高質「大館」中菜
2018/10/29 04:12:45 網誌分類: 生活
向來愛食中菜的米珠蓮，今次率先試試警察總部大樓新開的The Chinese Library。當日去到，才發現是一間佔地將近萬呎的餐飲概念店，連接着酒吧The Dispensary及英式餐館Statement，相當有趣。
當晚米珠蓮和友人J七點到達，餐廳幾乎坐滿。這裏樓底夠高，不會有壓迫感，同時保留了原本建築的橫樑，多一分歷史氣息。食物出奇地有心思和特別，好像藤椒拌翡翠，將一條條萵筍切到欲斷不斷，超考師傅刀工，味道正宗，有強勁麻味但一點都不辣，米珠蓮愈食愈上癮！還有叻沙小籠包，餡料不得了，一切開，濃濃的叻沙緩緩流出，又香又惹味，正！再來個龍井燻河蝦仁，一上枱已聞到龍井香氣於空中飄揚。坊間不少煙燻菜式都是聞起來香，食落無味，但這道河蝦仁，真的食到龍井香，即使上枱一段時間過後，蝦仁上的龍井味仍未散，結果米珠蓮忍不住一個人K.O.整碟！
查詢：2848 3088
米珠蓮
回應 (0)
我要發表
