「他們承受大人世界困難」 群育校長爸爸：孩子們不壞 有教無類
2016/06/03 08:41:06 網誌分類: 生活
| 群育學校東灣莫羅瑞華學校早前爆出遷校風波，被新址附近中學排斥，一群小學生被形容是壞份子，恍如洪水猛獸，但在校長爸爸卓德根眼中，他們只是一個個承受大人世界困難的小朋友。卓Sir說，學生大部份有家庭問題，頑皮但不壞。見證他們一個個到來，最後又回到主流生活，他娓娓道來孩子的故事，有人學好，有人學壞，一度感觸哽咽：「當佢哋仔咁樣！」 記者：麥凱淇攝影：崔俊良 東灣莫羅瑞華學校位於石崗一個小山坡上，校園內有學生宿舍。記者到學校採訪時正是陽光普照的上課日，宿舍人去樓空，校舍鐘聲響起，大批小學生衝出課室，見到校長卓德根及記者，又七嘴八舌來攀談，好不熱鬧。 卓Sir說：「每個小朋友都背負故事」，學生都是無法適應主流學校的小孩，大部份缺乏家庭支援，部份是家人犯罪、家境貧困、父母離異或雙亡、有情緒行為問題等。在校內他們重新學習生活規律，重拾上學的樂趣，有些短至三個月便回到主流學校，有些則會讀至畢業。 教好頑劣學生 學生故事有很多，卓Sir說，難忘的也有很多個。十年樹木，百年樹人，他說十年前有一基層學生，是首個與主流學生同場比賽獲獎的學生，今日長大成人再聯絡，令他感觸良多，「佢英文能力高，但屋企栽培唔到佢，我教佢，由佢不懂讀，到睇住讀，到有信心唸出來，第一次去參加英文朗誦比賽，我堅持同主流學校一齊比賽，佢拿了第三名，我問佢想要咩禮物，佢話想食糯米雞！」 他續指，最近學生主動聯絡他，告訴他正在做廚房工，說時不禁哽咽，「有份教好頑劣嘅學生，小朋友無行差踏錯，四十度嘅廚房做嘢，好辛苦，佢仍然堅持，話唔想令人失望，我好開心。」他頓了頓又說：「當佢仔咁樣！」 有學生學好，但有學生學壞，令他耿耿於懷，「有學生由二年級讀到六年級畢業，佢爸爸有精神病，佢無咩長處，但打鼓好叻，畢業之後屋企缺乏支援，好快又無讀書，讀到中一、二，佢返來探我，着到黑社會咁，戴住條好粗的假金鏈，問我『阿Sir，我似唔似大佬呀？』我話：『傻仔，大佬唔係咁！』」 校舍現址不少地方殘破，欲遷往新址，一班孩子卻被形容是社會壞份子，儼如病毒要隔離。他坦言，「有次辦開放日，有街坊臨走話：『我本來入來就係想睇吓學生點曳，唔好意思，誤會咗你哋！』唔開心一定有，未接觸過學生就評論佢哋，但唔係唔可以化解，一個師奶都可以囉！」他強調，希望釋出善意，化解分歧。 學子開心找出小成就 面對旁人異樣目光，兩名學生臉上天真笑容不減。他們說：「唔開心，點解群育學校被人批評？我覺得我哋唔係咁，好乖架我哋！唔係佢地講嘅咁！」六年級生曹同學因父母離異，由嫲嫲照顧，他說：「呢度老師好好人，畀心機令我哋乖！」另一學生布文熙指，在學校找到自己的小成就，「鐘意玩音樂，拉小提琴」。 |
 | |
| |
 | |
|
回應 (0)
我要發表