日式豆腐
2007/05/02 13:23:43 網誌分類: 飲食
Hi, 咁多位, 我番嚟啦, 真的好耐冇見……唔知大家重記唔記得我呢…?!
之前因為電腦壞咗, 未得閒去買部新嘅(基本上係睇唔啱款式…), 加上最近忙緊開鋪嘅嘢…所以咁遲先出現, 希望大家見諒解!
唉…原先預計三月底新鋪開張, 但因為各種預計唔到的因數, 到現在都未正式營業…不過我都希望等所有嘢都ready哂先邀請大家上嚟捧場, 可能要遲多十數天啦…唔知大家賞唔賞面呢?
最近冇工番的生活真的有D悶…下午先起身, 跟住番鋪頭跟進, 又或諗吓D營運模式…做到半夜先番屋企, 有點兒自閉…希望遲D開咗鋪會好D啦…Anyway, 多謝大家關心, 以後我會多D上嚟…
今日介紹俾大家一個簡單嘅食譜:
日式豆腐
材料 : 本地水豆腐/日式絹豆腐一件, 日式喬麥麵(約二十數條左右), 中華海澡沙律少許, 蟹子少許, 木魚片少許
調味汁料 : 芝麻油兩湯匙, 日本鼓油三湯匙, 萍果汁兩茶匙, 熱水兩湯匙, 砂糖半茶匙, 胡椒粉少許
做法 :
1. 將調味汁料混和,放入微波爐加熱約20秒,取出備用。
2. 將喬麥麵放入熱水, 用微波爐加熱2-3分鐘至軟身, 鋪開在碟上。
3. 豆腐切四件,入微波爐加熱約1分鐘左右, 放在喬麥麵上。
4. 把調味汁料淋在豆腐上, 再把中華海澡沙律, 蟹子放在豆腐上。
5. 最後將木魚片放在上面,即成。
這個菜色淸淡易整, 直情連煮食爐都唔使開, 大家得閒記得試吓啦…
多謝咁多位支持!!!...
我間鋪喺銅鑼灣區ka, 謝斐道那邊...樓上鋪嚟ka......
你在那裡開舖啊? 記得給我們地址啦!
我月中返啦,你口中既十零日,即係....???
一在港,我地成班為食貓 實要搵地方大擦幾個回合 ,請問你新鋪地點係邊區呢?
一定一定...