茶B心碎
2010/08/16 00:14:27 網誌分類: 親情
這晚，媽媽一如既往，臨睡前幫花茶捏脊，這是一種中醫教的手法，據知有助防預感冒，強化身體。
捏脊的十來分鐘，二人當然會講下心事。
＊幫ＢＢ捏脊，親子好享受。
茶Ｂ：「媽媽，你有無試過心碎呀？」
媽媽一怔，問道：「心碎，即係咩意思呀？」
茶Ｂ：「每次我返到學校，就會叫：『周圍飛！』如果周圍飛示意我，今次她想同第個同學玩，我就會覺得個心好似裂開咁啦！」
唔，花茶大個女，雖然七歲，會表述自己的心事呢！
媽媽話佢有時都不想朋友太過黐住自己，對黐住自己的朋友，有時都會煩厭，反而不會黐住自己的朋友，更加容易交換心意。
＊小學時代，有幾多長大後仍是知心友？
我就話：「茶Ｂ，最實際係多識幾個朋友，世界上最好的朋友，總係在未來才出現。」
「好像鯊叔叔，大輝叔叔，鄺醫叔叔佢地，爸爸小學時候，都未識佢地嫁！」
「咁我呢？爸爸小學都未識媽媽，媽媽係唔係爸爸最好朋友？」媽媽插嘴。
「噢～」
我想，我們都成長了！
indy: 仔仔已達青春期,會尷尬的啊 !!
QQ,
好靚既周末祝福，多謝您啊！
你仔仔呢？你教佢捏脊，叫佢幫你捏啦！
indy
我都想有人幫我揑背,好似好舒服咁. +3
呃
佢劫左你咩?
劫色?@@
o車，你都無著數俾我o既，花茶仲要做海盜打劫我~~~~
係囉，大臣哥。
鯊，咁我地關係功唔功利？
簡單來講，唔係因為功利原因（例如工作交往或錢銀來往）認識的朋友關係可以維持較耐。所以識於微時關係可以維持較好，雖然我和小學同學可以說零聯絡。
所以最忌小學同學長大一齊攪生意之類，實反面告終（以統計機率來講）。
仔女，真系大得好快0架！
傻瓜QQ
咦，你係邊個？我又係邊個？
咦，唔通係你？
邊個係鯊叔叔？
冬姐：
多謝你讚佢噢。
由花茶3歲起，我就當佢係半個大人，樣樣都同佢商量同解釋嫁。
我發覺小朋友3歲起已有相當社交能力和知性，能明白一點事理。
佢識得話心碎，我唔覺希奇呢！
我仲要稱讚佢懂得表述自己的內心添。
indy
嘩，心碎？花茶好成熟啊！＋１
花茶
是呢，比較投契的朋友都要到了中學畢業後才認識到...
但勳叔叔好好運，在小四時認識一位同學，到現在還經常聯絡，勳叔叔結婚當日他也幫了我很多，花茶妳都見過他，不過妳不認識他罷。我與他特別有緣，他最近做了爸爸，他的女兒的生日居然同勳叔叔的一樣。
不過，不是個個都像我那樣幸運，可以有這樣的一位朋友。
勳叔叔