捕捉閃電一刻奪攝影獎「廢青」不廢巧用鏡頭追夢

2016/12/03 08:41:06 網誌分類: 生活

03 Dec

        別人眼中的一名「廢青」，終日無所事事，直至遇上相機，一拍即合，從此找到人生目標。十七歲的中六生周朗溢（Angus）早前獲《國家地理雜誌》全球攝影大賽青年組季軍，憑着今年七月九日那個本港錄得近六千次閃電的晚上，無心插柳拍下雷轟一刻，揚威國際。小伙子坦言，從前做人無目標，得過且過，在攝影過程中經歷困難，屢遇失敗，終於在鏡頭下找到自我。

        Angus的得獎作品「雷神之怒」，捕捉夜空中的閃電如利爪一般。他說，初次見到照片時亦覺得驚訝：「當日喺塔門，諗住入去露營影日落，入到去先知唔好天，仲要係全港最多雷的一天（今年七月九日，本港錄得五千九百次閃電），原本影完都無睇到張相，返屋企睇相，有成七十幾張，張張（閃電）都係打直落地，唯獨呢張好奇怪，完全無諗過，好幸運，咁啱影到！」

        想拍維港雲海美景

        自然美景千萬百化，是影極不厭的題材，Angus說他最愛影天文及風景，對香港美景更愛不釋手，「香港景色好特別，一影出嚟就知道係香港！」他自言每逄假日，就帶住相機周圍走，對可遇不可求的天文奇景更是隨傳隨到，「好似上次影汀九橋嘅海霧，今年二月中天氣熱、濕度高，網上咁啱見到有人話汀九橋有海霧，就即刻去等，真係好難先遇到！」

        為了影相，他不時露宿郊野，有時都難免失敗「食白果」，至今仍未圓拍攝維港雲海的念頭，「食咗好多次白果，有次去大東山行錯第二條路，好攰好艱辛；有次去山頂影維港雲海，博吓睇唔睇到，等咗全日都無，總共上去上面等咗七次，𠵱家都未影到，要睇天氣同運氣，雲海好特別，點都想自己試影一次！」

        Angus兩年前加入學校攝影學會，萌生對影相的興趣，辛苦儲下零用錢買器材，一個人跑到荒山野嶺，嘗試不同的攝影，「攝影令我搵到自己，以前咩都無所謂，所有嘢得過且過，做嘢又無咩目標，一個普通學生，無咩特別嗜好，我又唔打機……影相係我表達自己嘅方式，我寫嘢同講嘢唔叻，影相係一個（表達自己的）途徑。」

        Angus取得人生第一個國際獎項，他坦言，這次成功是對實力的肯定，「起碼對自己影嘅嘢有信心，唔會影咗唔敢畀人睇，唔敢表達自己」。但他說，曾經也有想放棄的時候，「一直都喺比賽得亞、季軍，一直都拎唔到冠軍，覺得自己好畀心機去影，好失望，但後來因為屋企人，明白到唔好因為獎項影響自己嘅興趣。」

        身為應屆文憑試考生的他，期望報讀演藝學院的電視及電影課程，未來成為風景攝影師。他寄語年輕人不要怕困難，勇於尋找自己的興趣及人生目標，「乜都要試，唔好怕失敗，衰咗就衰咗，唔緊要！」

        記者麥凱淇