酸菜?!我D尿先至253度,连正常值上限420度都仲差成匹布甘长,应该就酸咸好适中,做有机肥就最好,哈哈~
不过,胆固醇就系甘衣高左少少,都系比上限值高左0.05者,离大肠仲好远,定D狂!其他就某嘢啦,D狼心狗肺啊、D牛肝猪腰啊、、、、、、哎呀以为25岁添!又哈哈!!!
第一时间就摞住叠蛇春甘长0既单搵到高人,帮指点下迷津。高人眼尾一飘,就话:“大臣,岩晒你啦,记住得闲饮返二两,再黎D红酒啤酒,普洱茶绿茶就更加唔好比佢停啊。以后珍惜下动物,唔好搞到佢地为左你0既口福而“肝脑涂地”,少食D肝脑就得啦。如果你觉得青菜水果懒得食,得闲就拍粒维生素、阿司匹林。都系稀释下你D鸭血0者,D血某甘粘稠,自不然你就神清气爽,朝气蓬勃0架啦!”钦差大臣一听,便高兴得屁颠屁颠甘帮高人捶起背来。
唉,人,仲系健康饮食,多锻炼,少烦恼,内分泌正常最好,任何一个零件受损,其他都会有连环反应,尤其比钦差大臣老一点的人,如某某、某某等,都系应该从头到脚,凡凡都保养关照到家,周身内分泌正常,自然百病不侵。
祝大家身体健康,好过发财!!!!
拍丸?點解要拍丸?開party?開咩樣的party?
欽差大臣~午安
好好愛惜身體
多加保養啊
欽差話;每日一粒哦............
嘿嘿嘿.............
係迷藍色.....個粒 啊?
仲有阿!!!
你上次爆左我格,4斤(2公升)中國最毒的蛇酒,點分享先,係迷回家把4斤毒蛇酒勾兌你的百全大補酒阿?
我...就....反爆格.....伽!!!
真係...爆黎爆去............伽!!!
最終都係落肚.....然後.....爆石....爆尿....
啊哈哈哈哈哈
天佑
你唔准回复,我就系呢度回应你:小小湿热,就搞到休博,你一定“甲乙丁”叻!
唔准!你即刻返黎我就比条“御用处方”你!!!呵呵~~
天佑
“某某”系边个?唉,D“有钱人家”唔系咁好明讲0既,人家今日又话入手一旧紫檀叻,唉,炫目系啦!
平凡人
唔使甘激0既,恨唔黎0架喇,你D5年饭产头补酒,比我同开心妹分左佢算啦!
哎呀~得到班靓女系甘赞下,真系后生好多0既!
开心妹,识货哦,我地分左佢咧~~~嘻嘻~~
皮蛋
人家老金好识养生0架,Alife又全部标准,
“某某”系边个?唔使顾左右而言他啦,
咪~~咩咩边个咯~~~
禅师同皮蛋0既意思就代表大众意见啦,
饮食均衡就最好!
好似皮蛋甘0既年纪,维生素一定要食喇,我都系每日一粒0架!陪下皮蛋咯!
恭喜.健康是福..家庭幸福..金銀就滿屋.
Alife甘咪少好多享受?
可唔可以又大鱼大肉大碗酒,又全部正常啊?
呢張成績單直情係冇得彈,仲想點啊? 浮一大白賀一賀啦!
膽固醇高,食麥皮啦。
我粗茶淡飯,所以體檢一切正常呀!
恭喜!!!恭喜!!!
真係VERY激七!!!!!!
一個某某,緊系人哥啦,另一個某某,唔系亞石仁哥就系壽哥喇!話時話,佢兩位D珍藏未曬過哦?
上年因為醫療保險的緣故,做了一次身體檢查。還好,除了壞膽固醇稍高超標外,其他一切正常。這點點超標也不影響保險的理賠。
所以呀,多飲茶,多運動,不過要減少食肉就真系幾難,只好維生素,魚油丸不停。
保重呀,少肉,少鹽,少油;多菜,多素,多運動。
小油不要停,小茶不要停,小曲也不要停。
健康便是福。
大臣哥,介你應該去某某、某某人個度將D靚酒、好酒收來飲,帮下佢地呀!
即是....
即是可以 放量暢飲. 繼續 接受 進貢 !
//如某某、某某等// 即是 咩嘢呀 ? 睇唔明呀 !
no.2
恭喜恭喜,身體健康真好!