我宣佈公投失敗！
我以一個小選民的身份講，泛民五子公投行動已經失敗。
走到街上，只聽見有市民話要趕毓民落台，去到毓民個宣傳點，見到兩個幫毓民拉票的嬸嬸在吵架。
話支持毓民的街頭巷議，半句都聽唔到。
就我，自從社民連借80後搞反高鐵之後，我就決定至少暫時放棄支持泛民。
因為泛民已經民粹化到不分輕重。
民主是緊要，但唔代表為民主可以漠視一切應該上馬的社會政策。
香港人還要生活，政府有合理政策，還是得去支持。
想深一層，政府做的政策研究，雖然不是個個好，但政府畢竟有做野，但民選立法會議員呢？有好好做政策嗎？有好好討論香港將來嗎？
香港將來，不只有政制改革，藝術、金融、教育、工業、海事、物流、環保、科研、勞工...大把問題等住解決。
唔好話無直選就做唔到野。老董任內，那一次五十萬人七一遊行已經證明，香港人有相當政治自覺，有能力對重大事件做出具質素的社會討論，並發出行動。那從來不是泛民的勝利，只是泛民借用來做自己搵食的政治籌碼而已。
亦即是說，未有普選前，香港人也可以靠社會討論形成大輿論氣候，左右政治方向。
當年，香港人選票給泛民，是要給不聽民意的政府和政黨還以顏色。
今日，香港人投白票或杯葛投票，是要給不聽民意的泛民還以顏色。
政客以為選民永遠站在自己一邊，愚不可及，天真和傻。
往後，預測香港民主運動第一幕落幕，泛民進入疑惑反省期，並暫時失去影響力。這期間另一理性民主力量將慢慢蘊釀，雖然少數激進民主派仍然存在，但他們的影響力將不復再，只會偶然憑誇張行動獲得少許報章曝光，卻不得到市民的支持。
如果新的理性民主力量中，能出一兩位具代表性領導人物，新的強勢民主勢力也許會出現。如果公民黨能對今次行動作相當反省，公民黨仍有可能與這勢力合流。
否則，未來短期間內泛民將會失勢，導致保皇黨一時以為自己得令，直至另一次事件引致民怨沸騰為止。
當然，保皇黨內部也可以有反省和分裂，改變將來形勢，但機會相對細微。
其實，香港精英制度（高收入公僕）已把精英全數吸進政府架構，泛民除了一班大律師之外，不可能養出其他精英。而大律師除了法律、地產和勞工之外，基本上對其他行業運作不熟悉，無法全面帶領香港向前。
在香港，只要政府步步為營，不做蠢事，泛民註定衰微。
＊50萬人七一遊行，證明了香港人有政治自覺。
特別議題
功能組別真的萬惡不赦嗎？
功能組別是肥彭發明，我認為並非萬惡不赦。以教育界為例，那席位素來是張文光的寶座。保皇黨永遠爭不到。
為何？因為選民是專業教師，其團體高度專業化，且傾向民主。
＊教育界功能組別議席，張文光好像從未失手。
飲食界為何出得到一個張宇人，20元一小時都夠膽講？
是因為飲食界選民基礎出問題，照計20元一小時都做的洗碗阿嬸，都是飲食界，為何她們沒得投票？
為這些阿嬸爭取功能組別投票權，才是政客要做的事。我第一個唸到，李卓人和陳婉嫻應該做野。洗碗阿嬸點解無功能組別一票？如果她們有票，張宇人不會夠膽說20元一小時，甚至乎他根本不可能當選。
+4
心之：
你講得好岩。
每次泛民支持率高之時，就係民建聯或政府爆醜之時。
即係話，佢地的唯一存在價值，就係制衡建制派。
只要建制派做事小心不出軌，佢地基本上無存在價值，原因係佢地從來不做正經工作，建立自己的真實存在價值，只把自己定位為對抗保皇黨。
最唔明係，泛民成日話自己選情告急。選情告急代表甚麼？
代表市民唔Likey，或者你泛民根本無號召力呀！
如果你明甚麼叫民主，就唔好再話自己選情告急啦！左派市民唔係「民」咩？民主就係尊重多人支持的一方呀！
indy
好多所謂泛民議員，點解唔多理會民生，原因係根本無心為民，其實只顧自己，大大聲叫口號，爭取民主，為自己的前途計算，如果真係有民主，有一人一票雙普選，佢地就無原在價值，所以下下都口話爭取，實際上最唔想要民主，可能係佢地先真。
哇冬姐咁支持，不過好似話選議員要放低5萬大洋先，唔夠票要沒收。
這遊戲太貴了。
而且沒有黨派，單槍匹馬入去，唔會有咩影響力。
不如我地組個頭條黨，然後一齊等下屆攻入立法會，咁實際Ｄ喎。
indy
好啊！Indy去選立會議員啦，我支持你呀！現在即刻投你一票！＋３
朋友個個講笑，叫我選議員，差大哥真夠朋友啦！
先撑住Indy！以后有机会撑到做议员！！！
天佑ZERO,^^
心之：
都唔係咁悲觀，有人話，人言可畏，俾人講是非講多幾講，就輕生。
反過來，人言都可以構成積極氣候，左右政客政治決定，尤其在現在互聯網世界，市民動員易過以前好多的說。
泛民致命傷，就係唔記得左民主與言論自由的高度連結關係，把目光放在果個細小的議會上。
做地區工作，搞大議題宣傳，在不同議題上發掘專家，邀入自己黨派，先係政黨生存手段。具體例子有好多，以青少年禁毒問題為例，其實政府以黃仁龍司長為首，做唔少工作。反而班政黨十下十下，乜都無做到。
這有如下圍棋，外頭大片空地（各大範疇社會問題）你唔去爭，淨係掛住中間黑白子大混戰（議會），咁就係低手。在圍棋界裡，只有初哥新手先會咁樣下棋。
indy
相信泛民今次要吸收, 是否要繼續以過激近乎橫蠻手段推進民主!
究竟是政治家 還是 政客.
究意是 依照民意, 為人民服務,
還是 他曾講過的 挾持民意, no油水 ?
天知曉.
只知 李大狀 越來越心焦, 只見到有些微機會 加快民主, 都不放過.
又是 白貓黑貓的理念. 唉............
希望唔好 培育出一個 扁特首啦.
講自己係 民主派的朋友, 希望緊記, 民意先行, 自己意願...不足提.
一講到政治，就係好煩，點都唔係小市民可以作主，反而係有錢有勢力的人，在背後動員先真。
QQ 昨晚用GOOGLE CHROME做的網誌，原來在IE格式變哂，現在已修理好。
Sorry>
毓民贏左。
有好有唔好，好是佢可以繼續掃枱，令曾蔭權繼續小心行事。
唔好是泛民可以繼續陶醉，不思進取。
我估白韻琴贏，但估錯了。
不過意見照舊，仍然覺得泛民好唔掂，到了該進步的時候見不出長進。
失望QQ
indy
感謝你噢，佩妮。
政府當年犯的錯誤，今日泛民自己來犯啦！
蜜月期已過，市民要對議員提高要求啦！
indy
「當年，香港人選票給泛民，是要給不聽民意的政府和政黨還以顏色。
今日，香港人投白票或杯葛投票，是要給不聽民意的泛民還以顏色。
政客以為選民永遠站在自己一邊，愚不可及，天真和傻。」
講得好。