加加加加加 2008/02/01 00:00:00 網誌分類: 寫作 01 Feb 很久沒有去大埔吃群記的牛腩,專程開車去一趟,大閘竟拉上,原來那幾天鬧牛荒,莫說爽腩、坑腩,連牛肉供應都大減,群記索性關門大吉。我遠道而來,沒理由空着肚子回去,唯有轉往市政大樓,打算吃一碗洪記魚蛋粉,飲杯奶茶和吃一件多士。 怎料頭頭碰着黑,洪記也關了門,原因不明。市政大樓有五、六檔魚蛋粉,隨便揀了一檔,食味不及洪記,埋單時竟比洪記貴一元,有街坊說大樓內所有魚蛋粉檔都加了價。加一、兩元無所謂,遺憾是吃不到群記和洪記。 翌日,在筲箕灣一家茶餐廳用膳,赫然發現餐牌價目又改了。午飯套餐原賣二十二元,早前加至二十三元,不夠一個月,又改為二十四元。吃完飯走過東大街的安利魚蛋粉,跟老闆娘和太子女聊幾句,兩人吐苦水,說牛腩缺貨,抬價在所難免,魚又何嘗不貴!此外,一些不見光的物料加到你唔信,油、飲奶茶的糖、午餐肉和麵粉等,加完又加,老闆娘預告,安利農曆年後加價。 再過一天,上班前買麵包吃,發覺有點不對勁,價錢變動了,但問題是過往我從不在意麵包幾錢一個,尤其是麵包店都用八達通付款後,我不會記住雞尾包幾多錢一個?到底有沒有加價?加了幾多?我真的不知。 通脹殺到埋身,人人說百物騰貴,起初我幾乎沒感覺,只會暗自說一句:「貴得幾多吖!」這幾天的經歷,稍為留意一下,才發覺加風吹遍飲食業。大埔的魚蛋粉加了一元,無動於衷,今天發覺樣樣都加,儘管加一、兩元,但針拮到肉了。 梁家權 回應 (12) 我要發表 梁家權 2008/02/14 13:03:56 回覆 candy,你很有心,謝謝你。並祝情人節快樂。 梁家權 2008/02/14 00:22:39 回覆 答Kaew:我新年沒有長假,還要時刻應付陳冠希事件的每天變化,加上患了氣管炎,吃了多天齋。咁,你去了哪裡?我去過的地方不少,猜不到你的去向。我的確怕熱不怕凍,但今年香港凍得太耐了,人也不太起勁。今天,祝你情人節快樂。 2008/02/14 00:22:39 回覆 Kaew問:你新年去邊鼠過年? 我鼠左去你曾經玩過既地方過一個熱情d新年. 好彩這地方d冬天不是很酷熱,否則返港變成炭妹就笑鼠人囉. 你幾時開工大吉呀? 鼠年好似個個都鼠鼠聲過日子, 你怕熱唔知又會唔會都怕凍呢? 鼠年就祝你擁有鼠不盡的口福,又鬼鼠又聽話啦~~~ By the way ~ happy valentine's day ~ 則卷小雲 2008/02/13 21:10:25 回覆 則卷小雲 2008/02/07 05:50:56 回覆 我買的是杉斑啊! 北角碼頭的海魚又新鮮, 肉質厚, 比我住的那區平宜多了! 仲可以講價添~ 梁家權 2008/02/06 11:50:12 回覆 candy, 你條魚一定係游水的,加州鱸魚或者鯽魚都冇咁貴,石蚌亦冇咁貴,火點就好難講,鱲(魚立)魚有可能,但應該唔係海鱲(魚立),斑類更加唔得,而且養的居多,蘇眉類唔止呢個價錢,或者是一塊(魚倉)魚,鷹(魚倉)、灰(魚倉)。亦順祝你新年快樂,身體健康。 則卷小雲 2008/02/06 03:26:11 回覆 體健康! 想事成! 運亨通! 則卷小雲 2008/02/06 03:25:49 回覆 查實係條魚貴, 佔左開支的50%啦! 梁家權 2008/02/01 23:15:18 回覆 candy,巧婦難為,你唔駛出來做,真令人羡慕。仲有,嘩,百二蚊一餐,即使係以前八十蚊都好豐富喎。 梁家權 2008/02/01 23:09:26 回覆 次麗大人,我以為春節期當前,寫多些日本物事,方便打算去日本或喜歡去日本或曾經去過日本的朋友看,本來我想寫多篇,但加價實在太到肉,有感而寫。我都覺得有人趁火打劫,加過龍。 則卷小雲 2008/02/01 16:23:02 回覆 咪係囉, 以前煮一餐晚飯八十元有湯有魚有肉有菜, 家陣要成佰二蚊都未必掂啦~ 攪到我都想出番黎返工, 可惜又被reject了~ 2008/02/01 11:01:24 回覆 都係寫返d本地題材親切d##################宜家樣樣野都加....人工又追唔到通帳有時可能有d野價格冇乜點勁升不過都趁火打劫加埋一份唉......=_=.....2年前,一個頹飯$10仲送飲品...今日一個頹飯都要$15喇~要飲品要加多$1...通帳問題真係好難解決呀~~~ 發表回應 會員回應 私人回應 名稱 密碼 登入並發表回應 新會員登記 取消
咁,你去了哪裡?我去過的地方不少,猜不到你的去向。我的確怕熱不怕凍,但今年香港凍得太耐了,人也不太起勁。今天,祝你情人節快樂。
candy, 你條魚一定係游水的,加州鱸魚或者鯽魚都冇咁貴,石蚌亦冇咁貴,火點就好難講,鱲(魚立)魚有可能,但應該唔係海鱲(魚立),斑類更加唔得,而且養的居多,蘇眉類唔止呢個價錢,或者是一塊(魚倉)魚,鷹(魚倉)、灰(魚倉)。
亦順祝你新年快樂,身體健康。
體健康!
想事成! 運亨通!
查實係條魚貴, 佔左開支的50%啦!
都係寫返d本地題材親切d
##################
宜家樣樣野都加....人工又追唔到通帳
有時可能有d野價格冇乜點勁升
不過都趁火打劫加埋一份
唉......=_=.....
2年前,一個頹飯$10仲送飲品...
今日一個頹飯都要$15喇~要飲品要加多$1...
通帳問題真係好難解決呀~~~