My Last Day at HKJC / 綠海游踪

Hi, 好耐冇見嘞...

之前講過, 我屋企部電腦壞咗...到宜家都未得閒買過部新嘅, 現在都係喺公司部電腦上嚟咋......

話 Resign, 話咁快又 last day嘞...可以實現自己的理想, 固然開心啦; 但喺度做咗十三個年頭, 或多或少都有D唔捨得嘅(唔好以為我好老呀, 三十出頭咋...), 番到嚟公司, 着手執番D自己嘢, 諗番起自己的十幾年青春, 喺度發生咗咁多嘢, 感慨良多...一切都已成回憶, 我只可向前望.....

最近唔知點解, 喺我身邊D friend 有好幾個都失戀, 我笑說唔知係咪受我感染呢...

Anyway, 都喺度同佢哋講句, 失戀係痛苦, 兩個人相處咗咁耐, 要分開...姑勿論誰對誰錯, 都一定好唔開心; 戀愛係兩個人嘅事, 之後無論決定點做都好, 自己諗清楚, 最緊要對自己無悔......保重身體...因為重有好大個森林等緊妳/你去開發...(我淨係識同人講, 自己都未做到...)

今次上完嚟之後, 恐怕又要失踪一陣子(因為未有電腦關係...), 希望大家唔好賴低我啦...?! 我會盡快買電腦 ka la...!

以下這個菜色是最近我為了她所創作的...

綠海游踪踪

材料 : 蛋4隻, 菠菜4両, 蝦4隻, 日式魚蛋2片, 香菇1隻, 鮮奶1/2杯, 蔥少許  

調味 : 鹽少許, 高湯1/2杯   

1. 首先將菠菜洗淨, 放入滾水中煮熟, 加入高湯用攪拌機打成茸, 再用濾網將菠菜茸液過篩備用 

2. 將蛋打好，加入菠菜茸液, 鮮奶及鹽攪拌均勻。  

3. 蝦洗淨去殼，香菇中間切十字花連同日式魚蛋放入蛋碗中。 

4.  將蛋碗包上保鮮膜，放入微波爐，大約加熱50秒至1分鐘取出，灑上蔥花即完成。（亦可用深鍋加水來蒸，時間則視容器而定。）

 希望大家鍾意啦!!