「我要有權選特首！」論吳美蘭事件
原本還有不少生活題材要寫，
想不到臨近政改方案表決，政治新聞愈來愈多。
家常故事慢慢傾，先講吳美蘭老師。
周四那天，同事話我知，良心教師報道，惹起軒然大波。
我話：咩事咁有良心呀？
同事話：庇理羅士女校吳美蘭老師同唐英年講「我要有權選特首」，又話唐唐補選時唔應該唔投票，帶壞風氣。
我心唸，咁就叫有「良心」，仲係大新聞？
同事答：萬幾名網民撐佢，話吳老師夠吉士，膽敢同唐唐對抗。
我心唸，只是表達意見，駛唔駛「良心唔良心」，又集體聲援？我地稱呼司長，唐唐前，唐唐後，叫得咁親，質問佢一句，有幾難？及得上國內上訪女對抗施暴警察那麼勇嗎？
於是，我上去facebook，加入了撐吳老師群組，說出以上心聲，想看看人沒有人聲討我，結果－－我的留言淹沒了，想找也找不到。
我Click開吳老師Youtube片段欣賞，發現吳老師有備而戰，發言堅定，而且一早準備好了punch line－－「我要有權選特首！」，表現甚佳，比許多立法會議員有過之而無不及，要打分的話，我會給A。怪不得網民稱，張文光、毓民應向吳老師學習。
然而，話分兩頭講，市民對高官發炮，西方政客當食生菜。香港人把吳老師捧上天，我覺得幾大驚小怪。
又有網民擔心校方秋後算帳，炒吳老師魷魚。放心呀，吳老師這麼上鏡，庇理羅士又不是左派，應該不會有事。
吳老師發言是否有理，我不太關心。我關心的是，香港人政治水準有無提高。
吳老師表現一流，我認為公民黨應立即拉攏。問題是唐唐接到呢個波，唔識破解，就有愧佢司長之身份。
唐唐可以話：「我也想有權選特首，吳老師的願望，即是我的願望，至於補選不投票，是體現民主精神，我鼓勵市民，自己一票，自己決定，所以以身作則，自己憑個人意志選擇不投票。對於不到20%市民投票，表達心聲，我十分尊重，因為大家的票都代表了各自的政治立場。」求同存異，化解深層次矛盾招式之一。
可惜唐唐水平還留在政治BB班，唔識借機表演。俾著係肥彭，接到呢個波都唔知幾開心，因為翌日新聞主角不會是吳老師，是肥彭。
＊政壇老手如肥彭，一咪在手，壞新聞可變好消息。
Darius,
多謝你的回應。我也回應如下：
特首同三司十一局局長，並不是官員，他們的職位，是政治任命。
只是他們多半出身公務員，令你以為他們是政治中立罷了。
自從董建華引入局長制，三司十一局局長就不是政治中立了。
如果泛民號召力真係咁強，投票率不會只有17%，我認為泛民號召力已今非昔比。
唔好講到選民咁無知被動先得嫁，大家都有一個大腦的說。
我唔滿意個別80後為反政府而反高鐵，心中也覺得是社民連利用他們做勢，但我尊重那班同學的大腦，所以從未批評過社民連煽動80後，今後也不會。反高鐵是他們的決定，我最多同佢地理論，但唔會話佢地俾人利用。
咁大個人，有自己意志決定事情，也要有氣度去承擔結果。阿當夏娃食禁果，都唔可以賴條蛇引誘佢地嫁！
政府和媒體講甚麼，市民觀眾就相信甚麼，是幾十年前名為「魔彈效應」的過期傳媒理論，這種觀念，早就被主流學術界揚棄了說。
我雖然唔贊成泛民補選公投，但如果投票率真的高到50%以上，我都會認衰，或講少Ｄ野，尊重選民的抉擇，但事實唔係咁。
其實，我是17%投票人士之一，我家兩票都給了白韻琴。17%中減去白韻琴的票，查實泛民連17%支持都沒有。
至於話有人無得投票，我太太都試過，因為搬屋後地址改左關係。如果有人刻意掠奪個別人士投票權，我支持找ICAC及警方調查，或者選民控告政府，公民黨個個都係大律師，實肯幫你免費打官司。
indy
泛民要求取消功能組別, 政府却說合乎普選定義 !
此外, 香港官員不是一向標榜自己政治中立嗎 ? 又話投票是公民義務 ? 如何作榜樣 ?
選舉前不斷批評這次補選不需要, 浪費公帑. 從報章獲悉部份選站(不計鄉區)轉移往冷僻地方, 有些選民沒有收到通知書, 亦有選民忽然被刪除投票權. 為何不能讓選民正常地投票 ? 難道是為了降低投票率 ?
無線訪問一長者為何不投票. 他回答 : 特首也不投 !
Zero,
花蛋哥：
上文主要評吳老師上不上鏡。
吳老師的想法跟大多數泛民支持者相似，泛民記者會度講咩，佢就講咩。
其實我自己都想有得選特首嫁，只係佢指責唐唐帶頭唔投票，我就覺得無咩說服力，呢個世界，人人都有個別政治立場，唔可以監人投票家嘛！
至於社民連，如果他們進步到採用私刑，咁就真係同紅衛兵無分別，佢地暫時未發展到呢個階段...卦。
indy
同意Indy的說法! 這其實是一個好好機會給唐唐表達其政治理念,
看來他仍要努力進步. +4
這吳老師的邏輯可能是：
補選 = 支持民主 = 普世價值
普選特首 = 支持民主 = 普世價值
支持泛民 = 支持民主 = 普世價值
這普世價值，在吳老師看來，與做人要誠實，講信用，要愛護別人一樣，理所當然，無需置疑。所以唐唐不去投票，就等同他承認自己不是好人一樣。
問題是，西方式民主，全民普選，是否就等同普世價值？
文革時期，紅衛兵打砸搶，都高舉毛澤東思想的旗幟，佔領道德高地，誰人敢對抗就是反革命分子。
把紅衛兵換成社民連，毛澤東思想換成民主自由，大家是否覺得很相像？
子誠:
你Ｄ相好正喔！
由1997年開始，香港三大派政客玩起香港已經13年，係時候逼佢地upgrade自己啦！
做議員做十幾年都仲係果個樣，仲跌watt，無論做Show功力、做實事的智力和魄力，都無進步，唔羞家嫁咩？
選民要求要升高先得！
吳老師的表現係要讚下，做個example俾其他老餅議員參考下。
indy
+3
肥彭，政治家麻。
係囉，政府官員的影響力邊有咁大呀？！＋２
慳妹姐:
所以冬姐才寫呀!
indy
投票不是按個人意願嗎？ 人家投不投票與我何干？ 我才不會這樣容易受人影響！