展覽直擊 + 香港美食百年(四)街邊檔逼上梁山
周六,偕同花茶及母親前往灣仔捧場。
原來地點正名是「大有廣場」,不是「大有商場」,我真烏龍!
現場跟想像有點出入,我以為文章刊在大展板上,誰知配合迷你的骰的食玩模型,文章是用小展板,在玻璃箱中展示出來,雖然始料不及,也感覺也不錯。
*花茶:Yummy,好玩!
70-80年代
街邊檔逼上梁山
話說香港到了70年代,經濟起飛,香港人開始講生活質素,有人認為傳統街頭飲食不衛生,兼阻街,要取締。
結果,政府整頓市容,著力打擊無牌街邊小販,又以減少傳染病為名,出手對付大牌檔。自80年代起,政府不再發出大牌檔牌照。大牌檔和街邊小食檔自此買少見少。
*煲仔飯,要在街邊吹住風食,先夠惹味!
不過,街頭小食的魚蛋、栗子、雞腳、雞蛋仔、碗仔翅等等那麼好食,又怎會消失。正如水滸傳108條好漢逼上梁山,街邊檔美食也只好轉型,陸繼搬進商場和大廈地舖,以及進入政府管理的市政大廈熟食市場。
從此,大牌檔綠屋仔變成茶餐廳,小食檔變成小食店。
街頭美食,味道雖然還是一樣,但不能在街邊吃,風味始終有點不同。
現在,街邊小食店最密集的地方,相信應該是旺角花園街和油麻地廟街,想飽餐街邊小食的市民,每天擠在這兩個地方,尤其是旺角,變得旺上加旺。
*展覽反應不錯,遊人都很用心睇,又議論紛紛,不是望下就走。
展品留影
*中國人婚宴酒席請帖炸彈,大家年中總要收幾張。
*燒臘店開張大招牌,重現江湖,現在好少見啦!
*你有沒有見過,小巴司機駛過傳統餅店,老闆把包丟給司機?
這叫街坊,叫人情味!我太太說紅磡有這樣的店。
(C) 2009 彭卓鋒/UML
QQ, 3蚊5粒, 有咁抵食呀? 依家...
NEKO, 好耐無見, 見到你真好!
立冬姐, 咁又係, 推住滾油車走鬼係幾危險...
不過, 童年回憶始終如一, 我中學時唸牛津道某校, 學校後面我地同學叫佢做食街, 成條街都係街邊檔, 我地餐午飯, 八成同學都係果度搞掂, 果時D飯盒, 幾蚊一個, D醬料滿到漏汁, 好誇張的.
還有同學都稱車仔麵檔是火水麵, 因為用火水爐煮, 好好笑...
indy
好耐冇泥
追哂甘多編,而個話題好有趣!
不過擺街邊真係唔好的,因為走鬼果陣個鑊滾油真係好危險架.
更正一下,應是$3/5粒,$5/8粒.而家競爭好大.
跨年代魚旦情意結,那個香港人沒吃過魚旦 ?(先天病者除外)
到現時為止,仍未認識過不愛魚旦的朋友.
係 wor,一陣去大廳統計一下都好 bor.
qq
QQ
你真厲害,魚蛋價錢和粒數都在心中。
其實最近除左街邊小食,仲多左好多飲品店。
唔知點解,好似無端端興番咁!
indy
而家舖頭食碗仔翅,都冇以前推車仔咁好食o既.魚旦花園街$5/8粒都仲ok.
qq