本周焦點:釣魚台&陸恭蕙
過去兩周,頻頻出稿,寫到攰了。
今周抖一抖,寫短短地就算,扇子都嫌我文章長啦!
*希臘經典傳奇木馬屠城記。
今周一個焦點,是陸恭蕙入政府當環保政助。我有留意BLOGCITY趙善軒的文章,提到民主黨的失敗與出路。我同意他的觀點,即民主黨大可向開明建制派路線發展,他稱之為張炳良模式。其實,現在陸恭蕙和張炳良入政府,都係好事,他們會把民主派向來的觀點帶入政府。
木馬屠城記都係咁做,要破城,就要進入內部破。要變革,也要進入核心來變。所以我說即使梁振英是共產黨,也不反對。因為,香港該擔當的任務,是把作為世界公民城市的價值觀回饋中國,現在共產黨執政,只能是加入共產黨才能做到這種工作。
市民恐共恐左十幾廿年,世界咩都變啦,中國共產黨也會逐漸轉化,但無人信。大家望望支紅酒,十年前飲同今日飲,係咪一樣先?
第二個焦點--釣魚台。我覺得只可能是因為海底真有石油,日本才會做這種買島之挑釁行為。現在日本人在國內遭國人欺凌報復之事,早就可以預料。日本人宣佈買島前,是否先撤僑實際?也許是撤也撤不了,指望中國政府能疏導群眾情緒,不致死太多人。
*當初中日建交,由周恩來總理經手。
朋友教過我一句金句:「無死錯人。」我好信呢句話。中日搞咁多事出來,背後不會無的放矢。總之,戲演完之後,一定是大家各取所需,最慘係捲入風波中誤中流彈的平民百姓。
不知大家是否知道,中日之間有一樣東西叫做ODA--日本對華經援。1980年以來至2006年,日本對中國經援承諾金額累計至3300億港元左右,其中九成是低息貸款,亦有一成完全無償,大約是12.5億美元。
作為面子第一的兩個東方鄰近國家,中日關係睇牌面係睇唔哂的說。
有趣既係,果D錢十幾年來只有政府知,如果唔係日本叫停,中國民間都唔知有呢樣野。
打仗,通常都係贏果個逼輸果個呢樣果樣。賠償只係個好聽既名而已。
上一代條數如果要清,咁好煩,蚩尤都要問軒轅黃帝攞賠償。
indy
Indy寫長文是強項,我最鍾意睇有內容的文章,有point的話,長一些都無問題。+1
我推介你看木子兄的文章,他寫政治非常精彩,很值得大家細心閱讀。