情深緣淺......菠菜白汁鮮蝦意粉
2007/02/07 04:38:58 網誌分類: 飲食
今日, 我病了患了重感冒, 鼻水猛向氣管裡流...好辛苦呀!
今夜, 我和女朋友通了電話, 淚水往心裡流...一樣不好受!!
和她談着以往的種種, 往事一一浮現眼前......
開心的...傷心的...平淡的...激情的...
開始明白為什麽往事只能回味...而回味亦往往令人陶醉...!!
只歎天意弄人......
為何兩個仍然深愛着對方的人, 不能拖手走過以後的路...
為何兩個曾經互相承諾過...就算大家將來已是老公公老婆婆...也會不離不棄...甜蜜蜜...手拖手行公園的人, 也為着一些原因而分手收場......
無論怎樣, 感覺是不會騙人的......
我只知道直到現在, 我仍然深愛着她......
只歎情深緣淺............................................
以下這個意粉是其中一個我為了她所創作而她亦十分鍾意的一款麵食
菠菜白汁鮮蝦意粉
材枓有菠菜, 蝦, 意粉
汁料及調味: 牛奶, 牛油, 麵粉, 鹽, 糖, 胡椒
1. 首先將菠菜洗淨, 放入滾水中煮熟, 再用攪拌機打成茸備用
2. 蝦去殼挑腸
3. 意粉用滾水煮軟(本人就喜歡太軟中心有少少硬就最好嘞), 瀝乾水份, 放在碟上, 加入少許牛油拌勻, 以免意粉黏埋一齊
4. 用少少牛油開鑊, 加入一茶匙麵粉略炒
5. 放入蝦肉煎香, 加入菠菜茸、牛奶, 用鹽, 糖, 胡椒調味(可以加入少許雞粉會更好味)
6. 最後將汁料淋在意粉上.......攪掂!!
呢個意粉都幾受女客人歡迎㗎, 好味得嚟多菜小肉嘛!! 妳哋又鍾唔鍾意呢?
唔好意思! 講笑咋...遲D有機會真係整俾妳哋食吖.....
梗係唔介意啦, 等我都幫吓手先.....!!