回味百年品牌老餐廳
十年唔逢一閏，難得和屋企人一起要在中環辦點事情，因屋企人甚少到中環那邊，遂一齊去了一間老牌餐館食lunch。
已很多年沒有光顧這餐館，裝修雖然新淨，但仍然keep番懷舊風格，桃木色主調，彩色玻璃裝飾，配上昏暗燈光，散發著六七十年代的色彩。
上到餐廳，赫然見到全部枱都放上留座牌，要詢問員工方可安排座位，想必是因位處中環，午飯這個黃金時段，餐廳為方便協調入座的招數。
我們一行三人，分別叫了招牌菜瑞士汁雞翼，懷舊煙倉魚和是日午餐精選焗田螺雞扒意粉。
瑞士汁雞翼
充滿故事的一道名菜，不愧為招牌菜，顏色烏卒卒卻又光澤十足，一望而知雞翼煮得十分入味！
味道甜甜的，豉油和香料的味道在口腔交融著，香濃得嚟食落嫩滑，咁多年都冇退步，好味。
懷舊煙倉魚
煙倉魚這名字，相信對新一代較為陌生，因為這道菜要做得好，要花較多的工序，所以現時大部食店都很少做了，而這裡的煙倉魚，絕對是水準以上之作！
這道百年名菜，用上大大條新鮮魚切片，以自家秘方醃料入味，再放入煙燻爐以紅茶葉燻製，表面做得夠乾身，食落一「梳梳」魚肉，夾雜濃濃的煙燻香味，就像尋回那些年遺忘了的味道一般，淡淡的回味著。
焗田螺雞扒意粉
這道是日午餐推介真的不提也罷，一上枱外觀已經不甚討好，啡啡地一pet嘢咁，食落得幾粒田螺肉，一塊細細的雞扒切件，意粉亦太軟，配埋那個介乎燒汁與白汁之間的汁醬，異常滯口，比一般茶餐廳水準還差，我們食咗一半已經冇食，這個餐下次可以免問。
焗梳乎厘
這道King size梳乎厘亦是這裡的經典甜品，咁耐都冇變過，足有近一個足球咁大！外層金黃微焦，吃落鬆軟，內裡泡泡的像風一般入口化開，不會大甜，三個人一口口不一會已食哂，大滿足！
一間餐廳很難要求全部出品都好味，間中都會有失手之作，好似今次咁，雖然個意粉麻麻地，但另外那三款菜都很有水準，百年經典食市當之無愧！
三人埋單約$700，每位消費約$260，午餐來說抵唔抵食就見仁見智了。
原文連結: 回味百年品牌老餐廳
更多資訊，盡在: 古家私房菜
Facebook: https://www.facebook.com/myplayground2015
