塌樓直擊－－舊樓可以捱幾年？
2010/01/29 18:12:53 網誌分類: 時事
1月29日下午1時許，土瓜灣發生塌樓事件。
我大約在4:30pm回家，回家路上，早就在某店子電視機看到事件。
店子在紅磡，電視裡曾蔭權出來視察，表示盡力協助市民。
我以為那是另一區的事故，回家才知，塌樓現場離我家只隔兩條街。
旁邊的55年樓齡舊樓，也有我常光顧的零食店@@
＊網上的塌樓照片，我拍不到，因為警方封閉了現場。
收到太太電話，著我到岳父家（附近）看看，因為電話不通，我立即上去檢查，花茶已回家，兩個女兒在享用下午茶，睇卡通，只有岳父出去了看醫生，未返。
岳父大人習慣獨來獨往，又愛在街上四處逛，令我都擔心了好一陣子。幸好5時許，終於與他取得聯絡。原來，他只知塌樓，還未睇到新聞，連塌樓正確位置都不知道！
他說：「自有天命啦！」岳父就是這麼沒所謂的人，哈哈！
＊大件事在身邊發生，當過記者的我，自覺要去拍番一些照片，拿來報導。
圖為一輛有茶水供應給消防同袍的消防車，方便同袍長時間作戰，補充力量。
＊現場警方封鎖的情況，圖中趣怪大招牌，就是我常光顧的零食店。
據知，那兒連續多棟大廈，都達55年樓齡@@;
感想
只能為當事人作簡短禱告，也留意下舊樓問題，學煲呔咁話。以前，都唸過一楝舊樓可以捱多少年。今日終於有答案了。55年樓齡就有機會倒塌了。當然，建築和保養質素都緊要。
至於岳父家的大樓，是新鴻基出品，40多年樓齡，不知可以捱多久呢？
鍾博士：我屋企好近你屋企，我住上路近半山一號那邊，但我嗰間唔係豪宅，樓齡都幾十年，驚驚！
Pluto水準都高, 幾好睇, 但驚慄程度不及另外兩本...
咁你有無睇 Pluto？
有無 Monster 同 20世紀少年的水準？
MONSTER是經典, 古谷實我就無睇開.
而且MONSTER心理描寫很多, 驚慄性很巨大, 開始讀時要有心理準備, 故事展示的黑暗和衝擊, 某些情節也許令人幾難受.
INDY,
有朋友介紹我看浦澤直樹的MONSTER，和古谷實的庸才，你看過嗎?
評價如何？
我諗你唔係驚佢塌樓o卦？
不過改善生活環境就是真。
我要睇花茶阿公住到幾時先肯搬@@"
SKH的樓也許可住六十年吧！咁...仲有十年多少少。
依家我日日都在那裡吃飯的呀！
indy
新聞講過了，一般石屎樓可住 50 年，看維修情況而定正負10年左右。
但就算過60年樓，如此次般粉碎的機會不大吧。我很相信是拆僭建物的人為疏忽 + 樓宇失修 兩事加起來才如此。
脆脆鯊：
thanks^^
我都未算杞人憂天既，不過舊樓可以住幾耐呢個問題，都一直有唸，但未有答案。
indy
花蛋哥：
我就係唸，比薩斜塔咁斜都捱到咁耐。
好多中國古遺跡掘出後都保持一定的結構，不是粉碎狀態，照理今次塌樓，真係似建築問題多Ｄ。
我傾向相信受害者親人在電視新聞所講，係拆僭建時出問題。可能有人胡亂動土，傷害了主結構也不知唔定。
政府口口聲話舊樓要維修，有錢邊個唔想修。睇下間樓，就知唔窮都唔會住。出修葺令，人家哪來錢去修葺？？？
真係唔該市建局首先回收這類舊樓，先去唸點樣拆灣仔呢Ｄ充滿豐富懷舊文化的舊區。
indy
人家歐洲的樓閑閑地成百年，都無事。國內也有數百年不倒的大屋。我想樓宇有幾舊不是問題，關鍵是要定期保養維修。
有受害者家人話係拆僭健造成，呢個可能好大。
如果係，政府某部門可能要被追究責任。
indy
indy:我住過好幾年.
一睇到新聞，第一時間便想到：係你屋企附近。
無事，大家都好。
出事原因雖未知，似乎和地面裝修有關吧。
樓雖然舊，但突然這樣倒塌，應該不是正常情況。當然不望再有類似事件，但也不必太杞人憂天。
好像有專家說，意外也許由裝修引起。
無論如何，塌樓情況都好可怕。
如果只是個別結構破裂，塌下來應該是一塊塊石屎斷開的形狀。
但從照片看，不是積木瓦解的崩塌，而是整棟樓化成粉灰，是名副其實的粉碎。
真希望有做工程的朋友講解下呢！
indy
PS
neko, 咁我同你都幾近喎QQ
QQ原來也住過我這邊。
嘩，香港好多舊樓，可能引發一個驚慌潮啊！
＋２
呢單嘢真係嚇我一跳,我以前都係附近街坊,又o係鶴園街返過工,真係估唔到 !
+1
非風災雨打，香港冧樓幾少見，幾震撼，仿如地震現場。
小弟係那處返工,感覺真係冇常!