銷售員轉行執教鞭 只想「教好一個得一個」
2016/06/04 08:41:15 網誌分類: 生活
| 早前爆出遷校風波的群育學校東灣莫羅瑞華小學，校長卓德根頻頻接受傳媒訪問，費盡唇舌，為學生爭取，強調他們不是壞份子，好校長的形象深入民心。原來他從前是一名銷售員，讀了一本書，受到啟發，毅然放棄高薪職位，中途加入教育界，由低做起，一做十四年。他憶起初執教鞭，形容「課堂好似動物園」，學生頻頻挑釁令他失落，其後遇上經濟不景慘遭減薪，曾經「窮到鞋穿窿」，但本着為小孩的心，未言放棄。 從前難教的學生，今日跟卓Sir有說有笑。一副「天生老師樣」的他，初入職場，並無想過教書，怕「誤人子弟」，「以前我在船公司Sale（銷售員），大學讀中大Bio（生物系），我鍾意同人傾偈，有時客人指我似社工，但我想自己不是教書的材料，以免教壞啲學生」，豈料一教十四年，將壞學生教好。 銷售員和老師風馬牛不相及，轉行原來有段故，「當年在商界OK，搵到錢，上了岸，不用不斷找客人。有時間不用拉客，我去演藝學院個canteen（飯堂）讀報紙，偷懶，忽然覺得自己才二十五歲，幾時到退休，我的生活，是否如此？」本身是基督徒的他，想到「人生唔係為咗賺錢」，毅然辭職，到歐洲流浪，反思未來的路向。 教學助理做起薪金大削 他說，讀到《誰搬走了我的乳酪》一書，講述如何在迷宮找到芝士（象徵人生目標），令他頓悟，「好大啟發，我要搵新方向」，繼而想「好唔好試吓」做教書或社工，不斷寄求職信，結果獲東灣莫羅瑞華小學接見，應徵教學助理。 「當年校長話人工無法給我原本水平，問我肯唔肯做，我話你請我咪做！」結果他由月薪二萬多元，轉到八千元的教學助理，一教就十四年，由低做起，一邊再補讀教育文憑及學位，去年升任校長。 他坦言，曾任六年合約老師，人工年年減，由一萬八千元減到一萬五千元，加上媽媽中風後全身癱瘓，要入住老人院，令他左右支絀，「我們校訓有節儉，為了吸引學生，早會講故仔，我同他們講阿sir好慳，鞋穿窿都繼續着，學生話：『係喎！真係穿窿喎！』其實係無錢買鞋……經濟上好困難，每月一出糧都無得剩……但又唔想走，覺得做老師有意義。」 結果苦等六年，正當他心想「唔得啦」，打算離校外闖，終於等到常額老師的空缺，成功轉任。 回憶十四年前他初到學校，面對問題學生也覺難，「好似動物園咁，問某同學叫咩名，他們又調轉晒啲名玩你，有點失落，覺得我去教書，點解不受尊重？」沮喪過後，他慢慢與學生建立關係，「其實小朋友唔係咁差，係有得改。」 「小朋友係有得改」 教學生涯中，學生困境是他的深刻感受，「做家訪，就知道佢哋點解咁樣！有學生好窮，兩張枱拍埋，放塊木板，就係牀，出面有大酒樓招牌，同爸爸關係差，屋企得部電視，真正家徒四壁，喺咁嘅環境成長，當然會唔想返屋企。」 想起昔日點滴，走過困難又陪學生走過困境，他自言前任校長形容他一個字「醇」，「無乜機心，真係為小朋友」。他感歎：「唔係為小朋友點捱到𠵱家！」展望未來「困難重重，沉着應戰」，希望「教好一個得一個」。 記者麥凱淇 攝影崔俊良 |
 | |
| |
 | |
|
回應 (0)
我要發表