高鐵GO!火車迷齊齊撐高鐵(二)
前幾天,我在陸Sir網誌內留言,陸Sir如此引用:
上周五見立法會財委會又未能通過高鐵撥款,感受殊深,本來不想談論政治問題,但高鐵關乎香港未來的競爭力,都想講一兩句。網友Indy留言話「今日反完高鐵,20年後萬一香港邊緣化過程完成,係邊班人失業?咪就係80後囉。香港人潮流興自掘墳墓。唸唔到班80後咁趕得上潮流。」
陸Sir認為我的說話很激,事實上,萬一被我講中,廿年後80後朋友唸返轉頭,就不會覺得我所講的話「激進」。
自小,我就和表弟一起,拿到晾衣夾,便一隻夾夾一隻夾,夾埋成列,就當火車來玩,那種歡樂,今日記憶猶新。
*衣夾火車--如果成一列夾上十多個衣夾,更加壯觀。
小時後坐火車,看著景物後退,由市區進入郊區,又去到另一市區,奇妙感覺,至今不變。也許,今日80後從不搭火車,所以沒有我這種感覺。
長大後,我愛上電腦遊戲,玩甚麼?A-train、Simcity、Civilization系列。遊戲讓我看著,一個城市,如何因為一條路軌,因而被注入生命。火車不但載人,而且載著一批批的貨物,令兩個城市可以進行充份的經濟和文化交流。
別以為這些電腦遊戲只是虛擬,當時我買下這幾款遊戲,每款遊戲拆盒後,除了光碟一隻之外,都一律附有一本數百頁厚的說明書。其中A-train的說明書,竟羅列了周詳的鐵路及火車發展歷史,可見外國人製造一款火車遊戲,背後其實是一個鐵路教育的大Project。
那一次,我把英語說明書讀了大半。鐵路是甚麼?我認為每一位反高鐵青年繼續喊這口號之前,都應該先來唸唸鐵路史,玩玩電腦遊戲。
*A-train電腦遊戲,至今仍是PC GAME中的經典作之一。
沒有經濟和文化交流,城市不會增長。有如血管栓塞之後,結果就是肌肉壞死。年輕人血氣正旺,體會不到血管栓塞的可怕,更未體會過寄百多封信才找到一份工的悲慘。
*Simity遊戲裡,設定一個城市,必須有鐵路連接,才能從外界(其他城市)得到發展必需的物資,以及吸引新批移民進入,充實城市活力。
再下一集,進一步詳述我關於鐵路效用之於城市的想法。
* * * * *
陸Sir網誌節錄轉載
(http://blogcity.me/blog/reply_blog_express.asp?f=5YTPBH5B812303&id=223049)
上周五見立法會財委會又未能通過高鐵撥款,感受殊深,本來不想談論政治問題,但高鐵關乎香港未來的競爭力,都想講一兩句。網友Indy留言話「今日反完高鐵,20年後萬一香港邊緣化過程完成,係邊班人失業?咪就係80後囉。香港人潮流興自掘墳墓。唸唔到班80後咁趕得上潮流。」 雖然Indy 的用語激咗啲,但點出問題的核心,整個社會贊成或反對一個公共政策,應有一個立論基礎。而家反高鐵兩大方向,一個係「80後」的文化價值,另一個係公共專 業聯盟的錦上路替代方案,這個所謂300幾億的替代方案,其實唔係方案,只係在地圖上劃一條短啲的路線,工程費自然少好多。其實我有一個替代公共專業聯盟 的「替代替代方案」,如果高鐵只係想起來方便新界居民回內地購物,就不如不起,因為深圳福田已經有高鐵站,由福田站去西九龍都只係14分鐘,若香港高鐵站 設在錦上路,架高鐵在深圳開車後未開到最高速,已經開始要搵時機減速收掣,唔起好過,所以唔使花300幾億起高鐵,花3000幾萬,搞間「錦福巴士公 司」,由福田每五分鐘開一班高速巴士到錦上路都得咯,上咗高速公路後時速都有100公里架。呢個「替代替代方案」最大的問題是10零年後,深圳見香港邊緣 化成咁,一句話唔批准你啲巴士駁來我高鐵福田站,咁就惡搞少少。 至 於「80後」講的菜園村文化價值,反而係難答一點的問題,因為各人有各人的價值,不能話經濟發展的價值,高於保留一個地方文化的價值。不過如果香港的年青 人真是這樣重視文化價值,生活方式要適較一下,要接受整個物質生活水平向下調整,要接受較簡樸的生活,我們不能一邊想保持30000多美元的人均產值,投 訴老闆唔加人工,投訴年青一代無晉升機會,投訴買唔到私人樓,另一邊高喊保持鄉村的文化價值,因為魚與熊掌不可兼得。若香港社會擇選保留文化的價值行先, 等如要接受經濟發展的價值排後,但內地大城市如深圳、廣州、上海、北京一定係經濟行頭,佢地大搞經濟、大搞基建、大搞高鐵,佢地啲大城市GDP正常時期年 年10%增長,人均GDP到10年後已經由而家10000美元增長到25000美元,反觀香港跌一啲好易跌到25000美元樓下,俾人超越,那時經濟會非 常停滯(英國人均GDP在90年代初期曾跌到25000美元以下,所以唔好以為我吹水)。現時的年青人到時變咗中年人,失業上升,不少人根本無工開要攞綜 援(如果香港政府還有這麼多錢派綜援的話),被逼簡樸生活。 香港在急促發展的中國之旁,充滿機會,也充滿挑戰。路是自己挑選的,但香港人在選擇道路之前,要放眼遠望,看看10多、20年後的景況,走出自己的路。
花蛋哥:
原來借遷拆可保到三代富貴咁勁QQ
所以,班泛民同班學生分分鐘害左菜園阿婆阿伯,剩識講菜園文化,唔識幫阿婆阿伯借機爭取超額賠償。
其實菜園文化不在那塊地,在阿伯果種生活方式,基本上有田地搬,就可以繼種。
殖民地時代建築拆左就無,但菜園在另一塊地方開墾,係可以種番塊一模一樣田地出來。
真期望菜園阿伯可升價取得賠償,遲D學埋日本種四方西瓜。
indy
Indy: 大家玩吓PC Game, 真係可能對鐵路的重要性有更深感受. +2
要再借地方做通知! 謝謝!
1月15日撐高鐵集會靜坐
時間:5:45-10:30 (下午)
地點:立法會外遮打花園 (因應警方安排而更改)
衣著:白色或淺色衣服
大會會即場派發藍布帶繫於手臂,代表對香港前景的希望。
1. 會場外圍將掛上“撐起高鐵,撐起香港”橫額以玆識別。
2. 因資源所限,當晚無特別安排節目,將以靜坐方式進行,參加者可隨時加入或離開。
3. 是次靜坐為自發性集會,大會不會對任何意外負責。
4. 請以和平理性態度參與集會,遇有突發事情請即向在場警方求助。
註:「撐」圖標已上載至Facebook群組「集會支持西九起高鐵」相片內,請自行下載印刷。
INDY說的未來如何,并不算過激。如果班80后繼續落去咁搞,搞完高鐵再搞下其他東東,越搞越激,到時候唔知點收科。
被拆遷戶如何爭取最大利益,應該好好看看國內電視劇《蝸居》,人家的想法是靠一次拆遷可以保三代富貴。
mkm,
我同意你呀!
如果我有塊田政府好想收,我一定好開心。
佢開的價,我一定SAY佢五六次NO,加價加到第七八次先話YES。
這叫Bargaining嘛。
現在政府賣地俾地產商係咩價?賠給菜園村係咩價?
我覺得菜園村阿伯還有很大叫價空間,現在果600幾億裡,賠菜園村裡的費用所佔比例少到離奇。
如果阿伯無牙力,我建議用政府開價的2-3倍價錢賣俾發展商,等發展商再把菜園村賣給政府,到時我真想知道,地產商可以殺政府價殺到幾高。
阿伯拿到錢,可以買到更好的地,到時種高麗人參同青森蘋果都得啦!
indy
冬姐:
唔好意思,轉番正常字體了^^ 多謝打氣啊^^
indy
希望Indy的網誌可以讓多些人留意。+1
陸先生的意見非常好!能否不要斜字,看得好辛苦啊!
他朝香港政府話要收地迫走我家山寨廠﹐我就會話﹐我幹的是19世紀的創意工業﹐是世界人民的集體回憶﹐咁就有人為我苦行啦﹗不過﹐如果按100倍Book Value賠翻比我﹐我就考慮走。。。。
純屬廢話﹐沒有映射。。。。
Andy:
你講得岩,我都睇住地鐵大。我八歲時地鐵通車第一日就搭,當時只係在石硤尾搭兩個站。
今日港鐵係點,大家有眼睇。
為甚麼沒有那麼多60後同70後反高鐵?
我地知鐵路怎樣同城市一齊發展。
班80後一出世就有地鐵,把一切好境和方便視為理所當然,他們不知道以前搭巴士塞車塞成個鐘先去到兩三區的日子係點過。
電車GO好玩呀,駕著電車,一切依規律做事,彷彿甚麼煩惱都可以忘記,日本人眼光好唸頭好。
indy
聽的老人家講, 當初起地鐵時都有人話造價高, 票價貴. 但今時今日有地鐵到的樓都貴的, 如果地鐵有乜故障, 大家都會覺得好不便吧. 今天起高鐵, 可能會覺得可有可冇, 但幾十年過去後, 當香港和大陸連成一體時, 想法可能會有180度轉變呢.
講開又講, 我都係"電車 go"迷, 呢個game真係好頂癮 !
以下連結是從Zero Mind網誌那裡取得。我都加入了噢QQ
聽講周五晚有撐高鐵集會。大家可入facebook睇睇。
支持西九高鐵的請到
http://www.facebook.com/group.php?gid=173589416488
撐起高鐵.撐起香港
http://www.facebook.com/group.php?gid=246620410982
集會支持西九起高鐵