叫賣

「埋嚟睇，埋嚟揀喇喂……」、「唔買都睇吓啦……」在書展中叫賣了幾聲，有路過的人看了我一眼：「咦，你係作者喎！」對方分明不知我是誰，看見一個寫書的人居然使出似促銷攤販般伎倆，有點側目。

識我的人不想買我的書，見到我自然會兜路走，叫也叫不來，不必勉強。不認識我的人，真的想他揭開來看一兩頁，至少讓他知道我寫的是乜冬冬，喜不喜歡是後話，所以「埋嚟睇」同「唔買都睇吓」，都是真心話。

我這類半黑不紅的作者，出一本書的付出與版稅收入完全不成正比，最好的回報是親眼看到別人惜書如金，那一刻有點自鳴得意——咪理我啦，讓我得吓，得唔得？

**今天下午3至4時，書展1B-C32攤位見。