鬧市高質火鍋
2019/03/26 04:12:32 網誌分類: 生活
這裏裝潢有點像時裝店，又似Cafe，只放四、五張長枱，非常闊落，坐得舒服。落單方式有別於一般火鍋店，這兒是訂位時已預先點菜，以確保能供應最新鮮食材，如果幫襯多幾次成為熟客，更可以請老闆發辦。湯底有多款選擇，包括西班牙海鮮、花膠雞湯底等等，當日米珠蓮和一班女性朋友選了花膠雞湯底，夠滋補嘛。湯底呈奶白色，還放入原隻的雞，夠濃夠香；花膠大塊且厚身，放進湯滾起再吃，膠質多得緊要！雞肉也煲得軟腍，一夾起即離骨，單是飲湯都夠回本。
朋友A來過好幾次，早已跟老闆相熟，所以今次配料都是由老闆挑選，手包餃、牛肉、海鮮、菜籃等等，包羅萬有。海鮮如蟶子鮮甜新鮮，而且大大隻，而米珠蓮最愛厚切午餐肉，炸得香口脆身，但不會食到滿口油，雖然好熱氣好邪惡，但放到你面前實在無法抗拒！
打過邊爐，再與老闆閒聊一會，得知這裏除了火鍋，還有私房西餐，確係估你唔到，下次來試西餐的話再向大家報告吧！
查詢：9663 6345
米珠蓮
回應 (0)
我要發表
