現代古典樂添本土味 基層作曲家盼大眾聽見希望
2016/03/09 08:41:26
網誌分類:
生活
| 「音樂唔應該離地，我唔認同聽音樂要打扮似貴族、捧紅酒，好嘅音樂係，聽到就已經欣賞到，我細個都喺碌架牀下面播Discman。」八十後土生土長的鄺展維（Charles），不似時下港孩被迫學樂器，而是在公屋環境下，自然孕育而成的現代古典音樂作曲家，並為香港創樂團最新創作的樂章，在即將來臨的星期日，免費公開演出。記者：馮琪雅攝影：崔俊良 「大家諗到作曲好浪漫，我會形容似排舞或者建築師，諗完Idea仲要經過好多步驟。」三十歲的Charles在音樂路上，幾經歷練。他在觀塘翠屏邨長大，至小五才首次學單簧管，初中走進圖書館借CD回家聽古典樂，啟蒙了他的音樂，「我仲好記得嗰首《牧神的午後前奏曲》，第一次聽完覺得，原來管弦樂有咁特別嘅聲音。」 「阿媽唔識音樂，但都冇畀壓力我」媽媽獨力養大Charles，還願每月花上數百元去讓兒子學樂器，「反而我揀科時問過阿媽，會唔會想我讀穩陣嘅會計科，但阿媽話：『你唔鍾意嘅迫都冇意思，第時做個好人就得啦』，對我來說是很大的支持。」Charles結果選了中大音樂系，畢業後獲獎學金，到英國先後專修作曲的碩士和博士學位。 負笈英國專修作曲 「有老師同我講，『你要用呢樣嘢搵食係好難，唔會有份工請你返嚟作曲。』」Charles形容，自己是香港小眾中的小眾，直至一四年，終首次憑原創作品賺錢，獲香港小交響樂團委約創作管弦樂作品。「大部份人玩緊幾百年前嘅音樂，但我哋身處當今社會，對二○一六年的香港會有感受，希望普羅大眾見到，我哋唔止做遺產文化工作，而是身處現在的創作。」 今次構思Crossover作品，由香港創樂團樂手演繹Charles的原創音樂，配合講古佬「雄仔叔叔」，周日（十三日）下午在西九「自由約」演出，目標觀眾是小朋友，並按故事發展設計樂章，「這是關於未來的一個故事，開首充滿未知數，比較沉重、憂慮氣氛，再邁向Hopeful嘅音樂。」 |
 | |
| |
 | |
|
回應
(0)
我要發表