記得買六合彩

「喂，1億5千萬呀，記得買六合彩！」好心人WhatsApp提醒我，但不知為何，不太提得起勁。死啦，史上最多彩金的機會，突然間無興趣，我應該有點問題。

一直與大獎無緣，六合彩最巴閉只收過幾百元。今次獎金太勁，滿城盡是橫財夢，買一個夢的人應該是歷來之冠，當人人都爭時，幾時會輪到我？

自己知自己事，畢竟沒有橫財命。但自問好勤力，但以前新界隻牛夠勤力啦，但一早冇田耕啦，結果隻牛命途好坎坷，坎坷到搭沉隻艇！勤力真係未必搵朝得晚，有時真係要等運到。唉！