高唱我歌年輕音樂人堅持追夢拒做打工喪屍

2016/10/28 08:41:18 網誌分類: 生活

28 Oct

        在商業掛帥的香港，成功方程式來來去去只得幾條，年輕人追逐音樂夢，彷彿是初生之犢，被視為不切實際。偏偏幾名來自本地音樂品牌JLMusic的歌手，因為愛音樂，離開大學，投身社會，工作疲累但仍不放棄夢想。這班歌手中，有人朝早返工，夜晚唱歌：「唔想返工放工，十年後變打工喪屍呀！」也有人全職耕耘：「有得揀，都係想揀自己鍾意嘅嘢！」

        「我讀書唔係太叻，唱歌畀到我滿足感，好鍾意唱歌，係街頭busking（表演）可以帶歡樂畀人，busking唔需要特定平台，可以畀人欣賞，接觸到唔同嘅人，見到唔同畫面。」二十歲的黃進林（Michael），剛成為全職音樂人，他除表演工作外，堅持每月幾次走到街頭唱歌，八月才到澳洲街頭完成演唱。

        他說，音樂夢來自初中的音樂堂，「Miss叫我唱歌，發現原來自己唱歌OK，愈唱愈有興趣」，去年因緣際會下認識JLMusic發起人JL，加入成為JLMusic一份子。

        爭取表演機會創作更多歌曲

        他今年演藝學院畢業後，決定做全職音樂人，尋找自己的音樂路，有時迷失，但堅決向前走，「迷失一定有，𠵱家多咗咁多時間，我又唔可以畀自己退落去……出咗嚟做嘢唔係太多job（工作），會諗自己係咪真係唱得好。」他說，未來會爭取更多表演機會，創作更多歌。

        有人全職做音樂，有人工作、夢想兩邊走。二十四歲的趙嘉愉是工程師，在不少晚上，她加班後往工作室練歌，夜深了便搭的士返家，她笑言：「有人話我好癲，我會話係貼錢買音樂享受。」

        她說，不能放棄音樂，「呢一刻我堅持到嘅原因係，我唔想我嘅生活好似典型打工仔生活，返工放工返屋企hea……我唔𠵱家做，你十年後叫我做就好難，十年後我都三十幾歲啦，唔排除我做咗十年嘢後，人生就會變成典型打工仔喪屍，我唔知我會唔會變喪屍呀，但至少我呢一刻未變。」

        JLMusic連繫一班音樂人的堅持，發起人JL說，緣起是四年前大學畢業的他，與師弟妹建立音樂品牌，為了延續對音樂的喜愛。他於去年八月全職經營這品牌，「雖然自己唔係非常年輕，但有得選擇時，有能力選擇時，就應該去選擇自己鐘意做嘅嘢。」

        經營音樂品牌是冒險

        他說，在香港經營音樂品牌，難在心態，「係有冒險成份，因為係香港做音樂工業，其實無人答到你可以幾快成功、有幾成功，其實我哋做好多嘢未必會好多人欣賞，甚至未必好多人知，但如果你問自己，嗰樣嘢係你人生係有價值有意義，咁咪去做囉！」

        記者麥凱淇攝影林金展

        粵唱粵愛（二之二）