《壹仔》與毛記
2018/03/12 11:11:54 網誌分類: 經濟
納指連升6日創新高
杜瓊斯工業平均指數收報25,335點，升440點；標準普爾500指數收報2,786點，升47點；值得留意係納斯達克綜合指數連升第6個交易日，並以全日最高收市，報7,560點，創紀錄新高，升132點。總結全周美股表現遠勝港股，杜指累升3.2%，標普500指數升3.5%，納指升4.2%。
較早時美國勞工部公佈，美國2月非農業新增職位31.3萬個，遠高於市場預期的20萬個，是2016年7月以來最多，失業率則維持在4.1%，市場原先預期為4%，數據反映美國經濟維持強勁增長。不過，聯儲局關注的平均時薪僅按增長0.1%，低於預期，意味通脹壓力不大，投資者對聯儲局加快加息憂慮降溫，這個數據「黃金組合」成為推升大市的主要動力。美股大升下，港股美國預託票據造好，相當於恒指今日高開400點左右。
大市方向唔明顯，中環茶友話題落咗係做咗28年的《壹週刊》落幕。壹傳媒（282）近年大力搞網，搞到成間公司虧蝕，?家《壹週刊》停出紙版，只係做網上版，但有員工係接受旗下報章訪問時坦言網上版《壹週刊》已營運3、4年，靠《蘋果》平台先叫多少少人睇，冇乜起色，好多部門外判，又要做埋即時新聞，人手唔夠只係人做我又做，數碼化後係咪就可以殺出到一條血路？係一個問號。
員工唔睇好網版前景
《壹週刊》實體書收檔，市場一啲都唔意外，因為早前佢賣盤失敗，本書早已搞到五癆七傷走晒樣，大家都估佢唔做得耐。有中環茶友話，食家蔡瀾係該刊有個欄，係賣盤時停咗，後來賣盤失敗都無恢復，蔡瀾係老闆黎智英老友，佢唔回巢已經係好明顯的凶兆。
茶友話，當日《壹週刊》話賣俾黃浩，市場都覺得呢單交易TOOGOODTOBETRUE，有乜理由一本蝕本雜誌可以賣幾億銀，偏偏有人會相信呢個「柯化」係真，搞咗一場大龍鳳。咁樣一搞好多員工就被裁或自己走咗，成為停刊的伏筆。
壹傳媒叫停紙本，聲稱「全力主攻網媒」，不過?家網上版有幾十個記者，再加部份外判，同高峰期幾百人四出刮料不可同日而語，咁狀況每日可以產生多少內容呢？如果一日只是區區幾十條料，比一個中型網站好不了多少，咁又點維持支出？唔怪得員工都識話前景有問號。
買傳媒股首要睇派息
《壹週刊》快速衰落，茶友覺得係轉型操之過急的結果，無咗本雜誌後，網上《壹週刊》係網絡的資訊海洋又點樣生存？呢個問題其實唔止係該雜誌遇到，而係成個壹傳媒面對的困境，而家無論係香港抑或台灣的生意，都係網媒紙媒一齊做就蝕大本，若然只做網媒無咗紙媒，咁內容又唔容易維持。通常，上市公司如果斬咗蝕本業務後，股價會係壞消息證實後回升，壹傳媒公佈停出雜誌，股價係上周五都升咗3%，但仍然係0.315元的近年低位浮沉。以目前狀況，壹傳媒派息無期，其主要競爭對手就年年派息，壹傳媒市值7億元，若然扣除手頭現金同債務，對手估值仲平，業務仲穩定，如果要趁壞消息入貨買吓傳媒股，係咪買佢對手仲抵呢？
由壹傳媒雜誌執笠，茶友又講到由壹傳媒捧起的毛記葵涌準備上市，令人有一雞死、一雞鳴的感覺。幾年前，壹傳媒大力追捧毛記電視，搞到好多網民走咗去捧場，咁唔多唔少都對佢自己個網有影響。唔知係咪睇到咁，自從毛記葵涌話上市，壹傳媒旗下同其他報刊就開始好少相關消息，唔知係咪因為無咗傳媒效應，毛記早前遞俾港交所的上市文件，已經顯示公司盈利大跌，如果情況持續，咁佢未來派息能力都值得關注，所以佢本招股書都值得睇吓。
毛記葵涌似絢爛歸平淡
毛記葵涌由絢爛有歸於平淡之勢，茶友分析有幾個原因，一來係先前所講的傳媒效應，雖然好多人質疑傳統媒體的影響力，實際上佢哋仲係意見領袖，可以左右主流睇法，毛記係傳統媒體曝光急跌，成為人氣下降的因素。再者，網民喜好變得好快，網媒好難做到有黏性。仲有一個原因，聽聞係毛記自從出位後，收費貴之餘，仲搶咗唔少廣告公司的工作做，係咁狀況下好多廣告公司都唔再推薦佢，呢種定位的尷尬亦造成生意下降。係幾個不利因素夾擊下，外界估計佢都要趕上市，唔知係咪擔心呢次機會已經係尾班車，上唔到就可能蘇州過後無艇搭。
手工啤可飲買股要揀大啤
海洋公園因為收政府三億元被人鬧爆，同特區政府攬炒。鬧歸鬧，樂園生意仍然要做，最近佢哋就搞咗個歌酒節，希望賣吓酒、搞吓演唱會增加收入，幫補吓赤字，希望遲啲毋須公帑補貼。
海洋公園呢次搞歌酒節，噱頭之一係手工啤。呢啲手工啤同大規模生產的啤酒不同，主要係賣特色，但價錢亦唔平。做手工啤唔係大生意，喺啤酒行要賺大錢始終要靠規模，所以中國最大啤酒生產商華潤啤酒（291）啱啱計劃收購喜力啤酒的中國業務進行談判，該交易價值可能超過10億美元，點知郁手之際就被人爆咗料。
據現時的說法，華潤啤酒和喜力可能會以換股作為交易的一部份。華潤近年在啤酒業發展好快，不斷擴大地盤，而且從高檔品牌啤酒中獲得新增長。相反，喜力、百威英博和嘉士伯啤酒等全球啤酒巨頭在新興市場面臨著來自本土競爭對手及相互間的雙重激烈競爭，而新興市場是全球大啤酒企業的增長動力來源。
目前，中國啤酒市場前五大企業分別為華潤雪花、青島啤酒、百威英博、燕京啤酒和嘉士伯。中國是以數量計的全球最大啤酒市場，華潤旗下最大品牌雪花啤酒是全球最暢銷啤酒之一，但主要中國出售，遲早有一日華潤啤酒都要衝出國外。現時內地消費市道轉趨樂觀，潤啤就係這個時候出手，估計呢隻股估值貴，但仍然會有捧場客，所以話飲啤酒貪得意可以飲吓手工啤，但買股就要揀買大啤啦！
陸羽仁
http://www.bastillepost.com/hongkong/article/2930316-你聽到人民的聲音嗎？
http://www.bastillepost.com/hongkong/article/2927558-眼看他起朱樓，眼看他宴賓客，眼看他樓塌了
短線有利潤就要吃20180312
上周高開低收, 低開高收, 低開走高又低收, 當散戶以為掌握到節奏的時候, 星期四五卻升上來了。
有些人會質疑為什麼前一周的小貓溫馨提示中, 小貓會突然選擇了觀望, 明明上周的走勢, 只要能捉到路, 每天都有2~3%的波動可以食。
嗯, 實話說, 小貓自問沒有信心能做到--這是過往經驗的實踐後得出的結果。
打開二月份到現在的日線圖, 就能很明顯看到有一條明顯的下降軌, 而下方有一條行左接近2年的上升軌, 在這種三角形收窄的尾段, 波動會很難捉摸, 而且隨時會突破。
跟據過往經驗, 這種迷之三角的尾段很容易被左右打臉, 不適合資訊相對較慢的散戶參與, 所以小貓就春眠了。
那這星期相對走勢可能會明確一些, 但因為牛證開得非常貼市, 意味著大戶應該沒有這麼快啟動升市, 所以短線有利潤就不要過份幻想了, 現實點好。
----
長線而言, 雖然短線有下降軌, 但底下的上升軌可是經歷2年裡大大小小的考驗才形成的, 所以只要一日未穿, 長線仍然睇好, 大家就耐心等一下吧。
利申:100%持股