陸羽仁周記
陸羽仁周記
陸羽仁周記

港鐵黑仔 超支翻燒

2016/07/11 08:42:13 網誌分類: 經濟
11 Jul
        港股上周係脫歐後上上落落,恒指周五跌142點,收報20564,成交減到472億元,反映避免情緒仍然濃厚。香港收市後,美國勞工部公佈,6月份非農業新增職位28.7萬個,遠高於市場18萬的預期;5月份增幅由3.8萬向下修訂至僅1.1萬,4月份增幅則修訂至14.4萬。

        與領展同變民生大山

        美國經濟強勁,令年內加息機會增加番啲,美股反應就正面。杜指收市報18146點,升250點。納斯達克指數收市報4956點,升79點。市場對風險嘅胃納減少,資金湧入買防守性股份,除咗公用股,兩大惡股領展(823)同港鐵(066)都雙雙創新高。呢兩間公司因為擁有獨特市場地位,加上賺錢去得盡,被政務司司長林鄭月娥列為民生三座大山,相當惡搞,之後特首都加把咀,不滿領展管理層作風,係佢哋開腔後,政府不滿兩間公司太惡,已經曝光浮晒上水。

        同領展相比,港鐵似乎無咁「串嘴」,不過,佢同政府嘅關係仲糾纏不清啲。港鐵呢排好似有啲黑仔,上星期立法會調查專責委員會就高鐵香港段延誤事件發表調查報告,話佢需為工程延誤負責。

        委員會難以理解為何政府明知目標完工日期過於緊逼,卻未有質疑港鐵對保證能追回進度的承諾。有議員就打蛇隨棍上話,如證實港鐵「有力無心」導致工程延誤,全部190多億元的超支費用應該由港鐵承擔。係報告被人鬧完話聲未落,工會又話對公司今年決定加薪幅度為1.85%至5.6%,其中55%以上員工獲加薪3.7%表示失望,一時間好似有啲上下夾攻嘅味道。

        港鐵早排為咗價格機制,同運輸及房屋局開火,今年港鐵企硬要加價,唔知係咪咁引起咗林鄭嘅注意,將佢列為壓住民生嘅大山之一。特首梁振英就仲未表態,唔知佢會唔會同林鄭一樣為民請命,若然係咁,港鐵加價嘅後遺症,隨時就會借住立法會個報告翻燒,被政府高層用嚟砌佢哋。高鐵超支單嘢,將來好大機會要打官司,關鍵係政府會唔會再加重手去幫市民出口氣啫。

        無論係領展抑或港鐵,可以搞到被政府高層接連點名,證明實力有番咁上下,要郁佢亦都唔易,呢個都係管理層可以企硬回應的本錢。雖然兩隻股手瓜夠硬,唔怕被高官鬧照創新高,股民追捧之餘,都要留意吓佢哋經營環境有無差咗。好似領展做商場,雖然係賣民生產品同服務為主,但經濟放緩,點都會影響收入。

        惡股都怕經濟差

        至於港鐵仲明顯,因為自由行少咗,佢嘅客運必然受影響,同時地鐵沿線廣告都要跌,仲有就係樓市向下,對物業發展分紅都會有壓力,所以同其他公用股比,佢哋急升之後嘅短線值博率,就真係要計吓數。而家環境複雜,市場寧願追捧啲簡單嘢,長建投資英國多、電能都有港外物業,於是資金投入主要集中本地嘅港燈(2638),上周末個市雖然跌,仍無礙佢創上市新高,高見7.3元,收市升0.41%,報7.28元,可見市場口味,都唔鍾意有太多地方睇唔通嘅公司。

        新意網悄然逼近高位

        講開市場鍾意穩陣嘢,專做數據服務嘅創業板公司新意網(8008),雖然都挑戰一年新高,收報2.86元。新意網係二千年科網股狂潮時掛牌,股價同當時仲有大段距離。同佢差不多時間上市,同樣由地產公司分拆嘅有線寬頻(1097)蝕足八年,而家炒緊賣盤。新意網就主力做數據中心,性質有啲似收租佬,而家佢市盈率20.3倍,勝在派息有4.3厘。呢類有數得計嘅公司買咗唔會發大達,但係資金唔想冒險下,就會成為收息對象。

        岳少新店炸豬扒有秘製茄汁

        麗新主席林建岳喺海港城間唐人館正式開幕,星光熠熠,搞到麗新國際上周末股價爆升兩成,口痕友話係賀佢新店開張喎。除咗明星藝人外,佢老友、前政務司司長唐英年都有捧場。

        杏汁花膠夠彈牙

        當日試菜,最多人讚係個碗杏汁花膠,杏汁夠濃,最緊要係花膠夠彈牙,另外仲有個招牌炸豬扒,記得要配特製茄汁一齊食先夠滋味。講起唐公子,佢都係識飲識食之人,經常係岳少中環幾間食肆開餐、捧老友之餘,自己早前仲帶頭係上環搞咗間江蘇薈,專賣佢嘅家鄉嘢。中上環一帶,食上海菜嘅地方唔少,好似上海總會、蘇浙同鄉會等有名的名人食堂,仲有搬咗去一年左右嘅香港老飯店都唔錯。去江蘇薈都係食吓小糖醋排骨、小籠包、葱油麵,仲有鹹甜酥餅。

        做得名人飯堂,佈局必然要適合傾偈,該店有圓枱、貴賓房外,還有高背卡座,一般商務交流相當方便,最緊要嘅仲係呢度同西環只係一步之遙,所以聽聞呢間舖都係自置物業,皆因呢個地利好重要也。

        陸羽仁

        
回應 (0)
我要發表
user

網誌分類

最新回應

sunnyyi
sunnyyi 2020/08/09

推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效!

德國黑螞蟻
德國黑螞蟻 2020/08/09

2020網路持久增硬保健銷售榜單推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效! 美國威而鋼viagra德國必邦德國黑螞蟻老中醫補腎丸japan tengsu液態威不讓時間輕易溜走,釋放被禁錮的激情,做一個想硬就硬的男人,做一個收放自如的男人。美國威而鋼viagra 美國maxman增大丸 美國goodman增大丸 加拿大vimax增大丸 vvk增大丸增大丸

點擊:https://www.p-force.com.tw

藍P必利吉
藍P必利吉 2020/08/09

2020網路持久增硬保健銷售榜單推薦果凍威而鋼必利吉印度必利勁代購雙效威而鋼超級犀利士,超強持久和快感,快速起效! 美國威而鋼viagra德國必邦德國黑螞蟻老中醫補腎丸japan tengsu液態威不讓時間輕易溜走,釋放被禁錮的激情,做一個想硬就硬的男人,做一個收放自如的男人。美國威而鋼viagra 美國maxman增大丸 美國goodman增大丸 加拿大vimax增大丸 vvk增大丸增大丸

點擊:https://www.p-force.com.tw