圖報之心昭然若揭，國民教育上馬匆匆。

好不主席：國民「之鋒」

33

由教育署長做到教育統籌局常任秘書長，其間執掌香港的教育政策，最後卻因為教育改革推行過急，且朝令夕改，導致教育界的極大反彈，最終亦不得不轉職求去的 羅范終於開腔，為國民教育護航。首先航道固然還是正確，並謂政府會「朝健康方向」推行有關政策，咁樣講法不外乎就是鱝住大家，同當日係咁叫我哋要「信佢 （葉太），仲要放長雙眼睇」嘅用心一樣。

梁班子圖報之心昭然若揭，所以國民教育方要上馬匆匆。

那時候的23條和現在國民教育，推行的目的亦無不同，就係作為「愛國統治」的重要手段，兩者只不過就是先後分別。教育是以認識為名，潛移默化地進行觀念灌 輸，思想移植的工作；而法令就用以阻遏所有意圖挑戰國家（其實只係執政者的權威）的異見人士（其實咪即係之前教而不「善」嗰啲），且是隨手可用方便過摺凳 的打壓工具。
重推23條這艱巨的任務，任誰也不敢輕舉妄動，惟感西環大恩方能上場的梁班子圖報之心昭然若揭，所以國民教育方要上馬匆匆。羅范還說 甚麼「國民教育不只今日始」根本是自打嘴巴。若然之前不同嘅科目已有涵蓋，為何唔分別做番微調或修訂，而係都要勞師動眾開設獨立科目並執意全港中小學推 行？佢仲要好很認真咁申明：「我哋會全面向學生鋪陳國家的長處、短處、機會同隱憂。」
國家嘅長處，返內地睇開中央頻道，又或者翻閱黨報，當知數之 不盡；乜至高無上嘅執政集團還會有短處咩？我估應該就係衰在「太進步、勁無私同超團結囉！」至於機會亦毋庸多說，開口埋口都係嗰句「背靠祖國」嘅知之甚 詳，而隱憂怎說也不就是那些別有用心的維權人士，再加上對我國不安好心，所以才說三道四的外國反華勢力。
最後羅范還引用剛剛公佈的首屆中學文憑 試，其中通識科總體成績還算不錯，所以藉以砌詞學生自有其判斷能力，而課程更可培育他們的獨立思考喎。先撇下考試成績係咪反映到啲學生真係「通」曉明白， 定不過就係發揮佢哋擅長嘅考試技能。不過我就好有興趣知道學運（可不是國民）小先鋒，黃之鋒同學若應考「通識科」，唔知出嚟嘅成績會如何？然從其一語道破 羅范玩的不過就是「偷換概念」，因為文憑試的考生都是高中生，但國民教育卻是由小學開始，試問這些稚子又如何懂得識辨這番話，如果變了答題內容，唔知評卷 員敢畀分乎？
盧先亞