節日氣氛......白玉翡翠卷

人越大, 唔知點解, 對節日的感覺越來越淡, 聖誕節, 農曆新年對於我來說, 只是多D假期, 有時甚至要苦惱搵節目...毫無節日氣氛......回想起細個每逄到十二月就十分期待, 因為一輪長假期將會開始... 聖誕節, 新曆新年, 農曆新年......又忙住寫聖誕咭, 買聖誕禮物...新年買新衫, 幫媽咪封利是...好開心......

今年比較往年特別, 因為多咗個新節目...幫手煮開年飯...我煮咗魚翅湯, 酒香焗生蠔, 胡椒蝦, 家人都覺得幾好味, 遲D先喺度同大家講吓有幾好味啦...

今日分享個菜色是... 

白玉翡翠卷 

材料: 龍利柳, 籚筍, 蒜蓉,

調味料﹕鹽, 薑汁, 糖 

1. 用鹽, 薑汁, 糖醃龍利柳十分鐘。

2. 洗淨籚筍，切/刨去尾段較粗糙部份，切段待用。

3. 龍利柳洗淨，中間切開兩條備用。

4. 燒熱鑊，下油，爆香蒜蓉，炒籚筍至半熟，加入少許鹽, 糖調味，即盛起。

5. 將籚筍放在龍利柳上，捲起，用牙籤固定。

6. 下油，煎龍利柳至熟，完成。 

此菜色清淡得嚟有營養，屬健康之選。