六個鐘自助餐怎消受？
2019/04/06 04:12:33 網誌分類: 生活
想喝甚麼便自己揀，這才認真頭痛！是不是年輕人答慣選擇題，四十幾種飲品任揀，根本是難題！最要命是任飲，飲品櫃旁邊還有韓國雪糕和軟雪糕！說實話，飲得幾多吖，飲到一肚水盞蝕底。
這家千賀水產鮮鍋道場，說是自助形式，但貴價海鮮包括大蜆、中蝦、象拔蚌、蟶子、蠔，則限定每人一份，多人則以拼盤式捧來，其他如蜆仔和凍熟蝦等則任取。壽司吧有日式魚生和壽司，賣相算乾淨企理，供應似乎源源不絕。火鍋湯底有十四款，老友點了花膠雞湯，我多口說一句：「使唔使食到花膠呀？」他居然說抵！明明看到菜牌要加八十元，卻原來預訂時說明要花膠湯底可免額外收費。蔬菜瓜果種類近二十款，親眼目睹有人貪得意每款攞兩條，即使蔬菜不是肉，但吃齊各款也會飽啊！更何況，有多款供應給酒店的精緻點心，有中式熱炒及蒸石斑，有多國菜式，有多款甜品，連樽仔真燕窩也任取。不得那麼多客人，問題是這盤生意點做？
老友叫慢慢食不用急，事關店方限定任食六小時。六小時？發神經，我吃了一小時便先離去，是怕像金魚一樣貪吃不識死，滯幾天便大件事。
梁家權
回應 (0)
我要發表