低撈利豐教訓大
2017/12/18 08:42:07 網誌分類: 經濟
沽售主要業務要見紅
賺咗錢想去歎世界，若然生意麻麻，咁就唯有繼續拼搏，好似呢兩年受到網絡帶動去中介化影響的利豐，就趕喺年尾前宣佈出售業務同宣派特別股息的計劃，睇嚟係好想喺過年前先做好呢次賣產。
根據安排，利豐會將家具、美容和毛衣產品業務，以總現金代價11億美元，即約85.36億港元出售。買家為大股東馮氏控股（1937）、馮氏投資及聯想控股（3396）的弘毅投資組成的公司，馮氏佔股55%，出資46.948億元，餘下由弘毅持有。出售資產後，利豐公佈派發5.2億美元特別股息，相當於每股47.6港仙。以大股東馮氏家族持有26億股計，即可收取特別息合計12.4億元。收息後大股東購回產品業務55%，實際出資是34.52億元。
賣產後利豐除咗派息，剩餘約5.8億美元將為利豐提供額外的財務實力和靈活度，增強未來的供應鏈。利豐行政總裁馮裕鈞解釋，呢次交易能讓公司業務繼續簡化，所得金額將為未來發展增加彈性。不過，利豐要為商譽減值，交易將要承擔6.1億美元終止經營業務虧損，明年完成交易時，則可能要為1.06億美元外匯虧損入帳。佢仲強調，出售產品可讓利豐集中核心的供應鏈解決方案、物流業務以及在岸批發業務，認為未來利豐餘下的業務仍然有利可圖。
賣仔摸頭眼淚流
利豐呢次賣產派息，市場算係受落，股價由公佈前低位3.4元連日彈升，收市報4.43元。不過，呢個只係係呢一年半載嚟講，因為如果拉長啲去睇，利豐股價跌幅慘烈，呢次出售咗主要資產之一，只係套現唔夠一百億元，高位買咗貨的投資者，真係有啲賣仔莫摸頭、摸頭眼淚流、欲哭無淚的感覺。
曾幾何時，利豐係市場神仙股，股價升個不停，2001年佢股價唔夠3元，之後反覆上升，10年之後2011年初見過最高25.47元，升幅達7.4倍。帶動利豐股價迭創新高係當時大為流行的物流概念。由於成為中國工廠，利豐在內地做買手賺到笑，在當時吹到天下無敵的供應鏈管理下，借住高增長同高估值，股價可以迭創新高，當時利豐再透過併購買入低估值公司去締造增長推動股價。不過，隨着科技發展，全球零售業開始去中介化，加上收購業務刺激增長的策略無法維持，開始有大行吹淡風，令佢股價喺2011年見頂，跌到今年幾乎打回原形。呢次佢公佈賣產交易雖然獲得市場接納，視為重組簡化業務的一步，兼且重有「高息派發」，但對於高位接貨的股民來說，「高息」只是糖仔一粒。
高估值跌起嚟唔得了
87股災後，馮氏家族曾經喺低價私有化利豐，之後重新上市，展開股價大升的神奇之旅。今次夥拍聯想將部份業務變相私有化，會否重塑傳奇要下回分解，不過就算成咗，同而家股東都已經無關。當日利豐由高位回落，好多投資者見佢跌得咁多，不斷追入，有人買咗蝕錢加注再溝，佢哋主要係從股價見過的高位去睇，覺得跌咗咁多抵買啦，無睇佢股價同派息水平，結果愈溝愈淡，所以利豐最殺人唔係佢高價之時，而係跌到中途吸引入低撈。
陸羽仁過去不時強調買股準則之一，係貴股唔買，經常舉的例子之一就係利豐，認為佢之前咁高估值，好嘢都全部反映晒，一有唔兌現的時候，跌幅好厲害，不過，近兩年都已經少提咗呢隻股，皆因佢喺高位跌到咁殘，手頭揸咗的股東，已經買咗雞肋，揸之無味、沽之已經太遲。今日講和呢個故事，主要係提醒投資者，買啲高估值股票要好小心，特別喺佢哋跌落嚟時去低撈，真係要睇清楚係咪抵買，否則大升之時無賺過錢，反覆下跌時就貪平招，咁就加倍唔抵嘞。
慶日皇壽辰酒會歎靚和牛
日本農產品優質味美，是港人至愛，當日出席慶祝日皇誕辰日本領事館酒會的主禮嘉賓張建宗坦言，香港過去十年是日本出口農產品最多的地方，可見港人對日本食物的偏愛。
由於深明香港人民以食為天的性格，所以每年酒會都會預備不同日式名食款待來賓，堪稱是城中最多美食的酒會。單是和牛，當日就有岩手縣和佐賀縣的食材，現場即煮即食，肉香四溢，而且廚師出手豪爽，每份和牛都有相當份量，吸引賓客大排長龍。另外，又有攤檔介紹不同縣市的特色旅遊節目，氣氛猶如小型嘉年華。
陸羽仁
http://www.bastillepost.com/hongkong/article/2731463-法律界和中央的踫撞史
http://www.bastillepost.com/hongkong/article/2727823-無殼蝸牛一族聲音太小/
http://www.bastillepost.com/hongkong/article/2724780-散播恐懼-自制焦慮
http://www.bastillepost.com/hongkong/article/2721495-2018-繼續瘋狂
http://www.bastillepost.com/hongkong/article/2717951-抓住大機遇
http://www.bastillepost.com/hongkong/article/2711428-香格里拉酒店集團是如何打造出來的
預祝各位聖誕快樂
http://www.bastillepost.com/hongkong/article/2689881-持續勁蝕的生意只有一個下場-執笠
http://www.bastillepost.com/hongkong/article/2686253-港專堅持原則-勢受追殺圍攻
http://www.bastillepost.com/hongkong/article/2682227-做醫生使唔使去得咁盡？
http://www.bastillepost.com/hongkong/article/2679527-政治鐘擺回頭，建制派又學到甚麼？
中行可能要捱一陣20171218
上周恒指及內銀確實是升了, 但企唔穩29000之上, 這樣的走勢, 恒指就有很大的機會要來二次探底確認, 就是大家常說的右腳。
後市如何, 這右腳有幾深就很關鍵。因為這很大程度會預視未來一波中短期上升軌的斜度。
簡單而言, 到春節前, 恒指很大可能會有另一次低位, 未入市的人可以不用那麼擔心上不了車(短炒的師兄姐也不用那麼勇)。
但總體而言, 長線恒指仍然穩穩在牛市的搖籃中, 大家可以安心放長假。
回到內銀, 建行和工行只要維持在現價多一星期, 就能化解前段時間死亡交叉和穿三重底的利淡訊號。
反而值得一提的是3988中行, 以走勢而言, 除非能快速反彈上3.95以上,並不再跌穿, 否則即使保持現價, 都不能擺脫疑似頭肩頂的利淡壓力。
有留意中行新聞的人應該知道, 近期很多外資大行都開始留意中行的投資價值, 並將中行列為推薦,甚至首選的名單內。
但中行走勢近期不單止比建工農差, 而且是差很多, 甚至現價跌穿了250天線。
所以小貓大膽假設中行可能仍有一次最終一跌未到, 目的就是要把買衍生工具的散戶趕出局, 大戶也能收夠貨之後無後顧之憂地推高。
因此, 只要中行不能快速企穩到3.95以上,大家可以等一等, 看看會不會有意外的收獲。