珍惜所有......特色芝士火腿扒多士

世事無常, 常言道要珍惜你現在所擁有的......聽就聽得多, 做到的又有幾個呢?!

家人如是, 朋友如是, 物件如是......

往往到你真正失去, 方知她珍貴......

今天全日留咗喺屋企, 欣賞咗好多其他Blog主的文章...

好有意思, 有些亦很有趣!!

今日留喺屋企的原因係因為---腳痛

常聽人說牙痛慘過大病, 同生BB一樣級數...咁我相信我這隻痛風腳都不惶多讓...

今日成日冇乜落過街, 都係因為佢...簡直痛到入心入肺...呀...呀...

都怪自己以前為食唔戒口, 得出個咁嘅病......

健康真的很重要!!...

都係嗰句啦...未到失去, 又會有幾多人識得珍惜吖?!....(包括我在內)

今日係度分享一個較為簡單的小食---

特色芝士火腿扒多士(記住唔係芝腿治喎)

  材料有去邊方包一塊, 火腿 一塊, 芝士一片, 蛋汁, 牛油, XO醬

1. 首先在方包兩面搽上牛油
2. 再喺向上那邊搽上XO醬
3. 鋪上火腿, 跟住係芝士
4. 最後喺上面搽上蛋汁, 放入焗爐以150度火焗大約十分鐘, 直至芝士微溶轉金黄啡色即成

唔好睇好似好簡單呀, 果陣喺Playground都好受歡迎...幾好味ka!! 大家試吓吖!!