後事

好友的老婆大便有血，懷疑直腸有事，安排入院檢查。由於嫂夫人家族中有人曾患直腸癌及胰臟癌，嫂夫人忐忑不 安。據老友說，他自己直覺上覺得應該「冇乜嘢」，認為女人太過驚青。等候入院的幾天，彷彿生命在倒數，既叮囑子女俾心機讀書，又說不捨得老公及仔女，搞到 這頭家愁雲慘務……唯一意外的是，他這時才發現她有這麼多私己錢。

做直腸檢查前吃瀉藥，清理好腸臟便進院，做人老公當然請假相伴。醫生檢查後說「條直腸靚到不得了」，只是近肛門附近的靜脈有一處曲張，問題不大。

虛驚一場，但老友覺得嫂夫人太疑生生暗鬼，好煩！嫂夫人呢？似乎經過今次虛驚，更珍惜眼前人，只是她不知道對親人更肉緊，身邊人覺得更煩。夫妻關係的微妙，盡在不言中。