傳達作曲家思想 「怕醜女」奏響鋼琴夢
2016/04/22 08:41:08 網誌分類: 生活
| 鋼琴少女城市中有不少默默耕耘的追夢者，年僅二十四歲的鋼琴少女張予心就是其中之一，為圓音樂夢，她遠赴英國學藝，成為知名鋼琴家小川典子的學生，又在藝術世界中大開眼界，早前在香港及日本完成演奏，由從前的「怕醜女」踏向世界演奏舞台。追夢或許都如此，她說：「Followyourheart，就算有好多唔同困難，但你都係清楚知道你係做緊你鐘意做嘅嘢，就值得你去追夢。」記者麥凱淇攝影梁文輝 「音樂係一個你可以不停進步，一路有得開學嘅嘢，永遠都唔會覺得原地踏步，永遠都有新嘅嘢可以discover（發現）。」談起鋼琴，張予心（Stephanie）的眼睛閃閃發光，年僅二十四歲的她說，已經認定了鋼琴人生，有一個音樂夢想，就是成為作曲家的「一條橋」，「我好似一條橋咁，將作曲家想表達嘅由啲紙、啲譜度，做到畀觀眾聽，好希望可以將我enjoy音樂嘅感覺，同觀眾分享。」 爸媽做觀眾激發勇氣 為追逐演奏夢，Stephanie在○六年於拔萃女書院完成中三後，便負笈英國，現時在倫敦市政廳音樂及戲劇學院攻讀音樂碩士，本月先後在香港及日本舉行首個個人公開鋼琴演奏，初嚐夢想的成果。她說，每次演奏都是新鮮的體會，極富挑戰性。「音樂係unpredictable（不能預測），預備一個表演好似運動員去奧運，咁多年嘅training就係嗰一刻，為咗嗰幾秒。」 Stephanie在台上揮灑自如，原來她曾經是「怕醜女」，怕跟陌生人接觸，幸得父母和老師做觀眾，才愈彈愈好。她說：「細個參加校際音樂比賽，準備好晒，報咗名，但臨時好緊張，最後退出比賽……我覺得要表演多啲，平時搵朋友聽自己彈琴，細個嘅鋼琴老師會安排非正式的表演，叫屋企人坐喺梳化度聽我彈琴。」 與鋼琴結緣，Stephanie說是自小就潛移默化，小時候家中播古典音樂，三歲開始學彈琴，對她來說彈琴是很自然的事，「細個都無諗過放棄，一路都好鐘意音樂」，不少人呻練琴辛苦，她說每日練習六至八小時，不覺辛苦，「好似做運動咁，都會彈到攰，不過唔會唔想練。」 倫敦學藝師從名鋼琴家 立志成為演奏家，她說是在英國讀書一次機緣巧合，「由細到大都學琴無停過，一路以來當興趣發展，但中六嗰年喺英國，彈琴老師叫我參加比賽，拎咗第二名，加上跟咗好幾個好好嘅老師，佢哋鼓勵，令我覺得好似多一個機會（在這方面發展）。」 在英國學音樂，讓她學藝於知名鋼琴家小川典子門下，又開啟了藝術的花花世界，她說：「倫敦每日都有好多唔同表演，唔止古典音樂，好多唔同artform，有時唔係聽鋼琴，有時去睇Orchestra（管弦樂）、芭蕾舞，令我諗起某時期嘅社會係點，體會到某時期的音樂及作曲家嘅音樂。」 演奏結束，Stephanie再返英國默默耕耘，她寄語在音樂路追夢的同路人，「好多嘢唔係即刻睇到成果，可能會覺得點解練咗咁多仲係彈唔到，係好需要去pushforward（向前推進），去堅持。」 |
 | |
| |
 | |
|
回應 (0)
我要發表