科技新股熱火上加油
2017/10/30 10:11:47 網誌分類: 經濟
美國三大龍頭齊齊爆升
美股上周五則造好,杜指收市報23434點,升33點;納斯達克指數收市報6701點,勁升144點;標普500指數收市報2560點,升3點。美國牛氣未減,繼參院後,美國國會眾議院周四通過新年度預算,為減稅鋪路;加上美國上季國內經濟增長(GDP)增長3%,較次季的3.1%略為放緩,但仍勝預期,美匯上周五升至3個月新高,曾見95.15,令美股牛氣續勁。
美國科技股氣勢如虹,大股如亞馬遜、谷歌母企Alphabet,以及微軟上季盈利和營業額均遠勝預期,刺激3間公司股價上周五早段急升,納指跟隨漲逾1%,再創歷史新高之餘,仲拋離其他大股。亞馬遜截至今年9月底止,季度純利2.56億美元(約20億港元),較去年度同期增1.6%;每股賺52美仙,遠高於市場預期的3美仙。營業額437億美元,按年增34%,當中雲計算部門AWS營業收入45.1億美元。消息刺激股價曾漲逾11%至1079.68美元,創辦人貝索斯身家單日增近70億美元,達902億美元,再度超過蓋茲重奪全球首富寶座。
另外,Alphabet上季純利67.3億美元,按年增33%;每股賺9.57美元,勝預期。期內營業額278億美元,增24%,主要受惠谷歌手機搜尋廣告。至於雲計算、應用程式和硬件銷售收入則升40%。傳統科技股微軟上季純利則為65.8億美元,增長16%,每股賺85美仙;營業額245億美元,增12%,都勝預期。微軟表示,上季的商業雲計算業務收入達到50億美元,增長56%;其中,Azure收入更升90%。微軟股價早段升7.8%,報84.9美元,同創新高。蓋茲身家亦增約5.5億美元至885億美元。至於Alphabet早段曾見1033.89美元,升4.28%。
三大科技股大升,刺激納指升勢一枝獨秀,對近日本港嘅科股新股熱相信會起火上加油嘅效果。
睇準大勢食到盡
市場近日焦點係上市嘅科網股,招緊股嘅閱文(772)起晒哄,仲有今個星期好可能登場嘅雷蛇,都吸引唔少人嘅興趣,加埋半新股嘅眾安(6060)同原有嘅股王騰訊(700),都各有賣點同缺點。陸羽仁最近同位已退下火線、岸上逍遙嘅政經猛人傾偈,佢手頭有好平買番嚟嘅騰訊,亦有啲手機股。講到咁多人買閱文,咁跟唔跟得過呢?佢話咁多人買自然跟得過,不過最緊要係買咗唔好放。
政經猛人自爆佢嘅買股心法,佢話自己從來唔睇研究分析,總之身邊老友叫佢買乜佢就買,買咗就唔放,結果賺到盤滿砵滿。猛人講到賺錢話咁易,但諗真係有道理。首先,佢有得天獨厚嘅條件,就係身為猛人,自然識得好多有料之人,而且多數都唔敢放流料點佢;二係佢雖然唔睇個股分析,但識得睇準大趨勢,夠膽長揸好股唔放;三係股市過去幾年基本上好景,佢呢種有買無賣嘅牛市投資法食正個浪,所以唔使搞咁多都賺到笑。因為咁,所以講起科網股,仲會叫人唔使揀,總之最緊要係買完唔好放。
北水炒眾安另有算盤
好似猛人咁投資,唔係人人有條件賺錢,但有樣嘢值得學嘅,就係如果買到好股,就要揸耐啲,希望食得盡啲。至於幾隻科網股,騰訊係龍頭股,有人擔心佢拆咗閱文會分散咗市場資金,加上佢已經好重磅,唔容易再大升。但不要忘記的是,騰訊本身仲有好多優質資產,當中特別係微信嘅價值仲未完全發揮,就算佢未來升幅會放緩,至少都有件法寶傍身。
至於掛牌後曾經熱炒嘅眾安,基本質素似乎最弱。有研究呢樣新股嘅中環茶友話,眾安搞網上保險,真正嘅考驗仲未出現。佢搞嘅網上保險細眉細眼,好似壽險呢啲利錢深嘅生意係咪唔使經紀可以做到,仲要經過驗證。同時,壽險呢啲肥肉,現時已經有唔少大公司,包括巨型國企食緊,佢哋似乎唔會任人用網保去搶食,所以上星期傳出中保監質疑佢嘅經營手法,股價即時大插,就算跟住個市周五彈番,佢都無乜神氣。
茶友話,炒眾安基本上唔可以炒佢短期嘅盈利前景,現時炒佢嘅好多係北水。北水近年一個玩法,就係大炒呢啲半新股,夾到佢嘅市值可以入到指數。當佢到入到指數同埋發衍生工具,咁基金就焗住追貨。北水恃住自己銀彈足,擺明就係咁夾啲基金,一到股份入指數,就係佢哋派貨之時嘞。一個例子係佢哋先前炒隻美圖(1357),都可以憑空夾上。美國坐擁億計嘅客戶,但未賺錢已經上市兼炒作一輪。直至最近,公司開始利用展示化妝前、化妝後嘅美圖功能,希望賺取化妝品公司嘅廣告錢,但北水早係呢樣嘢出現之前,已經夾到佢嘭嘭聲。
雷蛇趕上不避強者
最後講吓電競設備商雷蛇(Razer),外電話佢計劃本周三在港啟動首次公開招股,集資最多5.5億美元。雷蛇香港招股參考價每股介乎2.93元至4元,股份已獲基石投資者承諾認購約11.7億港元,新加坡政府投資公司(GIC)將認購約1.56億港元。雷蛇曾於2014年於美國尋求上市,惟因市況問題暫停,現時改為來港上市。雷蛇號稱綜合軟、硬件及電競服務的生態系統,不過,主要收入仍然來自賣硬件,但由於市場憧憬佢將來會發展電競賽事,令股份多咗概念。如果佢周初招股,反映佢唔避開強者招股嘅風頭,可能另有打算。投資者若然無留番後備資金,咁就可能無得博呢一轉嘞。
岳少幫旅發局揸旗何妨超過六年
旅發局上個星期開始美酒美食節。今年財爺都去捧場,主場嘅旅發局主席林建岳當然高興。
開幕當晚的晚宴,有兩位中環茶友應邀出席。今年晚宴美食安排,其中包括請咗CoboHouseby2am的甜品師、有新加坡甜點皇后之稱嘅JaniceWong嚟助陣。連續兩年成為亞洲最佳甜品師嘅Janice,即席示範製作士多啤梨意大利奶酪,特別之處係配料可以自由組合,寓意突出香港創新多元性格。這個冰凍甜品入口酸甜,在飽嚐美食後再試特別醒胃。
旅發局最近執過位,搵咗立法會主席梁君彥嘅公子梁宏正做成員。講起執位,岳少做呢個位已經有幾年,根據政府嘅規定,通常一個公職做六年就要換人,佢應該做到2019年。
梁君彥公子入局
不過,岳少本身做生意,又搞開電影娛槳,加上自己識飲識食,所以上任後都做得好投入,仲帶來咗好多新構思,所以局內局外都覺得,明年差唔多夠鐘考慮換人時,係咪可以考慮俾佢做多幾年呢?
陸羽仁
http://pop.stheadline.com/content.php?vid=66622&cat=d
http://www.bastillepost.com/hongkong/article/2558846-最後一段改變「半生積蓄」
http://www.bastillepost.com/hongkong/article/2552754-細有細黑-大有大黑
http://www.bastillepost.com/hongkong/article/2549843-從「海選」失敗,看到中國要走自己的路
20171030要捱得住震倉
又是上周四, 內銀去到波段低位: 建行是50天線,中行20周線....工行則是20天線以下的多重底。
很僥倖地...小貓的確在周四ALL IN了, 雖然是在中午相對高位追的貨, 比尾市買貴了很多。
周五隨著建行業績公佈, 內銀全線回升, 賺了少許。
有人賺到錢, 自然有人蝕了錢, 周四走勢上的確有轉勢的風險,
應該說, 若看一年的上升軌, 周四是尚未跌到上升軌的底部, 所以有些人貪心想沽出得在底部買返, 但卻錯過了周五的回升。
的確有時候, 這種短線投機是能夠成功的, 但這次就被夾了。
至於怎做到周四入市...講真, 我個日入完都好驚...特別係尾市係咁跌...好在建行業績好姐, 如果唔係...
所以短線真係要量力而為。
長線而言, 只要內銀仍然維持今年的上升軌, 大家可以繼續登高遠足, 玩風筝。
恒指守住27900就別亂走, 坐定定等過年吧
http://www.bastillepost.com/hongkong/article/2546967-香港中坡毒-無地好難跟