廿載情誼生日飯局 - 新嘉旺火鍋
上星期三一班兄弟相約出嚟食飯，順便幫小弟慶祝牛一，真係要多謝咁多位兄弟既照顧同體諒，畢竟近20載的情誼真的得來不易。經過一番商議，大家決定去太子一間朋友相熟的菜館滾滾吓打邊爐。
該菜館位處花園街近花墟附近，離地鐵站5分鐘腳程，都幾近便。當晚一張大枱10人，先試了馳名重慶辣雞煲，雞煲有分大中小辣，而我哋有半數都是嗜辣之人，所以要了中辣。雞煲熱辣辣上枱，煲內還燒得唧唧作響，花椒麻辣香氣四溢，令人聞到垂涎三尺，雞件與辣椒花椒香料拌炒得乾身入味，香辣嫩滑非常，個人認為辣度剛剛好，亦有兄弟覺得有點過辣，當然明白口味一定各有所好。食完雞件後，倒入上湯至煲中，讓剩低的佐料同滾成邊爐湯底，延續香辣惹味嘅精髓。
原條細鱗魚刺身，新鮮即叫即劏，肉質鮮甜Q彈。
本地手切同美國安格斯肥牛，油花分佈均勻，本地手切肥牛肉味較濃，肉質亦較鮮美煙韌；安格斯肥牛則食落較鬆化嫩滑。
雲吞內D蝦大大隻夠爽口，自家手打墨丸亦十分彈牙。
自家包製菜肉雲吞
自家手打牛丸，夠筋性爽彈。
超Q彈蝦滑
有膏的鵝腸，現時真是一腸難求，很少有供應，這種超級邪惡的食物，亦係我最喜歡，那種爽脆加上鵝油的甘香真是一試難忘，耐唔中一次唔怕嘅…
大大粒雞子，大家一齊補一補。
羊肉片羶香軟滑
生劏原條沙鯭魚，一半用嚟打邊爐，一半用嚟椒鹽。
即叫即炸響鈴，上枱時還熱騰騰，即食酥脆香口；浸湯10秒讓其吸收湯底的味道，半脆半軟的口感更正。
外面少見的牛胸尖（牛爽肉），全白透紅的肉身，望落以為是肥膏，其實煮熟後是滿滿牛味，Q爽煙韌的一塊肉。
豬大腸，不太肥，有大腸應有的羶味，正。
黃沙豬膶十分新鮮，焯熟後甘香爽口。
鮮嫩皇帝菜
成班男人，當然唔少得把酒言歡啦！
當晚朋友分別帶了幾支酒：
從俄羅斯買回來的Vodka，酒精度達四十多度，但出奇地易入口，沒有像在香港飲到的那些Vodka一般刺激燒喉感覺。
從日本買回來，三得利酒廠的Special Reserve威士忌，同是四十度酒精，入口香醇順滑帶回甘。
從韓國買回來的燒酌，韓國燒酌一般給人的印象是激烈燒喉，但這支酒又是另一驚喜，四十一度酒精，居然異常地順喉，但當你以為順利嚥下的時候，出其不意地會有一股刺熱回湧到喉頭，都蠻激烈的。
這餐晚飯最終約$3650埋單，平均每人約$365，價錢一般。再次感謝咁多位兄弟好友和我慶祝生日，感謝！Friendship Forever!!
更多資訊，盡在: 古家私房菜
Facebook: https://www.facebook.com/myplayground2015
