吃在瘟疫蔓延時
2018/08/29 04:12:09 網誌分類: 生活
宅在家中無所事事,終日冥想和煲劇,歐美中港日韓劇集全部睇勻,《愛的迫降》、《夫妻的世界》、《慶餘年》、《The Crown》、《GOT》和《Killing Eve》快速看完,旅遊及美食節目當然也不放過,以為睇咗可以當食咗,怎知愈睇愈想食,難怪現時流行在家中鑽研食譜,上網學做菜者大有人在,街坊廚神數目激增,大兒子瀚林一家便是個好例子,天天一起在家做菜,由日式親子飯、各式沙律、印度咖喱雞、台灣餃子、法式烤雞、肉醬意粉到阿茂整餅,全部做齊。
自己做菜工夫太多,到街市買菜更是高風險活動,想足不出戶但又要食靚嘢,最好便是叫外賣,本地食肆走位靈活,無論中西菜館,星級餐廳以至快餐連鎖店,現時都提供外賣服務,我的最愛是銅鑼灣「富臨飯店」的點心、粉麵和小菜,不用出門便可食到三星名店的叉燒包、鵝掌、蝦餃、燒賣、芋角和炆牛尾,認真開心。飯店最近更推出每位一百五十元的星級外賣套餐,菜式天天不同,好像周一食的是鮑汁鵝掌扣花菇、番茄薯仔排骨湯、白飯和紅豆沙,周六是燒汁焗牛尾、西洋菜陳腎湯、白飯和綠豆沙,都是我的至愛。此外還有一千元的四人套餐,包自選四款精美小菜、明火例湯及糖水美點,抵食非常。
中環名店「唐人館」最近也做外賣,而且價錢大眾化,個人套餐一百零八元便有交易,可以食到招牌燒味飯或傳統炒粉麵,還送埋例湯,值得一試,此等名店以前是達官貴人的專用飯堂,現時尋常白領也可隨時食到!「唐人館」最受歡迎的外賣是招牌盆菜,瓦煲內有大連鮑魚、斑球、海蝦、牛腩、東坡肉、雞和滷水豆腐等,真材實料,大大煲翻熱後一家四口夠食有餘,食完還多了個保溫瓦煲!除了中菜,西餐做外賣的也不少,包括JIA 旗下的多家名店,好像安蘭街的 「Mono」最近便推出幾款四人套餐,每人約四百元便可食到大廚Richard Chaneton(以前是世界排名第一的Mirazur 餐廳大廚)做的精緻法國菜,加瓶自家珍藏的紅白餐酒,便是頓滋味無窮的星級晚餐。在家中若想跟好友共嚐美食,可以透過Zoom來個視像飯聚,用此等軟件開會會否洩密不得而知,但搞飯局則肯定不用擔心美食會不翼而飛,講爛gag口水多點也不會傳播病毒,保證安全。
葉澍堃
富臨飯店的四人外賣套餐
「富臨」黃隆滔行政大廚精心設計的$150星級外賣午餐
大兒子一家做的幾款沙律
「唐人館」的招牌盆菜
大兒子一家做的香草烤雞
家中的豐盛晚餐
太座及外傭在家中做菜
大兒子一家人在包餃子
孫仔孫女也跟阿茂學整餅
回應 (0)
我要發表