出啖氣

甲：有冇5萬蚊多餘錢？

乙：我唔借錢俾人個喎。

甲：唔係問你借，係問你想唔想出啖氣？

乙：我搵朝唔得晚，邊鬼度有咁多唔等使嘅錢吖！

甲：咁，你估100個人當中有冇3個人鍾意你或者支持你？

乙：鬼知呀！我平日稱呼人少得罪人多，睇怕100個人當中有30個想我去死！

甲：哎，仲想叫你報名選立法會。5萬蚊按金，如果得票率唔夠3%，沒收按金。嗱，唔志在呢啲濕碎錢就去參選，政綱一條就夠：「阻止梁振英連任！」電台、電視台選舉節目，一定要俾時間你講政綱同辯論，到時你一味數梁振英罪狀，只要唔講粗口、唔過份人身攻擊，真係吹你唔脹，但一定大快人心。

乙：你可唔可以借5萬蚊俾我？我好想去選，真係好想去選！