See See鬼屋砰碰猜
呢個暑假完左，廈大果邊兒童文學研究就要開始啦！
所以近排，也特別留意花茶的小玩意。
其中一樣，就係小朋友猜枚。
讓花茶教大家玩下吧！
呢個遊戲，名堂是「See See鬼屋砰碰猜」。
這遊戲好受佢學校同學歡迎，幾乎個個都玩嫁！
Step １
首先，係要手拉手，然後一齊唱：「See See鬼屋砰碰猜！」
Step 2
唱到「猜」字，梗係要出拳啦！
包剪鎚任選！
Step 3
然後，左手拍右手，右手拍左手，唱道：「砰碰猜！」
Step 4
按照猜拳結果做動作。
猜贏左果個要唱：「有鬼呀！」，並作勢嚇對方。
猜輸要唱：「好驚呀！」，並作勢扮害怕。
如果打平手，一齊唱「好彩無事！」，並齊齊耍手。
講完再喊「砰碰猜！」，開始下回合猜拳，直到有人做錯動作，分出勝負。
Variation
這遊戲好多變化，除左See See鬼屋，仲有……
See See Baby ... 贏左話對方瀨尿，輸左攬片片。
See See Madame ... 贏左扮警花Madame，輸左要Sorry Madame。
See See傻瓜，贏左扑對方傻瓜，輸左做傻瓜。
下圖應該係花茶輸左，聽哂Madame話。
感想
這遊戲我都同花茶玩過，都幾有趣。
最重要係，小朋友玩到笑唔停嘴。
根據廈大老師楊春時教授所講，小朋友在成人世界是失敗者，但在審美遊戲活動當中，他們可以超越自己，在遊戲中學習成人世界裡的事，並享受成功。
如果說藉審美－遊戲連結至成人世界，就是兒童文學最應具備的特點，花茶和同學這個See See系列遊戲，就是兒童文學的最佳體現。
何況，遊戲玩起上來，詞曲聲調鏗鏘，富有節奏，也頗有文學價值。
基本上，鬼屋、Madame、BB小便、傻瓜都是在在成人世界的文化符號，小朋友就借遊戲來進入大人世界。
可是，現在的兒童文學，好像非要講到甚麼大道理不可，才算是兒童文學。大道理是成人講哂，小朋友不得插嘴，論審美意義，這類道理文學，能勝過花茶他們玩的一個猜枚遊戲嗎？
有嫁，但係急唔來。
未來幾年要有野寫下出來囉。
indy
花蛋：還有路霸，會劫錢乎？
家長抗拒次文化業界，但他們往往無時間湊細路，只有俾錢細路自己買玩具攪掂。細路當然啋大人都傻啦！
其實你講的內容，令我想到兒童是如何學習大人的消費世界。遊戲中其實很多機會給他們學習，這部份 consumer Research 做得不多吧。我暫只記得 Russell Belk 研究過漫畫中如何表現「有錢人」的形象。但好像過了20年都沒有誰去 follow up……
有興趣寫下文嗎？
長途大巴很辛苦的，也不太安全。晚上行車容易出事，車上乘客也信不過，車匪路霸也較多。
寧願坐白天的車吧，安全一些。
下星期上去丫, 廈門!
話時話, 你覺得長途巴睡一晚算唔算安全?
晚上7-9PM上車, 早上5-8AM左右就到.
indy
INDY系咪到左廈門開學呀？
何家公雞同何家小雞我細時都有玩丫，但已經唔記得左規則嚕。
講起小時玩意，你有無玩搓波子、射擦膠同天下太平呢？
indy
indy:其實我本來想講何家公雞何家猜,點知打錯左黑白芝麻,白芝麻係嘩嘩 !!
文化業界同學術界有些少關係。
當然玩具次文化界已經睬佢都儍啦！
不過，家長一般仲係有少少抗拒玩具次文化業界，幾聽文化業界話。
兒童文學，係學術與現實需要嚴重脫節的一個範疇。
indy
業界？我估在業界出玩具的公司比出先童文學的公司發到多多聲。
我諗你只係講所謂「文化業界」o者。
此外，你做的是學術研究定係實務研究，學術研究理鬼o的公司諗乜？主要係理論的突破o麻。
如果你覺得 Homo Ludens 有用，你可以再看看：
Caillois 的 Man, Play, and Games 和
Sutton-Smith 的 The Ambiguity of Play
有人講過，同業界的做法係兩回事嘛！
業界裡面，文學高等，遊戲只是次等，配合主流意識形態，即遊戲荒廢學業。
謝謝你介紹此書，可能會是重要的參考著作。
在遊戲中小孩可以在無危險下試探成人的世界或為成人的求生技能作練習，呢個理論好耐之前都講過啦，Huizinga 的 Homo Ludens 都應講過，似乎唔會點得罪人o卦？
係，但就係要全副武裝，查清查楚先可以正式寫出黎。
小朋友在成人世界係失敗者，定義在乎兒童的主客體地位，兒童不被允許擔當主體，操縱客觀世界。
例如，小朋友想入廚房，大人話：咪入來，打爛野！
這就是兒童一般面對的成人世界。
操縱廚具是大人的事，小朋友被視為失敗者。
但在家家酒遊戲裡，或Cooking Mama，小朋友煮咩都得，可以切，可以蒸，咩都得，無人話佢玩刀危險，可以變大廚添！
indy
似乎會得罪人的理論才有名留千古的潛質，到起碼佢達到 Davis (1970) "Interesting" 的要求。
小朋友在大人世界是失敗者嗎？
在追求成就的角度或者是，因為我們常說重要的事不可「當兒嬉」 ，即無心把事情完成就是小孩的心。
但如以追求整體生話質素來講，大人都想回到孩童時代，因為孩童快樂無憂無慮，那才是高質的生活質素。
那，兒童在大人眼中是失敗者還是成功者？有個 moderator 你要考慮o羅。
QQ:黑芝麻白芝麻我聽過, 但唔識玩添.
係咪相同動作嘩兩聲, 唔同就嘩一聲?
差哥:猜枚咋噃...QQ
（發現寫錯步驟，已改正QQ)
放假就真系可以搞鬼咯！甘大个人都帮衬埋一份啊，街坊某报警咩？
令我想起黑芝麻,白芝麻 ..嘩 !! +2
花蛋：
所以我愈想愈覺得奇妙，人的成長中的socialization，竟可令人失去這麼多童真，忘記童年的這麼多喜怒哀樂，實在難以置信。
但成人生育孩子，卻又是一個令成人重新體會童趣的機會。
有時我唸，上帝創造人，給人這麼的一種周期性成長，頗有妙思。
indy
鯊鯊：
我這觀點有可能得罪好多人，所以做論文之前，要讀多Ｄ書，literature review多少少，睇埋會有咩人Challenge，唸埋點拆招後，先可以寫。
依家先在網誌提出初步觀點，做一個紀錄先。
indy
冬冬姐:
小道理小朋友都愛聽，基本上，見到鬼就會驚，見Madame要敬禮，就係小朋友在遊戲學到的小道理了。
indy
成人自己都做过儿童，长大了就忘记了怎么做儿童，儿童的事情就不懂，老用成人的思维来指导，理解。
你有無根據呢o的埋論寫過論文？
兒童文學不用說大道理的，小道理都可以呀．＋１
其實主要係想講部份兒童故事，過份說教，只係作者自己話自己係兒童作品，查實根本未必適合兒童。
反而，小朋友自己的創作和解釋，就遭成人忽視了！
我未見過有咩人話呢Ｄ遊戲稱得上文學，但我就覺得呢Ｄ遊戲，如果可以入文，應算入兒童文學之內。
成人尊重小朋友當然好，但我又覺得尊重還及不上陪佢地傻埋一份咁好。
小朋友一個特點，是主客不分，無你無我。尊重裡含有人與人分離，各不相干的意思，應該不是小朋友最需要的東西。
反而，青少年會更需要尊重，因為他們邁進成年期，開始有強烈自我意識，與他人區別。
看完雖然有些不明白，但是否反映了成人世界應給予兒童多一點尊重會比較理想呢?