足料滋補蛇宴
前日和一班朋友訂了一席十二位的蛇宴，藉此機會聚舊聯誼一番。據聞此處的蛇宴口碑唔錯，每輪例必爆滿，今次亦訂了兩次才訂到。
去到現場，是在一住宅大廈裡面，裝修亦是一般辦公室的格局，較為擠迫，當晚筵開15席，每席都差不多背貼背的坐，心想以咁不濟的環境下都可經常爆滿，食物質素應該有一定的保証吧。
根據菜單，每席有九道菜。
太史五蛇羹，以蛇絲，雲耳絲和筍絲，加入上湯同餚調味鈎芡，配以檸檬葉及薄脆，清香滋補惹味兼而有之。每席可享兩窩，每人起碼有兩碗，十足份量，童叟無欺。
冬笱炒蛇絲，蛇絲肉絲雞絲加上冬筍西芹甘筍絲同炒，上碟色彩鮮明，清甜爽脆。
海味大拼盤，用料豐富，除了基本的花菇蠔豉螺片之外，還有花膠鹿筋，全部炆得Q軟入味；而海味下放入了津白，盡吸海味鮑汁精華，濃香鮮甜兼備。
三蛇鹿胎糕燉竹絲鷄，原隻竹絲鷄三蛇清燉，湯水有著雞湯的清甜，三蛇的滋補，飲完成身都暖哂。
枝竹炆草羊，羊腩大大煲，份量比外面一般的要多，以傳統醬料手法炆製，羊腩帶著濃香柱侯醬味道，不會太羶卻十分惹味，枝竹北菇盡吸肉汁醬汁的精華，味美非常。
豉汁蒸大鱔，大鱔球十分新鮮，肉質脹卜卜夠滑夠彈牙，配埋豉汁同蒸，辟去泥腥味，繼而帶出魚香鮮味。
當紅脆皮雞，原隻鮮雞以古法炮製，皮脆肉嫩，鹹香有雞味，佐以七彩脆卜卜蝦片伴碟，滿滿懷舊菜風味。
蛇湯灼生菜，唐生菜以蛇湯煨灼，翠綠爽口，清爽口感平衡番之前的濃膩。
臘味糯米飯，以懷舊生炒做法，飯粒爽口，充份吸收臘味肉香，惹味可口，令人就算飽肚都想食多兩碗。
整頓飯味道及質素很好，帶著懷舊菜的風味，唯上菜速度頗急，未能慢慢品嚐享受餸菜珍味，但這也是在工會蛇宴的特色吧？！
總括而言，能在入冬時份享受一餐這樣足料滋補的蛇宴，暖入心窩，於願足矣。
原文連結: 足料滋補蛇宴
更多資訊，盡在: 古家私房菜
Facebook: https://www.facebook.com/myplayground2015
