長情股東也出貨
2018/03/26 08:41:32 網誌分類: 經濟
特朗普算交咗功課
港股雙鬼拍門下，藍籌股幾乎全線向下，持有騰訊最大股權的南非股東Naspers以每股405元批股，較上周四收市價折讓8.5%，收市跌幅收窄至4.4%報420元，單隻騰訊已拖低恒指136點。
美國向中國徵收關稅，市場認為以手機設備最受影響，多隻手機設備股報跌，瑞聲科技（2018）跌6.8%收造145.6元，為表現最差的藍籌股；舜宇光學（2382）跌5.5%收報151.7元，兩隻股份合共拖低恒指45點。受貿易戰陰霾影響的仲有出口股，利豐上周五（494）跌10%報3.87元；創科實業（669）跌5.2%收報43.6元。
港股收市後，美股續跌，杜指收市跌424點，跌幅1.77%，報23533點。全周杜指大跌1360點，跌至去年11月以來的低位。標普500指數收跌55點，跌幅2.1%，報2588點，較1月26日收市紀錄高位回落9.9%，一周累跌5.95%；納指收跌174點，跌幅2.4%，報6992點，一周累跌6.5%，創2015年8月份以來最大單周跌幅。
美國三大股指均創2016年1月以來最大單周跌幅。分析稱，杜指已跌穿2月8日收市低位23860點，技術上進一步接近出現「杜指理論」沽貨訊號。
美國總統特朗普向中國貿易宣戰有點打真軍味道。自上任以來，他積極落實競選承諾的態度係近年總統之最，要求中國改善貿赤係最新一項行動。用增加關稅去抗衡中國，呢招其實有點過時，不過特朗普顯然係老式人物，否則佢唔會退出巴黎協定，企圖以此改善煤礦工人就業。同樣，徵收關稅對美國經濟好處，都受到不少經濟學者質疑，但特朗普作風係唔會理呢類精英言論，繼續以其老式牛仔作風去討好他的支持者。
按常理估計，美國徵收關稅對改善經濟作用有限，同時對中國造成傷害都唔會好大，但內地為免示弱，都即時還以顏色，搞到華爾街股市因此受壓，被視為有可能受報復的蘋果上周五收跌2.3%，公司行政總裁庫即刻出來放話，擁抱開放、貿易、多樣性的國家，更可能獲得成功；反觀拒絕開放、貿易的國家或會遭遇失敗。𠵱家兩國摩拳擦掌，理論上特朗普支持者應該覺得佢已經做咗嘢，論理可以見好即收。究竟往後係咪撼完就收兵，睇多陣就會有眉目。
有愛情都要有麵包
特朗普向美國出招，咁啱係簽署法案前夕，騰訊南非大股東就選擇減持。呢間南非基金公司過去長期不股不沽，今次減持據報係受股東壓力，要求佢食吓胡，若然以佢減持股份僅係2%，手頭仲持有近31%股權，唔可以話佢唔睇好。喺減持消息後，好多分析員仲係看好公司前景，認為有人減持，同時亦有人接貨，唔應該因此睇淡。不過，有中環茶友就話，今次南非公司減持，佢賣股得來的780億元，肯定唔會用來買騰訊，咁即係少咗一筆錢去撐騰訊股價，本來騰訊股價係月前見頂後，跟住外圍科技股慢慢追上，但未創新高大股東就出來抽水，短期必然會令動力減少。
睇番騰訊基本面，集團剛公佈業績，初出來時大家都話好過預期，不過睇真啲意見就有啲參差，當中最主要係佢最食胡的遊戲業務第四季有放緩跡象，加上公司有意加大投資，有可能令佢盈利受影響。未來騰訊能否繼續有令人驚喜業績，在於佢能否把其他業務好似廣告等能否力挺。如果拉闊啲睇，𠵱家內地科網公司進入列強並立時代，唔少細公司都被淘汰，剩下的公司要消滅對手，燒錢力度可能要更大。
好似百度啱啱分拆咗愛奇藝上市，主要就係內地視頻網站燒錢厲害，𠵱家市場內角力公司仲有騰訊視頻等兩三家大公司，愛奇藝上咗市，咁即係短期會繼續同騰訊抗衡，再加上騰訊希望沾手的領域不斷增加，對資金壓力唔細，如果未來股市繼續向好，可以利用市場集資就無所謂，若然股市唔得，咁騰訊硬食，要維持強勁增長就唔容易，喺咁嘅環境下，長情股東都要減磅，可能都明白就算有愛情，點都要有麵包頂肚先得。
兩個大戶先後抽水
茶友話，除咗騰訊長情股東外，主權基金卡塔爾投資局亦宣佈沽清咗手頭的利福中國（2136）與利福國際（1212）股價，當中配售的3.71億股利福中國，佔公司已發行股份23.16%，控股股東劉鑾鴻認購其中1.86億股，餘下股份售予其他投資者。每股作價2.03元，套現7.5億元。
同一時間，科威特投資局亦配售咗利福國際3.71億股，佔公司已發行股份23.16%，控股股東劉鑾鴻認購其中2.8億股，餘下股份售予其他投資者。作價每股12元，套現44.5億元。從時間上嚟睇，科威特投資局配售兩隻股份，計落無乜錢賺，好彩係及時避過咗騰訊抽水震盪，時間相當之好。如果再考慮到科威特投資局同南非Naspers都係專業大戶，而且偏重長線，佢哋齊齊出貨，係咪對股市前景有啲啟示呢？
時富BANKEE哥笑傲股壇二十年
前兩日時富集團慶祝二十周年，喺五星級酒店擺咗幾十圍，集團主席關百豪（BANKEE）仲上台獻唱一曲《為你鍾情》。
時富喺金融界有江湖地位，當晚有唔少證券界人士出席，另外仲有教育界、政界，行政會議成員林健鋒都畀面做嘉賓，主人家成晚滿場飛。有中環茶友識咗佢三十幾年，睇住佢白手興家。
與大廚坤同台過招
記得多年前佢出道不久，當時東方明珠老闆黃坤喺股壇叱咤風雲，有次兩人同台，大廚坤歎住紅酒，同佢招來招往；不過，呢啲股壇軼事俱往矣，東方明珠已經唔同晒，黃坤亦經歷咗好多，BANKEE則經歷大大小小市場風浪，仍然繼續屹立江湖。
BANKEE當日上台高歌，明顯係練過功至上台，字正腔圓，佢喺台上多謝太太支持辭掉高薪厚職，穩陣舒服的銀行工，走出嚟同佢創業，所以話每個成功男士背後都有個女人支持，真係無講錯。
陸羽仁
http://www.bastillepost.com/hongkong/article/2988415-商務部爆料無人留意-中美近期根本無傾過?current_cat=1092
http://www.bastillepost.com/hongkong/article/2986416-中國-一個很快崩潰也很大威脅的國家？
http://hd.stheadline.com/news/columns/417/20180406/658517/
http://www.bastillepost.com/hongkong/article/2982063-美國有個司馬昭
http://www.bastillepost.com/hongkong/article/2978103-假如中國崩潰⋯⋯
其實我們呢啲正常思考的人根本無需分析戴耀廷，因為他根本就政治智障，表達如常人，但內裡邏輯混亂，思維反智。此刻令我懷念梁振英，因為林太骨子裡並無魄力去處理23條
http://www.bastillepost.com/hongkong/article/2974984-等我討論一下：你幾時死和怎樣分你身家
http://www.bastillepost.com/hongkong/article/2967317-政治-強人和古惑仔的遊戲/
http://www.bastillepost.com/hongkong/article/2964468-夠窮-夠惡-夠大膽
http://www.bastillepost.com/hongkong/article/2961045-從白日賞櫻說到瀛台夜話
講開派錢要填表申請， 其實入境處有全港市民的身分證資料，而政府本身應該都會有銀行帳戶處理支出收入，用其中一個帳戶號碼出現金支票，由入境處安排人手核實市民身分證資料，並派出現金支票，應該可以減少成本及籌備時間。
嗰啲咁嘅理念純潔派，口口聲聲話反對派錢，將來第一個趕著去拿錢，「理念很高潔，身體很誠實 」。 內地流行一句話：「職場或官場，作為高層，你的屁股決定你的腦子」。即係你坐嗰個位決定咗你的想法，做官可以扮清高，但切忌懶清高。
http://www.bastillepost.com/hongkong/article/2957540-理念很高潔，身體很誠實?current_cat=1092